Titolo NapoliVII.133Indizione VI11 settembre 1382 Integrazione del titolo Indizione VIData Indizione VI11 settembre 1382 Indizione VI Luogo NapoliPersone Carlo III d'Angiò Durazzo [re di Sicilia] Capua (di), Roberto [milite, ciambellano, familiare del re] Orsini, Nicola [conte di Nola] Crispano, Matteo [dottore di leggi, maestro razionale, luogotenente del gran camerario] Thiene (de), Giovanni [dottore di leggi] Tomacelli, Bartolomeo [milite, siniscalco del regio ospizio] Guindazzo, Francesco [milite, siniscalco del regio ospizio] Merolionis (de), GentileDescrizione Karolus tercius etc. Universis presens privilegium inspecturis, tam presentibus, quam futuris. Consuevit interdum regie liberalitatis officium de infidelium spoliis fideles induere ut illi de commissis in dominum uditam penam supportasse sentiant et isti de virtutis constantia consecutas premium se fuisse letentur. Actentis igitur gratis, grandibus, utilibus et acceptis serviciis prestitis culmini nostro fideliter et constanter per virum nobilem Robertum de Capua militem, cambellanum, familiarem et fidelem nostrum dilectum queve prestat ad presens et speramus eum de bono in melius prestiturum ut proinde prosequamur eum alignabi rependio premissum ad que consequenda cum de casus habilitat, foveat, suffragit bone spei, eodem Roberto et suis utriusque sexus heredibus ex suo corpore legitime descendentibus, natis iam et in antea nascituris in perpetuum de annuo redditu unciarum auri centumquinquaginta ponderis generalis assegnando per eum, seu dictos eius heredes in et super quibuscumque bonis feudalibus nostrorum rebellium ad manus nostre curie per rebellionem notoriam, seu lese maiestatis crimen rationabiliter devolutis, seu devolvendis in antea duximus sub contingenti et debite proinde feudali servicio, seu adoha suis vicibus curie nostre prestando harum serie proprii motus instinctu liberalitate mera certa nostra scientia et speciali gratia providendum, ita quidem quod idem Robertus ac dicti sui heredes auctoritate propria et presentis privilegii nostri vigore possint et valeant huiusmodi bona rebellium devoluta, seu devolvenda usque ad predictum annuum redditum unciarum centumquinquaginta et ad bona ipsa minus iniectionem habere per se, vel alias earum nomine nulla alia a maiestate nostra, seu officialibus nostris expectanda licentia, seu mandato etiam si opus fuerit illorum bonorum possessionem capere possint armata manu et exercitu militari et cum assistencia nostrorum officialium prout sibi fore putaverit opportunum, in quarum fidem assecuratione et adeptione bonorum eosdem Robertum et heredes suos omnibus et singulis aliis de bonis feudalibus ad manus dicte nostre curie devolvendis concessiones, donationes, vel provisiones habentibus volumus et de dicta certa nostra scientia decernimus anteferri, volentes et commictentes eidem Roberto ut contra dictos nostros rebelles possit et valeat guerram impune movere eosque et vassallos eorum offendere, invadere ad dampnificare in personis pariter et in rebus tamquam nostros rebelles omni via et modo quo potuit aptiori, investientes dictum Robertum de predictis bonis usque ad predictum annuum redditum unciarum centumquinquaginta pro nunc prout ex tunc cum vacaverint per anulum nostrum presencialiter, ut est moris, quam investituram vim et efficiaciam vera et realis assecucionis et habitionis dicti annui redditus uncias centumquinquaginta in eisdem terris et bonis feudalibus rebellium nostrorum volumus et decernimus obtinere, ita quidem quod tam ipse Robertus, quam prefati eius heredes postquam terras et bona ipsa feudalia usque ad annuum redditum predistinctum fuerint realiter assecuti terras et terra ipsa teneant et tenere debeant in feudum immediate et in capite a nostra curia nullumque alium preter nos ac heredes et successores nostros in dicto regno in superiorem et dominum exinde recognoscent servireque exinde teneant et debeant de feudali servitio exinde contingenti ut si bona ipsa feudalia de novo feudo fuerint prout in regestris regalibus annotantur et si de antiquo feudo fuerint prout per inquisitionem de mandato nostre curie faciendam bona ipsa fuerint valere comperta quodque tempore assecutionis dictorum bonorum feudalium singulis vicibus quibus presentis nostre concessionis provisionis et gratie executio sint significare id dictus Robertus, vel dicti sui heredes nostre curie infra menses quatuor ad tardius teneantur et debeant ac notificare dicte curie nostre curie ubi bona ipsa sita sunt et si bona ipsa sunt de feudo novo, vel antiquo et si sunt cum vassallis, vel sine vassallis et de servitio exinde curie nostre debetur et ex quibus causis cuiusque ribellione notoria bona ipsa sunt ad manus dicte nostre curie devoluta et de omnibus aliis circumstantiis particulariter et distincte ac presentes nostras licteras eidem nostre curie per ipsius curie certitudinem et cautelam et si de antiquo feudo fuerunt, possumus inquisitionem fieri facere diligentem de valore annuo earumdem et tunc lacerato presenti privilegio nostro, si opus extiterit, et de regestris eiusdem curie cancellato aliud privilegium cum distinctione bonorum ipsorum per partes et membra usque ad dictam summam, seu valorem annuum prelibatum et cum distinctione feudalis servitii proinde debito in consueta et debita forma fiat, vel alie declaratorie nostre habere concedantur eisdem ac faciat nobis homagium pro bonis ipsis et prestat tunc pro bonis eisdem fidelitatis debite iuramentum, nos enim universis et singulis officialibus dicti regni nostri Sicilie presentibus et futuris quocumque titulo et denominatione notentur ipsarumque locatenentibus damus harum serie de dicta certa nostra scientia expressius in mandatis ut dicto Roberto ad omnem requisitionem in casibus occurrentibus execucionem premissorum faveant et assistant consiliis, auxiliis et favoribus oportunis, volumus tamen et declaramus expresse quod dictus Robertus procuret cum solercias debita et instante infra menses tres a die date presentis nostri privilegii in antea numerando presens privilegium nostrum in quinternionibus nostre camere penes thesaurarios nostros trascribi facere ac etiam annotari ut de premissis in ibi plena et seriosa notitia habeatur et in assecutione ipsius privilegii non possit nostra curia circumscribi, alioquin presens nostra donatio, datio et concessio nullius momenti vel roboris censeatur. In cuius rei fidem perpetuamque memoriam et dicti Roberti predictorumque heredum suorum cautelam presens privilegium exinde fieri et pendenti maiestatis nostre sigillo iussimus communiri. Actum Neapoli, presentibus magnificis viris Nicolao de Ursinis Nolano, palatino et Soleto comite, Mattheo Crispano de Neapoli milite, legum doctore, magne nostre curie magistro rationali, locumtenente magni camerarii regni Sicilie, Iohanne de Thienis legum doctore, Bartholomeo Tomacello et Francisco Guindatio de Neapoli, militibus nostri hospitii senescallis et quam pluribus aliis consiliariis et fidelibus nostris dilectis. Datum vero ibidem per manus viri nobilis Gentilis de Merolinis de Sulmona etc., anno Domini MCCCLXXXII, die XI septembris, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 65 a t. (not.); ivi, ms. Fiorentino (trasc.); Società napoletana di storia patria, Carte Ricciardi, b. 1, n° 5 (not.). Segnatura precedente Reg. 359, f. 57 a t.