Titolo NapoliVII.110Indizione VI18 dicembre 1382 Integrazione del titolo Indizione VIData Indizione VI18 dicembre 1382 Indizione VI Luogo NapoliPersone Carlo III d'Angiò Durazzo [re di Sicilia] Sanseverino, Giovanna [contessa di Montalto] Merolinis (de), GentileEnti Val di Crati e Terra GiordanaDescrizione Karolus etc. Iustitiariis Vallis Gratis et Terre Iordane presenti et futuris ipsorumque locatenentibus, fidelibus, gratiam etc. Scire vos volumus concessisse nos noviter magnifice mulieri Iohanne de Sancto Severino comitisse Montisalti, consanguinee nostre carissime, privilegium nostrum in serie subsequenti: «Karolus tertius etc. Universis presens privilegium inspecturis, tam presentibus, quam futuris etc.», prout tota forma presentis privilegii de verbo ad verbum supra proxime posita est, sub data «Neapoli per manus viri nobilis Gentilis de Merolinis etc., anno Domini MCCCLXXXII, die XVI decembris VI indictionis, regnorum nostrorum anno secundo». Ut itaque dicta comitissa et prefati heredes sui gaudeant huiusmodi concessione et gratie nostre fructu fidelitati vestre de certa nostra scientia precipiendo mandamus quatenus ad requisicionis instantiam dicte Iohanne comitisse, vel heredum suorum predictorum, seu alterius eorum nomine, assistatis eisdem, per officii vestri partes in assecucione dictorum comitatus, terrarum, castrorum et bonorum feudalium, vestris auxiliis, consiliis et favoribus oportunis, militari etiam et armata manu si expedit, iuxta predicti privilegii continentiam et tenorem, invocantes ad id si opus fuerit auxilium et favorem comitum et baronum et feudatariorum nostrorum ac universitatum terrarum iurisdictionis vestre fidelium nostrorum, quibus vigore presentium expresse mandamus de scientia nostra certa ut in exhibitione presentium vobis assistant eorum presidiis et favoribus oportunis ipsamque comitissa, seu procuratorem suum pro ea in possessionem dictorum comitatus, terrarum et castrorum iurium et pertinentiarum ipsarum auctoritate presentium inducatis et deinde recepto prius per vos, seu vestrum alterum, pro nobis nostrisque in dicto regno heredibus ac successoribus, ab hominibus, subfeodatariis et vassallis comitatus, terrarum, castrorum et bonorum predictorum fidelitatis debite solito iuramento, mandetis et faciatis ab hominibus, subfeodotariis et vassallis ipsis eidem comitisse, seu dicto procuratori suo pro ea, assecurationis debite sacramenta prestari eique intendi et respondendi de omnibus in quibus tenentur et debent, fidelitate tamen nostra feudali quoque servitio pro comitatu, terris, castris et bonis eisdem ipsi curie debito, nostris aliis et cuiuslibet alterius iuribus semper salvis, facturi fieri de executione presentium cum earum forma tria competentia consimilia publica instrumenta, quorum uno penes vos retento, vestri ratiocinii tempore producendo, alio dicte comitisse, vel dicto eius procuratori, pro cautela tradito, reliquum mittatis magistris rationalibus magne nostre curie Neapoli residentibus in archivo ipsius curie pro cautela servandum, nec omissuri post hec diligenter inquirere et certius informari una cum iudice et actorum notario per curiam vobis datis de valore annuo bonorum ipsorum, si quidem de antiquo feudo fuerint per partes et membra, in quibus valor ipse consistit et omnibus circumstantiis oportunis et quicquid inde inveneritis fideliter in scriptis redactum sub sigillis vestris dictorumque iudicis et actorum notarii ad nostram curiam transmittatis, ut iuxta ipsius inquisitionis et relationis merita, ipsa comitissa, vel dicti heredes sui, cum prefatis bonis et declaratione valoris annui eorumdem ac distinctione contingentis proinde feudalis servitii debiti nostre curie in quaternis eiusdem camere conscribantur et fiant super hoc declaratorie littere oportune, iuxta dicti nostri privilegii continentiam et tenorem. Datum Neapoli per eumdem virum nobilem Gentilem de Merolinis de Sulmona etc., anno Domini MCCCLXXXII, die XVIII decembris VI indictionis, regnorum nostrorum anno secundo. Bibliografia Società napoletana di storia patria, già ms. F.B. IV A 14, oggi ms. Fortunato. Segnatura precedente Reg. 359, f. 40 a t.