Titolo NapoliVII.107Indizione VI16 dicembre 1382 Integrazione del titolo Indizione VIData Indizione VI16 dicembre 1382 Indizione VI Luogo NapoliPersone Carlo III d'Angiò Durazzo [re di Sicilia] Margherita d'Angiò Durazzo [regina di Sicilia] Luigi I d'Angiò [duca] Sanseverino, Ladislao [conte di Tricarico, ribelle] Sanseverino, Ruggiero [ribelle] Sanseverino, Giovanna [contessa di Montalto] Carlo I d'Angiò [re di Sicilia] Carlo II d'Angiò [re di Sicilia] Orsini, Nicola [conte di Nola] Aquino (d'), Francesco [conte di Loreto] Crispano, Matteo [dottore di leggi, luogotenente del gran camerario] Ilperinis (de), Francesco [milite e regio consigliere] Guindazzo, Francesco [milite e regio consigliere] Merolinis (de), GentileEnti GerusalemmeSiciliaVal di Crati e Terra GiordanaDescrizione Karolus tertius etc. Universis presens privilegium inspecturis, tam presentibus, quam futuris. Consuevit interdum princeps de infidelium spoliis investire fideles ut dum talibus fides triumphat insigniis animentur fideles alii ad obsequendum devotius efficacibus operibus et exemplis, sed tunc ad id promptius flecti debet consideratio principis, cum persuadet certa inducens ratio equitatis. Sane delirante nuper ex malignitatis astutia et perniciose dolositatis conceptu, sicut opera evidentia manifestat a recte fidei nostre cultu Lancelao de Sancto Severino, olim Tricarici comite, adherendo publice et per evidentes actus notorios, qui nulla possunt tergiversatione celari, generoso viro Ludovico de Francia olim duci Andegavie, manifesto olim nostro et invasori publico regni nostri eiusque complicibus et sequacibus, erigendo vexilla eius et excitante ad infidelitatis notam nostrorum fidelium animos guerramque committendo publice in eodem regno nostro ac discurrendo et depredando terras et castra tam nostri demanii, quam aliorum fidelium nostrorum hostili more cum sequacibus et valitoribus suis aliaque committendo enormiter contra fidelitatis nostre debitum, tam in offensione nostra quam fidelium nostrorum, quibus evidentibus culpis se nostrum constituit proditorem publicum et rebellem eiusque nota criminis et transgressionis culpa nedum ipsum Lancelaum sed totam eius progeniem veneno transfusionis inseruit penalibusque culpis a iure indictis inrefragabiliter subiecit atque connexuit, unde bona omnia feudalia et burgensatica tam ipsius Lancelay olim comitis, quam Rogerii primogeniti sui, ad ipsum Rogerium ex materna linea, vel successione delata sunt et censentur rationabiliter ad manus nostre curie devoluta, nos in consideratione ducentes sincere et illibate fidei erga nos et devotionis merita magnifice mulieris Iohanne de Sancto Severino, comitisse Montisalti, consanguinee nostre carissime et fidelis dilecte, eius quoque grata, accepta et commemoranda servitia, tam nobis, quam illustri Margarite regine consorti nostre carissime per eam fideliter prestita cum multis laboribus et expensis, ex quibus erga eam digne movemur ad grata retributionis rependia et munificentie nostre dona, eidem Iohanne comitisse et suis heredibus utriusque sexus ex suo corpore legitime descendentibus, natis iam et nascituris in antea, in perpetuum comitatum Coriliani, consistentem in terris Coriliani, Sancti Mauri et Mocta Sancti Antonii de Strigola ipsasque terras et castra nec non castrum Regine de provincia Vallis Gratis et Terre Iordane, quas et que comitissa ipsa pretendit alias ad eam certo modo de iure spectare, queve per dictum Rogerium, seu prefatum Lancelaum genitorem suum, eius nomine certo modo detinentur ad presens devoluta utique rationabiliter ex premissis causis ad curie nostre manus et ad eam de iure spectantia, non derogando propterea iuribus ipsi comitisse, competentibus alias ut predicitur, in comitatu, terris et castris eisdem, sed iuribus ipsis remanentibus sibi in omni casu prorsus illesis, quod equum fore conspeximus, ut ipsi comitisse de bonis eisdem, per munificentie nostre donum ostendamus, nos promptis affectibus liberales damus, donamus, tradimus et ex causa donationis proprii motus instinctu, presentium tenore de novo concedimus in feudum nobile de certa nostra scientia liberalitate mera et gratia speciali cum honoribus, titulis, hominibus, vassallis, feudotariis, subfeodotariis, castris, fortellitiis, domibus, possessionibus, vineis, olivetis, terris cultis et incultis, planis, montibus, silvis, nemoribus, pratis, pascuis, molendinis, bactinderiis, aquis aquarumque decursibus, tenimentis, territoriis, iuribus, iurisdictionibus, rationibus et pertinentiis eorum omnibus, que videlicet de demanio in demanium et que de servitio in servitium iuxta usum et consuetudinem regni nostri Sicilie ac generalis et humane regie preavite sanctionis edictum de feudorum successionibus in favorem comitum, baronum et feudotariorum omnium dicti regni Sicilie, a tempore felicis adventus in ipsum clare memorie domini regis Karoli primi abavi nostri, comitatus, baronias et feuda inibi ex perpetua collatione tenentium, factum dudum per inclite recordationis dominum regem Karolum secundum proavum nostrum et in parlamento celebrato Neapoli divulgatum, dantes et concedentes proinde ipsi comitisse et dictis suis heredibus plenam licentiam et liberam ac omnimodam potestatem comitatum, castra, terras et bona ipsa possessionem utileque dominium eorumdem capiendi et adipiscendi, per se vel alium eorum nomine, auctoritate propria et huius concessionis nostre vigore, militari et armata manu, si expedit, sive etiam cum assistentia officialium nostrorum ipsaque tenendi, possidendi, dominandi et utifruendi, ita quidem quod dicta comitissa prefatique heredes sui huiusmodi comitatum, terras, castra et bona feudalia post illa realiter assecuti fuerint a nobis nostrisque in dicto regno heredibus ac successoribus perpetuo, immediate et in capite in feudum novum teneant atque possideant pro valore quidem annuo, quod si de novo feudo fuerint in registris nostris regalibus annotantur et si de antiquo secundum quod per inquisitionem faciendam exinde de mandato nostre curie fuerint valere comperta servireque teneantur proinde nobis ac heredibus et successoribus ipsis nostris de contingenti et debito proinde feudali servitio ad rationem videlicet de singulis viginti unciis valoris annui bonorum ipsorum pro unoquoque integro servitio militari, iuxta usum et consuetudinem regni huius, quod feudale servitium dicta Iohanna in nostri presentia constituta pro se et dictis suis heredibus prestare ac facere nobis et ipsis nostris heredibus ac successoribus sponte obtulit et promisit, a qua quidem comitissa ligium proinde in manibus nostris homagium et fidelitatis debite recepimus iuramentum, investientes proinde dictam Iohannam comitissam pro se et dictis suis heredibus de presenti concessionis nostre gratia per nostrum anulum presentialiter modo premisso, quam investituram vim et efficaciam vere ac realis traditionis et assignationis ac assecutionis comitatus, terrarum, castrorum et bonorum ipsorum et possessionis ac utilis dominii eorundem decernimus et volumus obtinere, clausulis, conditionibus, recentionibus et reservationibus omnibus et singulis ac modo et forma qui et que in privilegiis donorum regalium serenissimorum primogenitorum et predecessorum nostrorum Ierusalem et Sicilie regum ac nostris consueverunt exprimi et apponi, in presenti privilegio nostro et concessione nostra intellectis et habitis pro expressis ac si forent in illo distincte et particulariter annotata, salvis etiam et reservatis nobis ac dictis nostris heredibus ac succesoribus in comitatu, terris, castris et bonis eiusdem omnibus et singulis, que nobis et nostre curie, ratione maioris dominii competunt et debentur, prout habemus ea et habere debemus in comitatibus, terris, castris et feudalibus bonis aliis dicti regni, ipsius maioris dominii ratione, salvis etiam in comitatu et bonis ipsis usibus et consuetudinibus aliis dicti regni ac iuribus aliis nostre curie et alterius cuiuscumque, beneficiis etiam capellanorum et iuribus patronatus, si que sunt in comitatu, castris, terris et bonis ipsis eorumque collationibus et presentationibus nobis et ipsis nostris heredibus ac successoribus reservatis; volumus tamen et declaramus expresse quod dicta Iohanna comitissa et prefati sui heredes attenti sint atque solliciti infra menses sex, postquam dicta bona realiter assecuti fuerint, diligenter inquiri facere ad litteras nostras proinde eis dandas de valore annuo bonorum ipsorum, si quidem de antiquo feudo fuerint per partes et membra in quibus valor ipse consistit et processum inquisitionis eiusdem nostre curie presentare seque cum distinctione ipsius valoris annui et feudalis servitii in quaternis camere nostre penes thesaurarios nostros conscribi facere, nostris tunc patentibus litteris de ipsius declaratione valoris annui et distinctione servitii exinde contingentis et debiti proinde sibi dandis, ut de presenti concessione nostra in eadem camera plena notitia habeatur et tempore quo servitio feudale comitibus, baronibus et feudatariis aliis dicti regni generaliter per ipsam nostram curiam indicere contingat, dictam comitissam et prefatos heredes suos tamquam novos ex premissa concessionis causa eorumdem comitatus et bonorum feudalium possessores et dominos et contingentis proinde feudalis servitii debitores in quaternis ipsis manualiter et habiliter reperiri, alias autem presens nostra concessionis gratia nullius sit roboris et momenti. In cuius rei fidem perpetuamque memoriam et dicte comitisse ac heredum suorum certitudinem et cautelam presens privilegium exinde fieri et predicte maiestatis nostre sigillo iussimus communiri. Actum Neapoli, presentibus magnificis et nobilibus viris Nicolao de Ursinis Nolano, palatino et Soleti, Francisco de Aquino Laureti comitibus, Matheo Crispano legum doctor, locumtenente magistri camerarii regni Sicilie ac magne nostre curie magistro rationali, Francisco de Ilperinis de Urbe et Francisco Guindacio de Neapoli militibus, consiliariis et fidelibus nostris dilectis ac quam pluribus aliis. Datum vero ibidem per manus viri nobilis Gentilis de Merolinis de Sulmona etc., anno Domini millesimo trecentesimo octuagesimo secundo, die sexto decimo decembris sexte indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 63 (not.); ivi, C. Borrelli, Repertorium universale etc., vol. II, ff. 280 a t.-282 (not.); ivi, M. Chiarito, Repertorium et index regesti Caroli III signati 1382 et 1383, f. 19 a t. (not.); Società napoletana di storia patria, già ms. F.B. IV A 14, oggi ms. Fortunato (trasc.); ivi, Carte Ricciardi, b. 1, n° 5 (not.); C. Minieri Riccio, Notizie storiche tratte da 62 registri angioini etc., Napoli 1877, p. 98 (not.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 190 (not.); G. Romano, Niccolò Spinelli da Giovinazzo diplomatico del secolo XIV, in «Archivio storico per le province napoletane», XXVI (1901), p. 277 (not.). Segnatura precedente Reg. 359, f. 39 e a t.