Titolo NapoliVII.076Indizione VI17 ottobre 1382 Integrazione del titolo Indizione VIData Indizione VI17 ottobre 1382 Indizione VI Luogo NapoliPersone Carlo III d'Angiò Durazzo [re di Sicilia] Filangieri, Giacomo [milite, signore di Candida e Frigento] Petrafixa (de), GiacomoMerolinis (de), GentileEnti BasilicataDescrizione Karolus tertius etc. Universis presentes licteras inspecturis, tam presentibus, quam futuris. Subiectorum nostrorum compendiis ex affectu benigne caritatis accedimus quo fit ut ipsorum petitionibus gratiosis assensum facilem benignius prebeamus. Sane vir nobilis Iacobus Filangerius dominus de Candida, miles, baroniarum Candide et Frequenti utiliter dominus, maiestati nostre nuper exposuit quod Iacobus de Petrafixa tenens et possidens in feudum immediate et in capite a nostra curia sub certo feudali servitio, seu adoha ipsi curie nostre prestando, castrum Titi de provincia Basilicate cum hominibus, vassallis, terris cultis et incultis, planis, montibus, pratis, nemoribus, silvis, aquis aquarumque decursibus, tenimentis, territoriis, iuribus et pertinentiis suis omnibus cuius quidem castri Titi territorium coniungitur ab una parte cum territorio civitatis Potentie et ab alia parte cum territorio civitatis Satriani et cum aliis confinibus terrarum et locorum sicut eidem Iacobo de Petrafixa aptum, utile et expediens visum fuit dictum castrum Titi cum eisdem hominibus, vassallis, iuribus et pertinentiis supradictis vendidit, alienavit et tradididt predicto Iacobo Filangerio ementi et recipienti illud pro se et suis heredibus imperpetuum pro certo pretio inter eos convento et per eundem Iacobum Filangerium dicto venditori integre persoluto, reservato in premissis regalis maiestatis beneplacito et assensu prout hec et alia in quodam instrumento publico inde confecto ponuntur plenius et seriosius contineri, humili per dominum Iacobum Filangerium culmini nostro supplicatione subiecta ut venditioni, alienationi et traditioni premissis ei factis de dicto castro Titi hominibus, vassallis, iuribus et pertinentiis supradictis pro se et suis heredibus per dictum Iacobum de Petrafixa, ut prefertur, assentiri illisque confirmationis nostre robur adiicere benignius dignaremur. Nos autem nostrorum fidelium apta compendia gratis affectibus prosequentes pro consideratione quoque devotionis et fidei supplicantis eiusdem ipsius in hac parte supplicationibus inclinati venditioni, alienationi et traditioni factis de dicto castro Titi hominibus, vassallis, iuribus et pertinentiis supradictis per memoratum Iacobum de Petrafixa uti pertangitur quatenus tamen alias proinde facte sunt veris existentibus prenarratis non mutata natura feudalium et dummodo dictus venditor heredes habeat qui essent alias in dicto castro Titi post eius obitum legitime successuri, tenore presentium assentimur illasque non obstante quod super bonis feudalibus processisse noscuntur de certa nostra scientia et speciali gratia ratificamus, acceptamus et confirmationis presidio communimus, volentes et decernentes expresse quod huiusmodi nostri assensus ratificatio, acceptatio et confirmatio predicto emptori et suis heredibus perpetuo efficaciter stabiles et incommutabiliter sint reales, fidelitate nostra feudali quoque servitio pro dicto castro Titi per eundem Iacobum Filangerium nostre curie debito nostris aliis et cuiuslibet alterius iuribus semper salvis, volumus autem quod dictus emptor procuret cum solertia debita et instanti infra menses tres a die date presentium in antea numerandos presentes nostras licteras in quinternionibus nostre camere penes thesaurarios nostros transcribi facere et etiam annotari, ut tempore quo in regno precipitur feudale servitium comitibus et baronibus eundem Iacobum emptorem dictosque heredes eius tamquam novos possessores et dominos dicti castri Titi debitique pro illo feudalis servitii debitores in quaternionibus ipsis manualiter et habiliter reperiri contingat, alioquin presens nostra gratia nullius momenti, vel roboris censeatur. In cuius rei testimonium presentes licteras exinde fieri et pendenti maiestatis nostre sigillo iussimus communiri. Datum Neapoli per virum nobilem Gentilem de Merolinis de Sulmona etc., anno Domini MCCCLXXXII, die XVII mensis octobris sexte indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 61 a t. (not.); ivi, C. Borrelli, Repertorium universale etc., vol. I, f. 200 (not.); ivi, M. Chiarito, Repertorium et index regesti Caroli III signati 1382 et 1383, f. 16 a t. (not.); ivi, not. di F. Scandone da C. De Lellis, Notamenta, vol. VII, p. 69; Biblioteca angelica di Roma, ms. Prignano, ms. 276 I, f. 32 (not.); Biblioteca nazionale di Napoli, ms. brancacciano 11 F 13, ff. 26 e 30 II numerazione (not.); Società napoletana di storia patria, ms. XXV A 15, f. 198 (not.); ivi, Carte Ricciardi, b. 1, n° 5 (not.); E. Ricca, Discorso genealogico della famiglia Filangieri, Napoli 1863, p. 240 (trasc.). Segnatura precedente Reg. 359, f. 22 e a t.