Titolo NapoliVI.216Indizione VI16 febbraio 1383 Integrazione del titolo Indizione VIData Indizione VI16 febbraio 1383 Indizione VI Luogo NapoliPersone Carlo III d'Angiò Durazzo [re di Sicilia] Gilio (de), Giovanni [credenziere e familiare] Macidonio, Giovanni [notaio] Descrizione Karolus tertius etc. Iohanni de Gilio dicto Surice de Neapoli, familiari et fideli nostro dilecto, gratiam etc. Proviso noviter per maiestatem nostram fieri et construi galeas novas viginti et alias galeas veteres reparari, pro manutentione status pacifici regni nostri et aliis oportunis, nos intendentes talia sic ordinate procedere, ut cum sollicitudine et diligentia perficiatur opus galearum ipsarum, nostraque curia non valeat quomodolibet circumscribi, sicque sumpta per nos indubitata fiducia de fidei et legalitatis tue meritis ac circumspectionis industria, sollicitudine et experientia laudabiliter comprobata que in his et maioribus te exhibuisti et exhibes nostro conspectui sufficientem, ydoneum atque fidum quive propter tue sufficientie et legalitatis industriam habes officium reparationis molorum, fontium et platearum civitatis nostre Neapolis ad alias nostras licteras exercere, te credencerium nostrum penes notarium Iohannem Macidonium de Neapoli deputatum, ad alias licteras nostras super constructione, reparacione et operibus huiusmodi galearum aliisque cognexis et dependentibus ex eisdem ac penes quoscumque alios deputatos et deputandos per nos super operibus galearum ipsarum duximus de certa nostra scientia, durantibus dictarum galearum operibus, tenore presentium, fiducialiter ordinandum; intendentes expresse ut omnis et quecumque pecunia exhibenda, solvenda et convertenda per dictum notarium Iohannem ac quoscumque alios prepositos, magistros et alios deputatos et deputandos in operibus galearum novarum et veterum predictarum cum notitia et conscientia tua, convertatur, solvatur et expendatur, ac converti debeat et expendi. Quare volumus et fidelitati tue harum serie mandamus expresse quatenus statim, receptis presentibus, ad tarsienatum nostrum dicte civitatis nostre Neapolis, in quo construuntur et reparantur galee nove et veteres prelibate, opusque perficitur huiusmodi galearum, te personaliter conferens instanter de omni et tota pecunia recipienda, solvenda, exhibenda et convertenda per dictum notarium Iohannem nec non et iamdictos quoscumque alios prepositos magistros ac alios deputatos et deputandos in operibus galearum ipsarum aliisque dependentibus et cognexis ex eis, studeas notitiam plenam habere et conscientiam diligentem, ita quod nichil exinde lateat conscientiam ipsam tuam, sed te presente, seu cum tua notitia et conscientia, recipiatur, convertatur, solvatur et expendatur per dictum notarium Iohannem ac prefatos alios prepositos magistros deputatos et deputandos in operibus dictarum galearum et tota pecunia supradicta facturus quaternum unum consimilem quaternis faciendis per dictum notarium Iohannem ac prepositos, magistros aliosque deputatos et deputandos iamdictos, contenturum quidem omnes et singulas pecunie quantitates per dictum notarium Iohannem ac magistros prepositos deputatos et deputandos iamdictos a nostra curia recipiendas et habendas ac convertendas, solvendas et exhibendas per eos cum notitia et conscientia tua in prefatis operibus et aliis supradictis, cum expressionibus temporum et dierum aliisque oportunis circumstantiis particulariter et distincte sigillandum sigillo tuo, quem quidem quaternum taliter sigillatum in camera nostra summarie tui ratiocinii tempore ac quotiens et quando opus fuerit studeas assignare; in premissis igitur sic sollicitus sedulus et curiusus existas, proinde corporale prestitisti in nostra curia ad sancta Dei Evangelia iuramentum, quod nostra curia in aliquo fraudari nequeat, teque laudabilis tua gestio coram nostro culmine gratum reddat et ne in dicto credenczarie officio propriis sumptibus laborare cogaris, gagia tibi ad rationem de unciis duabus de carolenis argenti ponderis generalis per mensem, tenore presentium, stabilibus solvenda tibi per dictum Iohannem nec non prefatos alios prepositos magistros ac deputatos et deputandos in operibus supradictis de pecunia recipienda per eos ac ad manus ipsorum proventura pro operibus huiusmodi galearum, quolibet scilicet mense numerando a die decimo proximo preteriti mensis decembris presentis anni sexte indictionis in antea, quo die incepisti de mandato nostro in officio ipso vacare, quamdiu scilicet dictum credenczarie officium exercebis, durantibus operibus galearum ipsarum velut superius est expressum; ita quidem quod donec exercitio dicti credenczarie officii de dicto beneplacito nostro vacabis, «exerceas et exercere possis dictum officium reparationis molorum, fontium et platearum civitatis predicte, nec per exercitium dicti credenczarie officii dicto officio reparationis predicte aliquatenus derogetur», nullaque alia gagia pro dicto utroque officio, durantibus dictarum galearum operibus, recipias quam premissa; finito autem dictarum galearum opere, intendimus et volumus quod tu pro dicto officio reparationis molorum, fontium et platearum ipsarum percipias et percipere debeas gagia et emolumenta stabilita tibi dicti officii ratione, iuxta tenorem aliarum licterarum nostrarum tibi de dicto officio concessarum, super pecunia gabelle boni denarii dicte civitatis nostre Neapolis, non obstante quod de pecunia proventura ad manus tuas pro operibus reparationis predicte habebis tibi dicta gagia iuxta prefatarum licterarum nostrarum seriem retinere. Nos enim super solvendis tibi prefatis gagiis et emolumentis modo et forma predictis ad dictum notarium Iohannem ac prepositos, magistros deputatos et deputandos iamdictos ac officiales alios ad quos spectat alias nostras licteras destinamus. Datum Neapoli in camera nostra, anno Domini MCCCLXXXIII, die XVI februarii VI indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 84 e a t. (not); ivi, C. Borrelli, Supplementum ad repertorium, vol. I, f. 331 (not.); ivi, M. Chiarito, Repertorium et index regesti Caroli III signati 1382 et 1383, f. 37 (not.); Biblioteca nazionale di Napoli, ms. brancacciano 11 F 13, f. 18 a t. II numerazione (not.); Società napoletana di storia patria, ms. XX D 40, ff. 30 a t. e 51 a t. (not.); ivi, ms. XXV A 15, f. 384 (not.); ivi, Carte Ricciardi, b. 1, n° 5 (not.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 194 (not.); Idem, Giovanni de Gilio architetto ed ingegnere napolitano, in «Archivio storico per le province napoletane», XII (1887), II p. 783 (trasc.); M. Camera, Elucubrazioni storico-diplomatiche su Giovanna I.a regina di Napoli etc., Salerno 1889, p. 139 (not.). Segnatura precedente Reg. 359, ff. 193 a t.-194