Titolo NapoliVI.010Indizione VI27 settembre 1382 Integrazione del titolo Indizione VIData Indizione VI27 settembre 1382 Indizione VI Luogo NapoliPersone Carlo III d'Angiò Durazzo [re di Sicilia] Madio (de), Agostino [appaltatore della gabella dell'acciaio, del ferro e della pece di Napoli] Enti SiciliaTerra di Lavoror e Contado di MoliseSan Domenico Maggiore di NapoliSan Lorenzo Maggiore di NapoliSant'Agostino di NapoliDescrizione Karolus tercius etc. Ecclesiarum prelatis, comitibus, baronibus, magistro iustitiario, regenti curie vicarie regni et iudicibus eiusdem curie, magistris rationalibus magne nostre curie Neapolis residentibus in archivo, iustitiariis quoque, capitaneis, magistris iuratis, baiulis, iudicibus ceterisque officialibus et personis aliis ad quos spectat et spectare poterit quoquomodo per provinciam Terre Laboris constitutis presentes licteras inspecturis, presentibus et futuris, fidelibus nostris, gratiam etc. Cum iura omnia, redditus et proventus cabelle aczari, ferri et picis civitatis nostre Neapolis de dicta provincia Terre Laboris cum omnibus membris, iuribus, rationibus, iurisdictionibus et pertinentiis suis ad cabellam ipsam spectantibus quoquomodo vendita, locata et concessa fuit noviter per curiam nostram in cabellam Augustino de Madio de Tramonto, habitatori Neapoli, tamquam plus inde offerenti pro annis duobus, videlicet, presentis sexte et proxime future septime indictionum, pro certo pretio exinde convento, solvendo quidem per illum piis locis religiosorum virorum Sancti Dominici Ordinis Predicatorum, Sancti Laurentii Ordinis Minorum et Sancti Augustini Ordinis Heremitarum de Neapoli, seu personis per loca et conventus ipsorum ad id propterea deputatis, vel etiam deputandis, et alios iuxta catholicorum regum Sicilie progenitorum nostrorum et nostrarum licterarum continentiam et tenore ac cum certis pactis et conventionibus habitis in locatione ipsa, prout in actis dicte magne curie plenius continetur, propterea vos prelatos requirimus vobisque officialibus et personis aliis expresse iubentes quatenus cum casus contigerit singulis vicibus, durante tempore exercitii dicte cabelle et requisiti fueritis predicto emptori eorumque sociis, factoribus et ministris in eadem cabella in quacumque parte dicte provincie per illum deputatis, vel etiam deputandis in hiis que contra immictentes in dictam provinciam, seu iurisdictionem ipsius cabelle de alia provincia in fraudem illius ferrum, aczare et picem non emptum in dicta cabella Neapolis, seu a dictis cabellotis, sociis, factoribus et ministris, sed aliunde in dictam provinciam laborantes secundum ritum dicte nostre curie in talibus editum et etiam observatum et alios, que ad exercitium et executionem dicte cabelle spectare noscuntur, ad honorem et fidelitatem nostram devote pareatis et efficaciter intendatis ope, opera, auxiliis, consiliis et favoribus oportunis, ita et taliter quod cabellotus ipse possit et valeat, ut expedit, exercere cabellam eamdem ac ipsius iura percipere et habere sine diminutione quocumque vosque possitis in conspectu nostro exinde merito commendari, nos enim penas et banna que et quas officiales ipsi nostri pro parte dicte nostre curie proinde duxerint imponenda, rata geremus et firma illaque volumus, prout iustum fuerit, a transgressoribus eorumdem irremissibiliter exigi et haberi personas autem taliter immictentes et laborantes ferrum, aczare et picem in fraudem dicte cabelle, ut dictum est, cabellotus ipse eiusque socii, ministri et statuti capere possint et valeant et captos ad curiam transmictere ad beneplacitum ipsius curie pro meritis puniendos dictumque aczare, ferrum et picem taliter immissum et laboratum ac etiam animalia, seu vassella eadem portantia, seu deferentia, similiter capere et ipsius cabelloti et sociorum eius comoditatibus pro medietate et reliqua medietate dicte magne nostre curie applicanda, secundum usum et consuetudinem in talibus observatam, preterea quia inter alia pacta per dictam nostram curiam prefato cabelloto in locatione ipsa concessa fuit et specialiter conventum quod debitores omnes te singulos iurium predictorum renitentes et forsitan ad solvendum liceret ipsi cabelloto eiusque sociis, ministris et statutis pignorare et de personis capere et curie assignare, donec sit eis de iuribus et debitis ipsis integre satisfactum, nichilominus quia cabellotus ipse dictique eius socii, ministri et factores per dictam provinciam et civitatem Neapolis et eius pertinentias pro favorabili exercitio dicte cabelle et ad eorum tantum defensionem et nullius offensum, prohibita arma secum ferant, propterea vobis prenominatis officialibus subiungendo precipimus quatenus dictum cabellotum eiusque socios, ministros et factores huiusmodi arma ferentes per partes eosdem pro causa predicta libere permictatis abire nullamque molestiam eis proinde illaturi sicut gratiam nostram caram habetis. Presentes autem licteras post oportunam inspectionem earum remanere volumus presentanti dicto durante exercitio et non ulterius valituras. Datum Neapoli per eosdem magistros raionales dicte magne noste curie, dilectos consiliarios et fideles nostros, anno Domini MCCCLXXXII, die XXVII septembris sexte indictionis, regnorum nostrorum anno secundo. Bibliografia Archivio di Stato di Napoli, Processi di regio patronato, vol. 1054, processo 160, f. 2 a t. (not.) e vol. 1055, processo 169, ff. 29-32 (trasc.); ivi, Archivio della ricostruzione della cancelleria angioina, S. Sicola, Repertorium septimum regni Caroli III, f. 87 e a t. (not.); ivi, O. Sicola, Repertorium monasteriorum, vol. I, f. 99 (not.); Società napoletana di storia patria, Carte Ricciardi, b. 1, n° 5 (not.). Segnatura precedente Reg. 359, f. 220 e a t.