Titolo NapoliV.072Indizione VI24 settembre 1382 Integrazione del titolo Indizione VIData Indizione VI24 settembre 1382 Indizione VI Luogo NapoliPersone Carlo III d'Angiò Durazzo [re di Sicilia] Carbone, Francesco [vescovo di Monopoli] Sergio (de), Giovanni [chierico] Sergio (de), TuccioPetravalda (de), Giovanni [chierico] Petravalda (de), CaterinaMentemala (de), AntonioMerolinis (de), GentileEnti SiciliaDescrizione Carolus tertius etc. Viro magnifico magistro iustitiario regni Sicilie, collaterali et iudicibus magne curie, consiliariis, familiaribus et fidelibus suis, gratiam etc. Pro parte reverendi patris F(rancisci) episcopi Monopolitani, devoti fidelis, oratoris nostri, fuit maiestati nostre reverenter expositum et cum devotione monstratum quod quidem vice capitaneus, ut ponitur, civitatis Monopoli de mandato vestro, ut fertur, prosequitur et molitus fuit et est de persona de facto capere Ioannem filium Tucii de Sergio de prefata civitate Monopolis, clericum clericaliter viventem et incedentem in tonsura et habitu clericali honesteque vite sistentem ac canonicum sue maioris ecclesie Monopolitane, sub ea quidem occasione pretensa opponitur quod quedam levis mulier, nomine Catherina, spuria Iohannis de Petravalida clerici eiusdem maioris ecclesie de domo viri sui, lubrico lapsu, discedens aufugisse dicitur cum Antonio Comiti Parmerii de Mentemala de civitate predicta, que capta proinde de mandato vestro, seu dicte curie dicitur fuisse confessa eundem Iohannem de Sergio clericum interfuisse complicem et collegam in dicta sua fuga patrata per Antonium prelibatum, non deferendo propterea in hoc privilegio clericali, non minus in ipsius exponentis pastoris perpendium et totius ordinis clericalis preiudicium, quam eiusdem clerici Iohannis non modicam lesionem, super quo nostra umiliter provisione petita. Quia igitur clericos, in sortem Domini datos, non licet secularibus manum impingere, fidelitati vestre precipiendo mandamus quatenus, si vobis, debito modo, constiterit dictum Ioannem de Sergio ante tempus et tempore dicti raptus, seu fuga levis mulieris prefate fuisse clericum et in possessione clericalis habitus et tonsura mansisse ac manere, nec arguatur predicto raptui fuge, seu excessui interfuisse compliciter ut collega, seu fautor priusquam habitum assumeret clericalem, ipsum per vos, seu dictum vice capitaneum ex commissione vestra nullatenus persequanimi, seu persequi, aut de facto capi faciatis, vel patiamini, quoquomodo contra privilegium clericalis ordinis et tenorem bonifacere constitutionis edite contra clericos lubricos et lascivos, quinimmo, eo casu, relinquatis et remictatis, seu remicti mandetis et faciatis ipsum cum agentibus contra eum, occasione premissa, ad eundem presulem pastorem suum per eum tanquam suum competentem iudicem de premissis, si constiterit, secundum iustitiam puniendum. Presentibus post oportunam inspectionem earum remanentibus presentanti, efficaciter cum opus fuerit in antea valituris. Datum Neapoli per virum nobilem Gentilem de Merolinis etc., anno Domini MCCCLXXXII, die XXIIII mensis septembris VI indictionis, regnorum nostrorum anno secundo. Bibliografia Archivio di Stato di Napoli, ms. Chioccarelli, De ritu magne curie vicarie, ff. 41 a t.-42 a t. (trasc.); ivi, Archivio della ricostruzione della cancelleria angioina, S. Sicola, Repertorium septimum regni Caroli III, ff. 93 a t.-94; Biblioteca nazionale di Napoli, ms. XI B 3, II numerazione, ff. 47-48 (trasc.); Società napoletana di storia patria, Carte Ricciardi, b. 1, n° 5 (not.). Segnatura precedente Reg. 359, f. 275