Titolo NapoliV.065Indizione VI18 novembre 1382 Integrazione del titolo Indizione VIData Indizione VI18 novembre 1382 Indizione VI Luogo NapoliPersone Carlo III d'Angiò Durazzo [re di Sicilia] Urbano VI [papa] Pentadattilo (di), Girolamo [abbate di San Filippo d'Argirò] Merolinis (de), GentileEnti Reggio di CalabriaDescrizione Karolus tertius etc. Capitaneis civitatis Regis suique districtus eorumque locatenentibus presentibus et futuris, fidelibus nostris, gratiam etc. Presidialis favor personis ecclesiasticis impedendus nostram celsitudinem rationabiliter excitat, ut confirmando nos beneplacitis apostolicis prout oportunum fuerit iustis postulationibus devotorum per nostre superioritatis auxiliare brachium assistamus sicque pro reverentia sancte Romane matris Ecclesie ex fidei debito obnixius obligamus beneplacitis et mandatis sanctissimi in Christo patris et domini nostri domini Urbani divina providentia pape sexti filialiter inherere ad supplicis petitionis instantiam culmini nostro factam per venerabilem virum fratrem Geronimum de Pentedactulo abbatem ecclesie Sancti Philippi de Gerito Regine diocesis et tenimenti Sancti Niceti devotum oratorem et fidelem nostrum dilectum noviter ordinatum abbatem ecclesie supradicte per dictum dominum nostrum papam, qui ponit circa adeptionem corporalis possessionis abbatie predicte et perceptionem fructuum omnium abbatie predicte et perceptionem fructuum omnium abbatie eiusdem per nostre maiestatis assistentiam temporalis brachii auxilio opus esse ut contenta in bullis apostolicis sibi concessis favorabilius exequantur quodque eidem abbati intendenti capere corporalem possessionem ac iura fructus, redditus et proventus terrarum abbatie predicte iuxta ipsarum licterarum apostolicarum sibi exinde concessarum continentiam et tenorem oportune, cum expedit, assistatur. Idcirco beneplaciti nostri est ac fidelitati vestre presentium tenore de certa nostra scientia mandamus expresse quatenus tu presens eidem abbati Geronimo ad omnem requisitionem eius, seu alterius pro eodem, sicut nostram erga te gratiam affectas ex obsequio, sitatis prompitudine vendicare in adeptione et assecutione votive et realis possessionis dicte sue ecclesie, seu abbatie Sancti Philippi, quam abbas ipse capere intendit vigore et auctoritate bullarum dicti domini nostri pape cum terris, possessionibus, iuribus, fructibus, redditibus et rationibus omnibus ad abbatiam ipsam spectantibus et pertinentibus quovismodo omni contraditione et occasione penitus procul pulsis assistas et faveas ac assisti mandes et facias auxiliis, consiliis, favoribus ac modis omnibus oportunis vos, quam alii successive futuri, circa manutentionem, protectionem ac perceptionem fructuum et iurium illius modo simili assistas eidem iustis favoribus ac presidialibus iuramentis prout eritis exinde propterea requisiti non permissuri, quod idem abbati quicquam in debitum per quemlibet, quomodlibet inferatur ut idem frater Geronimus, prout dicte apostolice bulle sibi concesse continent et declarant corporalem possessionem dicte abbatie et iurium ac fructuum eius omnium adipiscatur ac etiam consequatur libere et sine contradictione quacumque vosque possitis de obedientie promptitudine merito commendari. Presentes autem licteras post oportunam inspectionem earum pro cautela restitui volumus presentanti efficaciter inantea valituras. Datum Neapoli per virum nobilem Gentilem de Merolinis de Sulmona etc., anno Domini MCCCLXXXII, die XVIII novembris sexte indictionis, regnorum nostrorum anno secundo. Bibliografia Archivo di Stato di Napoli, ms. B. Chioccarelli, De regio exequatur, vol. IV, pp. 56-57 (trasc.); ivi, Archivio della ricostruzione della cancelleria angioina, S. Sicola, Repertorium septimum regni Caroli III, f. 82 (not.); Società napoletana di storia patria, Carte Ricciardi, b. 1, n° 5 (not.). Segnatura precedente Reg. 359, f. 176