Titolo NapoliV.002Indizione VI10 settembre 1382 Integrazione del titolo Indizione VIData Indizione VI10 settembre 1382 Indizione VI Luogo NapoliPersone Carlo III d'Angiò Durazzo [re di Sicilia] Marchisio (de), AndreaMarchisio (de), AntonelloMarchisio (de), fu Gualteri [milite] Marchisio (de), FrancescoMariconda (de), Tommaso [milite] Merolinis (de), GentileRuggiero de), AntonioBello, RobertoEnti SiciliaDescrizione Karolus tercius etc. Straticoto civitatis Salerni suique districtus, vel eius locumtenenti fideli nostro, graciam et bonam voluntatem. Andreas et Antonellus de Marchisio de prefata civitate Salerni pupilli, filii et heredes, ut ponitur, quondam Gualterii de Marchisio de civitate prefata, militis, maiestati nostre noviter eorum exposicione monstrarunt quod dum dicti exponentes haberent, tenerent et possiderent per se, vel alios, eorum nomine, tenentes et possidentes infrascripta bona stabilia tum vigore donacionis facte eis per Franciscum de Marchisio, de prefata civitate Salerni, tum ex aliis iustis titulis atque causis, Thomasius Mariconda, miles de ipsa civitate Salerni, pretextu cuiusdam donacionis facte sibi, ut ponitur, per maiestatem nostram de bonis dicti Francisci, exponentes eosdem possessione ipsorum infrascriptorum bonorum de facto et indebite spoliavit, quam ob rem nichilominus ad supplicis peticionibus instanciam ipsorum exponencium commisimus Gentili de Merolinis de Sulmona legum doctori, locumtenenti prothonotarii regni nostri Sicilie, consiliario et fideli nostro, quod informaret se de causa expoliacionis predicte et de iuribus ipsarum partium, nostre maiestati referret ipseque Gentilis, vigore dicti sibi facte commissionis in causa ipsa, certum fecit processum usque ad conclusionem inclusive, per cuius merita, ut dictum patet, de intencione exponencium eorundem, verum, sicut in huiusmodi facta nobis exposicione iniunguntur, prefatus Thomasius maliciose nititur causam dilatare prefatam et in longum trahere per dilaciones et subterfugia varia, postulando disputaciones et alia, ut valeat proinde ipsorum bonorum fructus percipere et illos suis comodis applicare, quod ipsis exponentibus in dampnum emergeret et in detrimentum pariter eveniret, quare exponentes ipsi nostre maiestati actentius supplicarunt ut vinum bonorum ipsorum ne perdatur et discipetur, non sine pupillorum ipsorum iactura vendemiari et in sequestrum cum aliis fructibus custodiri, donec causa terminetur, ut prefertur, eandem mandare per nostras licteras dignaremur. Nos autem, ex quo exponentes ipsi fuerunt absque iudiciario ordine huiusmodi privati, supplicacionem habeant prout subsequitur admictentes, fidelitati tue presencium tenore de certa nostra sciencia commictimus et mandamus expresse quatenus ut straticotus vendemiari mandes et facias terras ipsas ut vinum et alios fructus inde provenientes apud aliquem fidum, ydoneum virum sequestrari mandes et facias pro parte nostre curie donec nobis de causa ipsa relacio fiat, assignandos deinde victori in dicta causa iuxta quod iusticia suadebit ut per sequestracionem ipsam neutra parcium queri valeat, sed penitus contentari. Predicta vero bona de quibus exponentes ipsi spoliati ponuntur et que petuntur eciam vendemiari hoc esse dicuntur: vinea una sita in pertinenciis dicte civitatis Salerni in loco qui dicitur Fuorno, ab uno latere iuxta flumen, ab alio latere iuxta viam puplicam et alios confines; item terra una campesia sita in loco qui dicitur Cagnano, iuxta terram Antonii de Rogerio, que fuit illorum de Pintis et alios confines; item terra una, seu olivetum situm in loco qui dicitur Parmentata et La Spontonata iuxta terram Salerni, iuxta ecclesiam Marie domini Adenulfi, iuxta domum Roberti Belli et alios confines. Datum Neapoli per predictum Gentilem de Merolinis de Sulmona etc., anno Domini MCCCLXXXII, die X septembris VI indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 83 (not.); ivi, M. Chiarito, Repertorium et index regesti Caroli III signati 1382 et 1383, f. 36 (not.); Società napoletana di storia patria, ms. XXI D 5, ff. 360 e 363 (not.); ivi, Carte Ricciardi, b. 1, n° 5 (not.); C. Carucci, Codice diplomatico salernitano del secolo XIV. Parte prima. Documenti e frammenti, Salerno 1950, LXXIX p. 229 (trasc.). Segnatura precedente Reg. 359, f. 183