Titolo NapoliIII.167Indizione V03 giugno 1382 Integrazione del titolo Indizione VData Indizione V03 giugno 1382 Indizione V Luogo NapoliPersone Carlo III d'Angiò Durazzo [re di Sicilia] Atella (d'), Antonio [monaco e priore di San Vincenzo al Volturno, regio cappellano e familiare] Merolinis (de), Gentile [dottore di leggi e luogotenente del protonotaro del regno] Enti San Vincenzo al VolturnoDescrizione Pro fratre Anthonio de Atella.
Karolus tertius etc. Universis presentes licteras inspecturis, tam presentibus, quam futuris. Illos in familiares et capellanos nostros libenter admictimus quos discretive virtus illuminat, morum decor illustrat et honestatis titulus discretive commendat. Hec igitur in persona religiosi viri et honesti fratris Anthonii de Atella monaci et prioris monasterii Vulturnensis, devoti et fidelis nostri dilecti experimentabiliter cognoscentes ipsum in capellanum et familiarem nostrum presentium tenore recipimus et aliorum capellanorum et familiarium nostrorum consortio agregamus, volentes, pariter iubentes quod idem frater Anthonius illis decetero honoribus, privilegiis, immunitatibus, libertatibus, prerogativis et gratiis ubilibet patiatur et gaudeat quibus ceteri capellani et familiares nostri domestici potiuntur, gaudent ac potiri gaudere soliti sunt et debent. In cuius rei testimonium presentes licteras fieri pendenti maiestatis nostre sigillo iussimus communiri. Datum Neapoli per nobilem virum Gentilem de Merolinis de Sulmona, legum doctorem, locumtenentem prothonotarii regni Sicilie etc., anno Domini millesimo CCC°LXXXII°, die III° iunii quinte indictionis, regnorum nostrorum anno primo. Bibliografia Società napoletana di storia patria, già ms. F.B. IV A 14, oggi ms. Fortunato. Segnatura precedente Reg. 358, f. 286 a t.