Titolo NapoliIII.161Indizione V16 aprile 1382 Integrazione del titolo Indizione VData Indizione V16 aprile 1382 Indizione V Luogo NapoliPersone Carlo III d'Angiò Durazzo [re di Sicilia] Filangieri, Giacomo [milite, barone di Candida e Frigento] Lagonissa (de), Guglielmo [milite] Merolinis (de), Gentile [dottore di leggi, luogotenente del protonotaro del regno,, regio consigliere] Enti Principato UltraSiciliaDescrizione Karolus tertius etc. Universis presentes litteras inspecturis, tam presentibus, quam futuris. Subiectorum nostrorum compendiis ex affectu benigne caritatis accedimus quo fit ipsorum petitionibus gratiosis assensum facilem benignius prebeamus. Sane vir nobilis Iacobus Filangerius dominus de Candida, miles, baroniarum Candide et Frequenti utiliter dominus, maiestati nostre nuper exposuit quod vir nobilis Guillelmus de Lagonissa miles tenens et possidens in feudum in mediate et in capite a nostra curia sub certo feudali servitio, seu adoha, ipsi curie nostre prestando civitatis Montis Marani sitam in provincia Principatus ultra Serras Montorii cum hominibus, vassallis vassallorumque redditibus, terris cultis et incultis, fortellitio, planis, montibus, pratis, nemoribus, silvis, pascuis, bactinderiis, aquis, aquarum decursibus, tenimentis, territoriis, iuribus, iurisdictionibus et pertinentiis eius omnibus, sicut eidem Guillelmo aptum, utile et expediens visum fuit civitatem predictam Montis Marani cum hominibus, vassallis, iuribus et pertinentiis eius omnibus sapradictis vendidit, alienavit et tradidit dicto Iacobo ementi illam et recipienti pro se et suis heredibus imperpetuum, pro certo pretio inter eos convento, et per eundem Iacobum dicto Guillelmo integre persoluto, reservato in premissis nostre maiestatis beneplacito et assensu prout hec et alia in quodam puplico inde confecto ponuntur plenius et seriosius contineri humili per dictum Iacobum culmini nostro supplicatione subiuncta ut venditioni, alienationi et traditioni premissis factis sibi pro se et dictis suis heredibus per dictum Guillelmum de civitate predicta Montis Marani iuribus et pertinentiis supradictis assentire illisque confirmationis nostre robur adicere benignius dignaremur. Nos autem nostrorum fidelium apta compendia gratis affectibus prosequentes pro consideratione quoque devotionis et fidei supplicantis eiusdem ipsius in hac parte supplicationibus inclinati venditioni, alienationi et traditioni premissis factis eidem Iacobo pro se et suis heredibus, ut prefertur, de dicta civitate Montis Marani hominibus, vassallis, iuribus et pertinentiis supradictis quatenus tamen alias provide facte sunt veris existentibus prenarratis, nec mutata natura feudalium et dummodo dictus Guillelmus venditor heredes habeat, qui alias essent post eius obitum in dicta civitate legitime successuri, tenore presentium assentimus illisque non obstante quod super bonis feudalibus processisse noscuntur de certa nostra scientia et speciali gratia ratificamus, acceptamus et confirmationis nostre presidia communimus volentes et decernentes expresse quod huiusmodi nostri assensus ratificatio, acceptatio et confirmatio predicto Iacobo et dictis suis heredibus perpetuo efficaciter stabiles et incommutabiliter sint reales fidelitate nostra feudali quoque servitio pro dicta civitatis Montis Marani per eundem Iacobum curie nostre debito nostris aliis et cuiuslibet alterius iuribus semper salvis; volumus autem quod dictus Iacobus procuret cum solertia debita et instanti infra menses quatuor, a die date presentium in antea numerandos, presentes nostras licteras in quaternionibus nostre camere penes thesaurarios nostros transcribi facere ac etiam annotari, ut tempore quo in regno precipitur militare servitium comitibus et baronibus et aliis feodatariis dicti regni eundem Iacobum dictosque eius heredes tamquam novos possessores et dominos dicte civitatis Montis Marani debitique pro illa feodalis servitii debitores in quaternionibus ipsis manuabiliter et habiliter reperiri contingat alioquin presens nostra gratia nullius sit efficacie, seu vigoris. In cuius rei testimonium presentes litteras exinde fieri et pendenti maiestatis nostre sigillo iussimus communiri. Datum Neapoli per nobilem virum Gentilem de Merolinis de Sulmona legum doctorem, locumtenentem prothonotarii regni Sicilie, consiliarium et fidelem nostrum dilectum, anno Domini millesimo CCCoLXXXIIo, die XVIo aprilis quinte indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 52 (not.); ivi, S. Sicola, Supplementum ad repertorium, vol. XIX, ff. 16 e 26; ivi, «Squarcio di repertorio del registro angioino 358 "Karolus III - 1381"», ff. [7] e [12] (not.); ivi, not. di F. Scandone da C. De Lellis, Notamenta, vol. VII, p. 45; Biblioteca angelica di Roma, ms. Prignano 276 I, f. 32 (not.); Biblioteca nazionale di Napoli, ms. X B 2, f. 130 (not.); ivi, brancacciano IV B 15, f. 367 a t. (not.); Società napoletana di stroia patria, ms. XX A 16, f. 221 (not.); ivi, ms. XXV A 15, f. 208 a t. (not.); ivi, Carte Ricciardi, b. 1, n° 5 (not.); E. Ricca, Discorso genealogico della famiglia Filangieri, Napoli 1863, pp. 236-237 (trasc.); F. Scandone, Storia di Avellino, vol. II/II, Napoli 1950, p. 65 e CCLIII p. 267 (not.). Segnatura precedente Reg. 358, f. 262