Titolo NapoliIII.151Indizione V21 maggio 1382 Integrazione del titolo Indizione VData Indizione V21 maggio 1382 Indizione V Luogo NapoliPersone Carlo III d'Angiò Durazzo [fre di Sicilia] San Felice (de), Paride [giustiziere di Terra di Lavoro e Contado di Molise, ciambellano] Caetani, GiacomoOrsini, Nicola [conte di Nola] Protogioudice (de), GiannottoCrispano, Matteo [milite, professore di diritto civile, luogotenente del gran camerario del regno] Orsini, Nicola [conte di Manoppello, logoteta e protonotaro del regno, regio consigliere] Merolinis (de), Gentile [dottore di leggi] Enti SiciliaTerra di Lavoro e Contado di MoliseGerusalemmeProvenza e ForcalquierPiemonteDescrizione Karolus III etc. Nobili viro Paridi de Sancto Felice iustitiario Terre Laboris et Comitatus Molisii, cambellano, fideli nostro, gratiam etc. Significamus tibi quod nominato viro nobili Iacobo Gaetano militi, collaterali et fideli nostro privilegium nostrum concessimus per omnia seriei: «Karolus tertius Dei gratia rex Ierusalem et Sicilie et Provincie et Forcalquerii et Pedimontis comes. Universis presens privilegium inspecturis, tam presentibus, quam futuris. Obsequencium nobis merita gratis affectibus detenentes illis gratias nostras liberaliter conferimus qui cum laboribus et dispendiis personalibus atque rerum necessitatibus tempore nostris serviciis paruerunt, damus itaque que sunt iusta laboribus ut proventum priorem denitentur corda sequiencium. Sane considerantes grandia, grata, proficua et accepta servicia maiestati nostre in utriusque fortunas nostre ludibrio prestita cum servorum sincere dilectionis et incommutabilis fidei constancia iam experta per virum nobilem Iacobum Gaytanum fidelem dilectum nostrum sue persone ac honoris et bonorum periculis nam parcendo, hanc cum gravibus expensorum graviorumque damnorum honeribus subeundo, quibus apud maiestatem nostram gratitudinis nostre debite premium merito iudicavit, prefato Iacobo et eius utriusque sexus heredibus ex suo corpore legitime descendentibus natis iam et nascituris tamque benemerito et opibus eius digno, castrum Rocche de Rainula, castrum Aylani et castrum Sancti Patris de provincia Terre Laboris et castrum Pulcarini de provincia Vallis Beneventane cum hominibus, vassallis, fortelliciis, domibus, personibus, casalibus, villis, vineis, iardenis, olivetis, terris cultis et incultis, planis, montanis, pratis, pascuis, molendinis, aquis aquarumque decursibus, tenimentis privatorum, angariis, perangariis, redditibus, censibus, annuis serviciis, feudatariis, divitibus et proventibus aliisque iuribus et iurisdictionibus et pertinenciis eorum omnibus, que videlicet de demanio in demanio et que de servicio in servicium, prout tenebat et tenuit Iohannellus de Fuscaldo rebellis noster notorius et per ipsius Iohannelli rebellionem notoriam ad ipsas manus nostre curie iuste et rationabiliter devoluta, in perpetuum damus, donamus, tradimus, prout in alio quaterno nostre camere particulariter presens privilegium notatum. Actum Neapoli, presentibus magnificis et nobilibus viris Nicolao de Ursinis Nolano, palatino , Iohannotto de Protoiudice de Salermo collaterali et Mattheo Crispano de Neapoli milite, iuris civilis professore, locumtenenti magni camerarii regni Sicilie ac quampluribus aliis. Datum vero ibidem, per manus viri nobilis Iohannis de Ursinis comitis Manupelli, logothete et protonotarii regni Sicilie, collateralis, consiliarii et fidelis nostri dilecti, anno Domini millesimo trecentesimo octuagesimo primo, die quarto mensis decembris quinte oindictionis, regnorum nostrorum anno primo». Ut itaque memoratus Iacobus dictique sui heredes assegnantur realiter eandem concessionem et gratie nostre fructum volumus et de nostro proprio tenore mandamus expresse quod prefatus Iacobus, vel sui heredes veniant in corporalem possessionem iamdictorum castrorum Rocche de Raynula etc. de provinciis iamdictis cum hominibus, vassallis etc., recepto prius pro nobis et heredibus nostris et hominibus predictorum castrorum et casalium solito iuramento. Presens privilegium exinde fieri et magno pendenti sigillo iussimus communiri, quod pro eius validiori robore et ex certis etiam nos causis moventibus subscripsimus et dedimus propria manu nostra. Datum Neapoli, per nobilem virum Gentilem de Merolinis de Sulmona legum doctorem, anno Domini MCCCLXXXII, die XXI mensis maii V indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, trasc. di Luigi d'Avanzo di Roccarainola; L. d'Avanzo, Memorie storiche di Roccarainola, Nola 1943, p. 13 nota 1 (not.). Segnatura precedente Reg. 358, f. 257