Titolo NapoliIII.068Indizione V14 marzo 1382 Integrazione del titolo Indizione VData Indizione V14 marzo 1382 Indizione V Luogo NapoliPersone Carlo III d'Angiò Durazzo [re di Sicilia] Székely Mihály [familiare] Orsini, Giovanni [conte di Manoppello, logoteta e protonotaro del regno] Enti SiciliaDescrizione Karolus tertius etc. Universis presentes licteras inspecturis, tam presentibus, quam futuris. Exaltat potentiam principum munifica remuneratio subiectorum, quia recipientium fides crescit ex premio et alii ad obsequendum devotius animantur exemplo. Actendentes igitur sinceritatem devotionis et fidei Seclimigalis Ungari familiaris nostri devotique dilecti, grata quamplurimum acceptaque servitia per ipsum Seclimigalem maiestati nostre fideliter prestita, tam intra, quam extra regnum nostrum Sicilie, cum persone sue periculis et oneribus expensarum, queque prestat ad presens et speramus eum inantea nostro culmini de bono in melius prestiturum, ut proinde ipsum prosequamur grato rependio premiorum, eidem Seclimigali ex nunc inantea usque ad nostrum beneplacitum de annuis unciis auri viginti ponderis generalis, percipiendis per eum anno quolibet, dicto nostro beneplacito perdurante atque mandato, in et super iuribus, redditibus et proventibus cabelle pilorum, seu lane terre nostre Baroli duximus harum serie proprii motus instinctu liberalitate mera, certa nostra scientia et speciali gratia providendum, lege seu constitutione contraria et presertim ea que alienationem rerum, seu iurium demanalium, sive fiscalium fieri prohibet, quam in hoc casu de certa nostra scientia tollimus ac viribus et efficacia vacuamus, aliquatenus non obstante, quibuscuque etiam licteris et mandatis in contrarium factis et quomodolibet faciendis sub quacumque forma, serie et expressione verborum, per quas, seu que effectus presentium impediri posset in aliquo, vel differri, presenti nostre gratie dicto nostro durante beneplacito valituro nullateus obstiturus, ita quidem quod ipse Seclimigalis predictus uncias viginti per annum percipiat et habeat dicto nostro beneplacito perdurante in et super iuribus et proventibus antedictis ipsasque teneat inmediate et in capite a nostra curia nullumque alium preter nos in superiorem et dominum exinde recognoscat servireque proinde teneatur et debeat nobis et nostre curie cum una lancea, si et quando per maiestatem nostram fuerit propterea requisitus, quod servitium dictus Seclimigalis in nostri presentia constitutus sua bona et gratuyta voluntate facere, sicut predicitur, obtulit et promisit, investientes dictum Seclimigalem de presenti nostra provisione et gratia per anulum nostrum, modo premisso, presentialiter, ut est moris, quam investituram vim et efficaciam vere ac realis perceptionis ac habitionis dictarum annuarum unciarum viginti in et super iuribus, redditibus et proventibus antedictis dicto nostro perdurante beneplacito volumus et decernimus obtinere. In cuius rei testimonium presentes licteras exinde fieri et pendenti maiestatis nostre sigillo iussimus communiri. Datum Neapoli per virum magnificum Iohannem de Ursinis comitem Manupelli, logothetam et prothonotarium regni Sicilie, anno Domini millesimo CCCLXXXII, die XIIII martii V indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 30 a t.; ivi, L. Ovary, Ricerche, n° 372 (not.); Società napoletana di storia patria, Carte Ricciardi, b. 1, n° 5 (not.); Monumenta Hungariae historica, Acta extera, ed. G. Wenzel, vol. III, Budapestini 1876, 232 p. 469 (trasc.); N. Barone, Notizie storiche tratte dai registri della cancelleria di Carlo III di Durazzo, in «Archivio storico per le province napoletane», XII (1887), p. 11 (not.). Segnatura precedente Reg. 358, f. 19