Titolo NapoliIII.045Indizione V18 febbraio 1382 Integrazione del titolo Indizione VData Indizione V18 febbraio 1382 Indizione V Luogo NapoliPersone Carlo III d'Angiò Durazzo [re di Sicilia] Cantelmo (de), RitaCaldora, Giovanni AntonioCantelmo (de), CaterinaTocco (de), GuglielmoCantelmo (de), GiacomoCantelmo (de), RostainuccioCaldora, MariaGesualdo, RuggieroCantelmo (de), AntonioMerolinis (de), GentileEnti SiciliaDescrizione Karolus etc. Magistro iustitiario regni nostri Sicilie, vel eius locum tenenti, fideli suo gratiam etc. Noviter pro parte Rite de Cantelmis consortis, ut ponitur, Ioannis Antonii Caldore et Caterine de Cantelmis consortis Guillelmi de Tocco de Neapoli, filiarum legitimarum similiter et naturalium quondam Iacobi de Cantelmis, nostrarum fidelium, oblata fuit in nostro consilio petitio reverens continentie subsequentis: «Sacre regie maiestati reverenter exponitur pro parte Rite de Cantelmis consortis Ioannis Antonii Caldore et Catherine de Cantelmis consortis Guillelmi de Tocco de Neapoli filiarum legitimarum et naturalium quondam Iacobi de Cantelmis militis, fidelium vestrarum, dicentium quod olim dominus quondam Iacobus miles, pater ipsarum exponentium, habens, tenens et possidens subscripta castra et bona feudalia ipsas exponentes filias suas maritavit et nuptui tradidit, dictam videlicet Ritam dicto Ioanni Antonio eius viro cum promissione dotis, seu alias, pro honorabili vita ducenda et oneribus matrimonii supportandis, unciarum auri octingentarum et dictam Catherinam dicto Guillelmo de Tocco eius viro cum promissione dotis, seu alias, pro honorabili vita ducenda et oneribus dicti matrimonii supportandis, aliarum unciarum auri quingentarum, quas quidem pecuniarum quantitates dictus quondam Iacobus promisit et se suosque heredes et bona sollemniter obligavit dare et assignare eisdem exponentibus, seu dictis maritis eorum, pro eis in certis terminis inter eos statutis iam elapsis et interim pendenti solutione ipsarum pecuniarum quantitatum, promisit dictus quondam Iacobus et se suosque heredes et bona omnia obligavit dare eis pro usufructu ipsarum dotium cuilibet, scilicet ipsarum anno quolibet uncias octo, intervenienente ad premissa tunc reginali beneplacito et assensu et ante quam dictus Iacobus miles dictas pecuniarum quantitates eisdem filiabus eius, seu dictis maritis earum pro eis daret, solveret, et assignaret, mortuus fuit, superstite sibi Rostainutio de Cantelmis eius filio primogenito et herede, succedente sibi in omnibus bonis eius feudalibus in solidum, videlicet, de feudo novo et in certa parte bonorum eius feudalium de feudo antiquo, qui quidem Rostainutius a tempore mortis dicti quondam Iacobi patri sui omnia bona ipsius quondam Iacobi et specialiter subscripta obligata siquidem eisdem exponentibus pro dictis earum dotibus et usufructu ipsarum cepit et apprehendit ac tenuit et possedit, tenet et possidet eisdem exponentibus dictas dotes dare, solvere et assignare non curavit, nec curat et, quod deterius est, nec etiam eidem Rite usumfructum ipsarum eius dotium ascendentem ad summam aliarum unciarum auri ducentarum et dicte Catherine usufructum ipsarum dotium suarum ascendentem ad summam aliarum unciarum auri sexaginta dare, tradere, assignare non curavit, nec curat, quamvis fuerit exinde per eosdem exponentes, seu alios eorum nomine, plurie requisitus. Quare pro parte dictarum exponentium vestre benigne maiestatis devotius supplicatur quatenus dignetur vestra maiestas committere et mandare de certa vestra scientia magistro iustitiario regni Sicilie quod super predictis summarie et de plano, sine strepitu, forma et figura iudicii, solummodo ad substantiam veritatis habendam se informet et ubi constiterit de predictis solum per inspectionem instrumentorum et aliarum probationum sufficientium circa id cogat et compellat eundem Rostainutium ipsarum fratrem cum dandum, solvendum, tradendum et assignandum eisdem exponentibus dictas pecuniarum quantitates cum dictis usufructibus ipsarum, prout iuri et iustitie viderit convenire in et super dictis bonis et alias exponentes ipse vestre maiestati notificant iura que super dictis bonis habuerint et habent et supplicant quod serventur eisdem et protestantur eisdem pretextu cuiuscumque solutionis faciende contra dictum Rostainutium occasione cuiuscumque delicti, seu excessus facti ut pretenditur per eundem Rostainutium exponentes ipse minime possint et valeant detrimentum pati vel alias defraudari. Predicta vero castra et bona feudalia sunt hec: medietas castri Pettorani, certa pars Pescli Constantii, certa pars castri Rivisonduli, Rocca de Piczis, certa pars Fulche de Palena, baronia Cerri, cum castris Aquevive et Montis Alti de antiquo feudo, certa pars castri Castiglioni et certa pars medietatis castri Precze de feudo novo, in quibus successerunt Rostainus et dictus Iacobus pro equali portione et parte, terra seu castrum Matini de feudo novo et castrum Ortoni in quo Maria Caldora uxor domini Rogerii de Gesualdo habet tertiariam suam per obitum quondam Antonii de Cantelmis eius seu sui viri». Postquam quidem petitionem oblatam, nos, habita super his dicti nostri consilii deliberatione matura, volumus tueque fidelitati presentium tenore de certa nostra scientia committimus et mandamus expresse quatenus, vocato dicto Rostainutio, cognoscas de premissis expositis et si inveneris rem expositioni concordem et alium rationabile quod obsistat eundem Rostainutium compellas ad dandum, tradendum et assignandum eisdem exponentibus, sive dictis viris earum, predictas dotes et usufructum prout iuri et iustitie videris expedire. Datum Neapoli per nobilem virum Gentilem de Sulmona militem etc., anno Domini MCCCLXXXII, die XVIII februarii quinte indictionis, regnorum nostrorum anno primo. Bibliografia Archivio di Stato di Napoli, Archivio Tocco di Montemiletto, vol. 16, ff. 60-61 (trasc.); ivi, vol. 27, f. 26 (not.); ivi, Archivio della ricostruzione della cancelleria angioina, S. Sicola, Repertorium septimum regni Caroli III, f. 28 (not.); Biblioteca Angelica di Roma, ms. Prignano, 276 I, f. 175 (not.); Biblioteca nazionale di Napoli, ms. X B 2, f. 125 a t. (not.); ivi, ms. brancacciano IV D 1, f. 485 (not.); Società napoletana di storia patria, ms. XX A 16, f. 136 (not.); ivi, ms. XXV A 15, f. 149 (not.); ivi, Carte Ricciardi, b. 1, n° 5; G. Reccho, Notizie di famiglie nobili ed illustri della città e regno di Napoli, Napoli 1717, p. 109 (not.); N.F. Faraglia, Il sepolcro di Casa Caldora, Napoli 1891, p. 2 (not.); D. Santoro, Pagine di storia alvitana, Chieti 1908, XXII pp. 57-58 (trasc. parziale). Segnatura precedente Reg. 358, f. 2 e a t.