Titolo NapoliII.277Indizione V27 giugno 1382 Integrazione del titolo Indizione VData Indizione V27 giugno 1382 Indizione V Luogo NapoliPersone Carlo III d'Angiò Durazzo [re di Sicilia] Merolinis (de), GentileEnti SiciliaDescrizione Karolus tertius etc. Magnifico viro magistro iustitiario regni nostri Sicilie, collaterali, vel eius locumtenenti et iudicibus magne curie consiliariis, necnon iustitiariis, capitaneis, baiulis et iudicibus terrarum et officialibus aliis per regnum nostrum Sicilie constitutis quocumque titulo et denominatione notentur ad quos spectat et spectare poterit presentibus et futuris, fidelibus nostris gratiam etc. Moti noviter devotis supplicationibus culmini nostro porrectis tam pro parte consolis Ianuensium, quam ipsorum Ianuensium in regno nostro Sicilie degentium et commorantium devotorum nostrorum et alias intendentes cum eisdem consule et Ianuensibus propter sinceram devotionem eorum quam evidentissime per effectum laudabilium operum ostenderunt erga nos et regiam domum nostram et per nos gratuite in agendorum nostrorum prosecutionibus comprobatam dominica caritate transire et quantum bono nostro possumus eorum accomoda placidis exauditionibus adimplere eisdem Ianuensibus de certa nostra scientia et speciali gratia usque ad nostrum beneplacitum presentium tenore concedimus quod in causis dumtaxat civilibus Ianuenses inter se ipsos tam in agendo, quam defendendo et alias per quantumcumque aliam personam que agitur contra aliquem, seu aliquos ex Ianuensibus supradictis nonnisi coram dicto eorum consule pro quavis causa civili trahi valeant vocari, vel etiam conveniri, sub expresse conditionis adiectu quod iuxta intentionis nostre propositum si et quando videretur maiestati nostre pro honore nostro et expedientia iustitie aliud, vel aliter agendum quam prefertur in nostre remaneant libero arbitrio voluntatis, quare vobis et vestrum cuilibet harum serie mandamus expresse quatenus si contingat Ianuenses ipsos quomodocumque civiliter trahi, citari, vel convenire coram vos, vel vestrum aliquos ad petitionis instantiam cuiuscumque ad dictum eorum consulem tamquam ipsorum iudicem competentem quam totius remittatis eosdem ad quem cognitionem et terminationem civilium causarum eorumdem spectare et pertinere volumus et iubemus et per quem durante nostro beneplacito et nisi expediens causa iustitie pro honore nostro retraxerit ipsum propositum nostre mentis, ut predicitur, conquerentibus singulis harum serie in causis eiusdem civilibus fieri mandamus et volumus iustitie complementum revocantes prorsus in irritum quicquid per vos seu vestrum aliquem attemptari forsitan contingerit in futurum contra presentium seriem atque mentem presentibus pro cautela remanentibus presentanti ipso nostro beneplacito, ut predicitur, in antea valituris. Datum Neapoli per virum nobilem Gentilem de Merolinis de Sulmona etc., anno Domini MCCCLXXXII°, die XXVII iunii quinte indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 69 (not.); Istituto storico germanico di Roma, Lascito Sthamer, parte B, b. II, c. 909 (not); Società napoletana di storia patria, Carte Ricciardi, b. 1, n° 5 (not.); C. Minieri Riccio, Notizie storiche tratte da 62 registri angioini etc., Napoli 1877, p. 90 (not.); Idem, Saggio di codice diplomatico, vol. II/I, Napoli 1879, XXV pp. 24-25 (trasc.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 22 (not.); M. Camera, Elucubrazioni storico-diplomatiche su Giovanna I etc., Salerno 1889, p. 308 (not.). Segnatura precedente Reg. 358, f. 72 a t.