Titolo NapoliII.241Indizione V18 maggio 1382 Integrazione del titolo Indizione VData Indizione V18 maggio 1382 Indizione V Luogo NapoliPersone Fagno, Nicola [mercante di Firenze] Carlo III d'Angiò Durazzo [re di Sicilia] Giovanna I d'Angiò [regina di Sicilia] Merolinis (de), GentileEnti SiciliaDescrizione Pro Nicolao Fagni de Florencia mercatore, Neapoli commorante.
Karolus tercius etc. Magnifico viro magistro regni Sicilie camerario, vel eius locumtenentibus, magistris rationalibus magne nostre curie, magistro sicle nostre, dohaneriis, fundicariis, cabellotis, seu credenceriis, magistris portulanis atque secretis, magistris et custodibus passuum et maritimarum ac officialibus nostris aliis dicti regni ad quos spectat et spectare poterit quocumque nomine censeantur, presentibus et futuris, fidelibus nostris, gratiam etc. Moti noviter ex certis consideracionibus atque causis inducentibus mentem nostram Nicoalo Fagni de Florencia mercatori, Neapoli commoranti, devoto fideli nostro proprio suo comodo libere et sine contrarietate qualibet extrahere possit per se, vel alium, seu alios pro parte sua, per mare, vel per terram, semel, vel diversibus vicibus coniunctim, vel divisim, prout elegerit, et facultas sibi ac possibilitas aderit sex milia librarum de veteri et usuali pecunia gerardinorum, sive monete parve, que olim expendebatur et fiebat tempore illustris Iohanne olim Ierusalem et Sicilie regine queve modo prohibita est expendi in regno, absque tamen solucione alicuius iuris, sive dirictus exinde forsitan debiti, harum serie de certa nostra scientia et speciali gratia plenam concedimus licentiam et auctoritatem liberam imperpetuum. Quo circa fidelitati vestre earundem presentium vigore precipimus quatenus ipsum Nicolaum per se, vel alium, seu alios eius nomine, dictam quantitatem sex millium librarum eiusdem monete parve simul et semel, vel diversis vicibus divisim et per partes, prout ipse Nicolaus elegerit, et facultas ac possibilitas ad hoc sibi affuerit extrahere extra regnum per mare, vel per terram, et deferre quo voluerit pro sue voluntatis arbitrio libere et immune a solucione cuiuscumque iuris exiture, sive dirictus, auctoritate presentium absque impedimento quolibet permictatis, proviso tamen quod pretextu presentium maior ipsius pecunie quantitas per replicatas vices forsitan, aut alia quecumque prohibita, per ipsum Nicolaum, aut alium, vel alios eius nomine in fraudem nostre curie nullatenus extrahantur, set certificari curetis suis vicibus vos dohanerii civitatis Neapolis de quantitate ipsius pecunie, quam semel et simul, vel replicatis vicibus idem Nicolaus, vel alius, seu alii pro parte sua extrahere voluerint, ne in fraudem nostre curie contra huiusmodi concessionis nostre formam maior inde quantitas extrahatur, ordinacione, seu ordinato nostro, aut nostre curie quocumque contrario per quam, seu quod effectus presentium impediri posset in aliquo, vel differri, eciam si oporteret de illo, vel illa, aut aliqua eius clausula plenam et expressam, aut de verbo ad verbum, presentibus fieri mentionem et quibuscumque aliis in contrarium forsitan facientibus nullatenus obstituris. Daturi vos dohanerii sibi suisque vicibus super hiis gratis de quantitate, quam inde extraxerit, vestras testimoniales licteras ad cautelam presentibus, post oportunam inspecionem earum usque ad ipsarum execucionem debitam, remanentibus presentanti. Datum Neapoli, per virum nobilem Gentilem de Merolinis etc., anno Domini MCCCLXXXII, die XVIII maii V indictionis, regnorum nostrorum anno primo. Bibliografia Società napoletana di storia patria, Carte Ricciardi, b. 1, n° 5 (not.); C. Minieri Riccio, Notizie storiche tratte da 62 registri angioini etc., Napoli 1877, p. 95 (not.); M. Camera, Elucubrazioni storico-diplomatiche su Giovanna I etc., Salerno 1889, p. 307 (not.); C. Prota, V. Morelli, Documenti per la storia numismatica napoletana. La politica monetaria di Carlo III di Durazzo, estr. da «Bollettino del Circolo numismatico napoletano», I (1923), Napoli 1923, pp. 3-4 (trasc.). Segnatura precedente Reg. 358, f. 316 e a t.