Titolo NapoliII.033Indizione V30 gennaio 1382 Integrazione del titolo Indizione VData Indizione V30 gennaio 1382 Indizione V Luogo NapoliPersone Carlo III d'Angiò Durazzo [re di Sicilia] Filangieri, Giacomo [milite e giustiziere di Basilicata] Merolinis (de), Gentile [luogotenente del logoteta e del protonotario del regno] Enti BasilicataSiciliaDescrizione Karolus tertius etc. Nobili viro Iacobo Filangerio militi, iustitiario provincie Basilicate, fideli nostro dilecto, gratiam et bonam voluntatem. Licet ex eo quod nobis in civitate Neapolis pro aliquibus diebus penes maiestatem nostram tua erat presentia oportuna ut potuisses personaliter ad presentiam nostre maiestatis accedere et personaliter te conferre dicto iustitiariatus officio in quo prees sine rectoris regimine non relicto quod servire valeres et posses in illo per tuum substitutum per unum mensem a die tui discessus a dicto iustitiariatus officio in antea numerandum liberam concesserimus facultatem, prout in quadam cedula nostro secreto anulo roborata plenius continetur de cuius tamen substituti tui administratis et gestis tempore quo dictum officium exercuerit vice tua reddere finalem rationem et compotum tu ipse principaliter nostre curie tenearis tamen quia postquam te ad nostram presentiam contulisti persona tua est nobis adhuc pro certis nostris et tuis agendis necessariis oportuna propter quod sic subito redire non potes ad supradictum officium exercendum tibi harum serie terminum usque ad alium mensem unum a die finiti primi mensis et termini antedicti in antea numerandum de certa nostra scientia prorogamus itaque finito primo dicto termino per alium mensem unum, ut predicitur, successive futurum servire possis et valeas in eodem officio per tuum sufficientem et ydoneum substitutum de cuius administratis et gestis in officio ipso durante termino ac defectibus et excessibus si qui forsitan apparerent tu principaliter nostre curie, ut predicitur, tenearis acceptantes et confirmantes expresse ex nunc, prout ex tunc presentium tenore de dicta scientia certa nostra omnia et singula actitata, gesta et administrata ac processus quoslibet factos et habitos per dictum tuum substitutum infra terminum memoratum dummodo rite et provide facta et administrata, seu facti et habiti sint cum consilio iudicis et assessoris tui ac actorum notarii tecum deputatorum per nostram curiam in officio supradicto illaque et illos ratificationis et approbationis nostre munimine roboramus ac optinere volumus et decernimus roboris firmitatem has nostras litteras tibi in huius rei testimonium pendenti maiestatis nostre sigillo munitas exinde concedentes. Datum Neapoli, per virum nobilem Gentilem de Merolinis de Sulmona legum doctorem, locumtenentem logothete et prothonotariii regni Sicilie, consiliarium et fidelem nostrum dilectum, anno Domini millesimo CCCLXXXII° , die penultimo mensis ianuarii V indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, ff. 44 e 58 a t. (not.); ivi, S. Sicola, Supplementum ad repertorium, vol. XIX, ff. 9 e 16; ivi, «Squarcio di repertorio del registro angioino 358 "Karolus III - 1381"», ff. [4] e [7] (not.); Biblioteca angelica di Roma, ms. Prignano, 276 I, f. 32 (not.); Biblioteca nazionale di Napoli, ms. X B 2, f. 128 a t. (not.); Società napoletana di storia patria, ms. XX A 16, f. 212 (not.); ivi, Carte Ricciardi, b. 1, n° 5 (not.); E. Ricca, Discorso genealogico della famiglia Filangieri, Napoli 1863, pp. 233-234 (trasc.). Segnatura precedente Reg. 358, f. 163 a t.