Titolo NapoliII.020Indizione V31 gennaio 1382 Integrazione del titolo Indizione VData Indizione V31 gennaio 1382 Indizione V Luogo NapoliPersone Rinaldo (de), Antonio [mastro della prova delle due monete nella zecca di Napoli] Carlo III d'Angiò Durazzo [re di Sicilia] Rinaldo (de), fu Rinaldo [mastro della prova delle due monete nella zecca di Napoli] Rinaldo (de), fu Silvestro [mastro della prova delle due monete nella zecca di Napoli] Carlo II d'Angiò [re di Sicilia] Roberto d'Angiò [re di Sicilia] Giovanna I d'Angiò [regina di Sicilia] Aversano, Giovanni [milite, professore di diritto civile e consigliere] Enti SiciliaNapoliGerusalemmeDescrizione Pro magistro Antonio de Raymundo [così per Raynaldo] de Neapoli.
Karolus tercius etc. Magnifico magno regni Sicilie camerario, vel eius locumtenentibus, ac magistris rationalibus magne nostre curie dilectis consiliariis, necnon magistris sicle civitatis nostre Neapolis, cabellotis, seu credenceriis presentibus et futuris fidelibus nostris, graciam et bonam voluntatem. Scire vos facimus quod magistro Antonio de Raymundo [così per Raynaldo] de Neapoli, magistro probe utriusque monete in sicla predicta, fideli nostro patentes licteras nostras nuper concessimus subscripte per omnia seriei: «Karolus tercius etc. Magistro Antonio de Raymundo [così per Raynaldo] de Neapoli magistro probe utriusque monete in regia sicla nostra Neapolis, fideli nostro, graciam et bonam voluntatem. Probata fides et longa experiencia preteritorum rerum nobis argumenta certissima prohibent de futuris, quapropter facta maiestati nostre informacione laudabili et fideli quod condam magister Raynaldus pater tuus officium dicte probe dum vixerit tempore clare memorie domini regis Karoli secundi proavi nostri et recolende memorie domini regis Roberti magnifici patrui nostri et successive post dictum domini regis Roberti obitum condam Silvester de Raymundo [così per Raynaldo] frater tuus prefatum magisterium dicte probe dum vixit similiter ad consueta gagia unciarum auri viginti quatuor ponderis generalis per annum exercuerunt unus post alium fideliter et prudenter et post obitum dicti Silvestri ultimo vitafunti tu tamquam expertus et instructus in magisterio ipso in quo fides non modica viget exercuisti hucusque annis viginti quatuor elapsis tempore scilicet Iohanne olim Ierusalem et Sicilie regine diligenter et bene, sicut ipsa experiencia laudata comprobat, et fides diucius conservata commendat patentesque lictere dictorum olim regum et regine vise in curia nostra de ipsius officii successiva concessione testantur. Nos considerantes racioni congenere huiusmodi comprobate fidei et laudate experiencie inherere te in dicto officio magisterii dicte probe utriusque monete nostre auri scilicet et argenti in dicta sicla Neapolis ad predicta gagia unciarum auri viginti quatuor ponderis generalis per annum solvenda tibi de pecunia iurium, reddituum et proventuum dicte sicle, prout consuetum hactenus extitit harum serie de certa nostra scientia, cum prerogativis omnibus ad officium ipsum spectantibus, confirmandum duximus et de novo pariter statuendum etc., prout tota forma scripta est de verbo ad verbum in uno alio quaternorum exgtravagancium anni proximi preteriti quarte indictionis usque datum Neapoli in defectu prothonotarii regni Sicilie per Iohannem Aversanum de Salerno militem, iuris civilis professorem, consiliarium et fidelem nostrum dilectum, anno Domini millesimo CCCLXXXI, die vicesimo augusti quarte indictionis, regnorum nostrorum anno primo». Deinde hic sequitur. Intendentes itaque eidem magistro Antonio de prefatis suis gagiis annuarum unciarum vigintiquatuor dicti ponderis generalis debitam per nos sicut subsequitur satisfaccionem impendi volumus et fidelitati vestre de dicta scientia certa nostra harum serie mandamus expresse quatenus tenore prescriptarum licterarum nostrarum per vos diligenter actento et in omnibus efficaciter observato iuxta ipsarum licterarum seriem, vos predicti dicte sicle nostre Neapolis cabelloti, seu credencerii presentes videlicet et futuri eidem magistro Antonio, vel alie persone legitime pro ipso iamdicta sua gagia unciarum viginti quatuor dicti ponderis generalis per annum sibi per nos pro dicto officio magisterii dicte probe per nos sicut predicitur stabilita ac exhiberi provisa quolibet scilicet anno a die quo idem magister Antonius post dictum felicem ingressum nostrum incepit dictum officium exercere in antea numerando quamdyu dictus magister Antonius de nostro beneplacito huiusmodi officium exercebit de quo vos diligencius informetis de pecunia iurium, reddituum et proventuum dicte sicle sistentia et futura per manus vestra officiorum vestrorum temporibus de mense in mensem ratam eum exinde contingentem, prout ad vos spectaverit, vigore presencium, exolvatis et recipiatis ab eodem magistro Antonio, vel alia persona legitima pro ipso, de his que sibi solveritis exinde suis vicibus debitam apodixam, quam vobis plene sufficere volumus ad cautelam illamque una cum solucione huiusmodi in vestro computo acceptari periti et admoti nullis cautelis aliis quam presentibus nostris licteris cum apodixa iamdicta a vobis propterea quomodolibet requirendis vosque predicti magne camerarie, vel locumtenens ac magistri racionales presentes videlicet et futuris non impediatis in aliquo solucionem eandem modo iamdictos magistros sicle, cabellotos, seu credencerios ad illam sicut predicitur faciendam si et prout opus fuerit arcius compellans. Presentes autem licteras post oportunam inspeccionem earum transumpto ipsarum per vos predictos magistros sicle, cabellotos, seu credencerios in puplica forma recepto pro cautela restitui volumus presentanti, premisso modo, efiicaciter valituras. Datum Neapoli in camera nostra, anno Domini millesimo CCCLXXXII, die ultimo ianuarii quinte indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, C. Borrelli, Supplementum ad repertorium, vol. II, f. 190 a t.; Società napoeltana di storia patria, ms. XXV A 15, f. 500 (not.); ivi, Carte Ricciardi, b. 1, n° 5 (not.); C. Minieri Riccio, Notizie storiche tratte da 62 registri angioini etc., Napoli 1877, p. 75 (not.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 8 (not.); A. Sambon, Tre monete inedite di Carlo III di Durazzo, in «Archivio storico per le province napoletane», XVIII (1893), p. 368 (not.); G.M. Monti, Zecche, monete e legislazione monetaria angioina, Napoli 1928, Documenti, I p. 46 (trasc.); L. Dell'Erba, La riforma monetaria angioina e il suo sviluppo storico nel reame di Napoli, in «Archivio storico per le province napoletane», n.s., XIX (1933), p. 24 (not.). Segnatura precedente Reg. 358, ff. 369 a t.-370 e 379 a t.-380