Titolo NapoliI.257Indizione V01 luglio 1382 Integrazione del titolo Indizione VData Indizione V01 luglio 1382 Indizione V Luogo NapoliPersone Iamvilla (de), FilippoCarlo III d'Angiò Durazzo [re di Sicilia] Merolinis (de), GentileEnti SiciliaDescrizione Pro Philippo de Iamvilla, familiaribus et sociis suis. Tareni duodecim.
Karolus tercius etc. Magistro iustitiario, magno comestabulo ac magno camerario regni nostri Sicilie, collateralibus, nec non iusticiariis provinciarum, capitaneis terrarum et officialibus nostris aliis quibuscumque ad quos spectat et spectare poterit per dictum regnum Sicilie constitutis ipsorumque locatenentibus et omnibus et singulis nostris aliis familiaribus, stipendiariis et subditis quibuscumque fidelibus nostris, graciam etc. Scire vos volumus quod ex certis causis, racionibus et motivis ad hoc inducentibus mentem nostram, de certa nostra scientia et gracia speciali ac nostri proprii motus instinctu, assecuravimus et tenore presencium assecuramus nobilem virum Philippum de Iamvilla omnesque et singulos eius familiares, socios et vassallos cum eo, vel in eius societate venturos quantenus libere et secure possint et valeant nostre maiestatis presenciam ac aliorum nostrorum officialium quorumcumque personaliter se conferre ac stare, morari, ire et redire pro sue et eorum arbitrio voluntatis, permictentes eidem Philippo dictisque suis familiaribus, sociis et vassallis et cuilibet eorundem in verbo nostro regali nullum impedimentum nullamque arrestacionem, sive molestiam, aut impeticionem, seu turbacionem aliquam, vel anfractum nullamque peticionem, vel execucionem, nec aliquam noxiam novitatem eis, vel alicui eorundem in personis, vel bonis eorum, vel alicuius ex eis inferre aut inferri mandare, vel facere, seu consentire, vel permictere quovis modo de iure, vel de facto in iudicio, sive extra racione pretextu, vel causa quorumcumque homicidiorum, violenciarum guerrarumque motarum, insultum disrobationum, sacrilegorum, periuriorum, seu criminis hereseos, vel lese maiestatis nostre et criminem excessum et delictorum quorumlibet aliorum, tam publicorum, quam eciam privatorum per eos, vel ipsorum aliquem, vel aliquos quandocumque, ubicumque et quomodocumque forsitan commissorum, aut bannorum, condempnacionum, foriudicationum et sentenciarum quarumlibet aliarum exinde emissarum, petitarum, vel editarum, aut secutarum, seu probatarum et editarum quemlibet contra eos, vel aliquem eorumdem, aut quarumlibet adoharum, seu quorumcumque feudalium serviciorum indictorum, vel inducendorum, aut residuorum ac quorumcumque aliorum debitorum fiscalium, vel privatorum, aut obligacionum penalium, seu fidei prestacionum et fideiussonum, aut causarum quarumlibet aliarum, ita quod dictus Philippus, socii, familiares et vassalli sui, vel aliqui, seu aliquis eorundam pro quavis causa pecuniaria, vel civili, seu criminali publica, vel privata reali, vel personali, principali et accessoria, seu quavis alia racione, causa, vel modo ad peticionem partis, seu parcium quarumcumque, vel ex officio nostre curie, seu virum prefatorum magistri iusticiarii, magni comestabuli, magni camerarii dicti regni nostri ac iusticiariorum, capitaneorum et nostrorum officialium aliorum omnium prefatorum, seu per quoscumque alios nostros collaterales et familiares, aut stipendiarios, vel subditos et fideles ordinarie, vel extraordinarie, de iure, vel de facto, directe, vel indirecte, in iudicio, vel extra iudicium quovis modo non possint, nec debeant in personis, vel bonis impeticitari, vocari, impediri, arrestari, offendi, obligari, astringi, puniri vexarique quomodolibet, vel turbari, seu privari aliquatenus libero arbitrio eorumdem, quinimmo liceat et licitum sit eidem Philippo suisque prefatis sociis, familiaribus et vassallis et cuilibet eorumdem libere et secure ad prefatam nostram nostrorumque quorumlibet officialium presenciam se conferre et venire, stare et morari, transire, ire et redire, nostra licencia, seu dictorum nostrorum officialium quorumcumque petita, vel non petita, obtenta, vel non obtenta, pro suorum racionum arbitrio voluntatum, absque propedicione qualibet, vel anfractu, que omnia supradicta eis et ipsorum cuilibet in prefato verbo nostro regali ac de dicta certa nostra scientia et gracia speciali dictoque instinctu proprii motus nostri provisimus harum serie promictimus irrevocabiliter observare ac facere irrevocabiliter observari. Quocirca vobis prefatis magistro iusticiario, magno comestabulo, magno camerario, nec non collateralibus et familiaribus nostris ac iusticiariis, capitaneis et officialibus omnibus et singulis aliis dicti regni nostri ad quos spectat et spectare poterit quovis modo ac universis et singulis nostris stipendiariis ac subditis et fidelibus quibuscumque earundem tenore presencium de eadem scientia certa sub obtentu nostre gratie commictimus et mandamus quatenus, forma presencium per vos diligenter, actenta et in omnibus efficaciter observata, nullam eidem Philippo, seu dictis suis sociis, familiaribus et vassallis aut alicui, seu aliquibus eorundem in personis, vel bonis eorum, seu cuiuslibet eorundem in accedendo, veniendo, eundo, transeundo, morando, stando et redeundo, propedicionem, arrestacionem, turbacionem, lesionem, molestiam, vel anfractum ad peticionem partis, seu parcium quarumcumque, pro quavis occasione pretextu racione, vel causa directe, vel indirecte, de iure, vel de facto, in iudicio, vel extra iudicium quovis modo inferatis, vel inferri quomodolibet permictatis, quinimmo ipsos et ipsorum quamlibet cum bonis omnibus eorumdem ire, venire, accedere, transire, stare, morari et redire libere permictatis et si expediens fuerit ad requisicionem ipsorum et eorum cuiuslibet cum per loca et territoria vestra, seu iurisdictionis vestre transiverint, seu transire voluerint, de securo conductu provideatis eisdem, prout fuerit oportunum, ita quod presentes nostre celsitudinis lictere effectum debitum efficaciter sortiantur, sicut habetis graciam nostram caram quibuscumque nostris licteris, edictis, mandatis et ordinacionibus contrariis factis, vel faciendis sub quacumque forma, vel expressione verborum, eciam si de presentibus seriosam et expressam ac de verbo ad verbum faceret mencionem et ipsis derogaret expresse, quibus et propter quos effectus presencium impediri posset, vel robore vacuari de eadem certa nostra scientia, nullatenus obstituris. Presentes autem licteras, post oportunam inspectionem earum restitui volumus presentanti, efficiater per totum mensem augusti presentis anni quinte indictionis et non ulterius valituras. Datum Neapoli, per virum nobilem Gentilem de Merolinis de Sulmona etc., anno Domini MCCCLXXXII, die primo iulii quinte indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. [55 bis a t.]; ivi, not. di F. Scandone da C. De Lellis, Notamenta, vol. VII, f. 58; Biblioteca nazionale di Napoli, ms. X B 2, f. 131 a t. (not.); ivi, ms. brancacciano IV D 1, f. 472 (not.); Fondazione «Biblioteca Benedetto Croce», XCV E 14, trasc. allegata all'estr. di B. Croce, Uno «gliomero» latino di Filippo di Jamvilla, in «Critica», XXV (1927), pp. 404-405; Società napoletana di storia patria, ms. XX A 16, f. 227 (not.); ivi, Carte Ricciardi, b. 1, n° 5 (not.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 23 (not.); B. Croce, Uno «gliomero» latino, cit., pp. 404-405 (not.); Id., Ricerche di antica letteratura meridionale, in «Archivio storico per le province napoletane», LVI (1931), p. 7 Segnatura precedente Reg. 358, ff. 348 a t.-349