Titolo NapoliI.239Indizione V25 giugno 1382 Integrazione del titolo Indizione VData Indizione V25 giugno 1382 Indizione V Luogo NapoliPersone Carlo III d'Angiò Durazzo [re di Sicilia] Iardeno (de), Nicola [chierico coniugato] Bonifacio VIII [papa] Domino Saro (de), LisoloMerolinis (de), GentileDescrizione Karolus tertius etc. Capitaneis civitatis Surrenti suique districtus, vel eorum locatenentibus, nec non iudici et assessori ac actorum notario secum per nostram curiam deputatis, presentibus et futuris, fidelibus suis, gratiam etc. Veniens nuper ad maiestatis nostre presentiam Nicolaus de Iardeno de Surrento fidelis noster asseruit se nobis fore clericum coniugatum et est constitutione felicis recordationis sanctissimi in Christo patris et domini nostri Bonifacii pape octavi clericis talibus dummodo tonsuras et vestes deferat clericales certe fore privilegium immunitatis indultum, ita quod pro commissis ab eis excessibus, vel delictis trahi non possint criminaliter, vel civiliter ad iudicium seculare, nec per ipsum seculare iudicium pecunialem condemnationem exigi, tu tamen presens capitanee ad instantiam Lisuli Domini Sari de Surrento, pretextu cuiusdam instrumenti mutui unciarum duarum et tarenorum, quod habere se asserit contra dictum Nicolaum sibi dictum privilegium penitus non observans ipsum ad presens molestas et multipliciter inquietas contra tenorem privilegii supradicti in ipsius exponentis grave preiudicium et iacturam, propter quod suppliciter petiit ipsum sibi privilegium observari. Nos ergo quantum bono modo possumus facere volentes ecclesiastice libertate fidelitati vestre precipiendo mandamus quatenus si dictus Nicolaus sicut exposuit, clericus coniugatus et cum unica virgineque contraxit vivitque clericaliter ex se questibus et negotiationibus non immiscet et insuper si post commissum forte per eum antequam clericus fieret flagitium aliquod ad evitandum inde penam, tonsuram clericatus huiusmodi non assumpsit, vel abitum clericalem, constitutionem ipsam apostolicam introductam in favorem huiusmodi clericorum predicto Nicolao tenaciter, auctoritate presentium, observetis, revocaturi prorsus in irritum si quid contra eum forte ante foret in contrarium actentatum, ita quod vobis ulterius scribere non cogamur. Presentes autem licteras postquam eas in quantum fuerit expediens inspexeritis pro cautela restitui volumus presentanti, efficaciter in antea valituras. Datum Neapoli per nobilem virum Gentilem de Merolinis etc., anno Domini MCCCLXXXIII, die XXV iunii VI indictionis, regnorum nostrorum anno secundo. Bibliografia Archivio di Stato di Napoli, ms. Chioccarelli, De ritu magne curie vicarie, f. 44 a t. (trasc.); Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 97 a t. (not.); ivi, M. Chiarito, Repertorium et index regesti Caroli III signati 1382 et 1383, f. 48 (not.); Biblioteca nazionale di Napoli, ms. XI B 3 II numerazione, ff. 50-51 (trasc.); Società napoletana di storia patria, Carte Ricciardi, b. 1, n° 5 (not.). Segnatura precedente Reg. 359, f. 300 a t.