Titolo NapoliI.216Indizione V30 maggio 1382 Integrazione del titolo Indizione VData Indizione V30 maggio 1382 Indizione V Luogo NapoliPersone Carlo III d'Angiò Durazzo [re di Sicilia] Afraola (de), Domenico [frate domenicano e inquisitore] Orsini, Giovanni [conte di Manoppello, logoteta e protonotaro del regno, collaterale e consigliere] Enti GerusalemmeSiciliaProvenza e ForcalquierPiemonteDescrizione Karolus tertius Dei gratia rex Ierusalem et Sicilie, Provincie et Forcalquerii ac Pedimontis comes. Magistro iustitiario regni nostri Sicilie, iustitiariis, capitaneis, comitibus, baronibus eorumque vicariis, magistris iuratis, baiulis, iudicibus, viarum terrarumque custodibus, comestabulis, aliis officialibus et universis et singulis quocumque nomine censeantur presentibus et futuris ipsorumque locatenentibus vel ipsorum alii, seu aliis fidelibus suis, gratiam etc. Iniuncti nobis regiminis cura requirit ut adversus hostes fidei et in exterminium heretice pravitatis auctoritas nostra consurgat stetque promptissime contra perfidie vipereos et materni uteri corrosores et in iuditio et iustitia maleficos persequatur, qua quanto maiora divine nutu miserationis accepimus et altiorem locum obtinemus in terris tanto devotiora debemus obsequia gratitudinis conferenti contra quos tanquam reos lese maiestatis in personis et rebus eorum, immo iustius fortiusque ac gravius provocationi devotioni vestre sub obtentu gratie nostre ac pena amissionis bonorum omnium quanto possumus arctius precipimus quatenus religioso viro fratri Dominico de Afragola Ordinis Predicatorum, auctoritate apostolica inquisitori heretice pravitatis in toto regno Sicilie ordinato ad inquirendum dictos hereticos et heretica pravitate respersos et extirpandum ipsos de dicto regno et locis ipsius ad eius, vel nunciorum ipsius requisitionem quando et quantum sibi videbitur ferventer et sollicite favorem, auxilium et consilium impendatis capientes et custodientes ac fideliter et sub fida custodia ad deputatos carceres deducentes omnes utriusque sexus, homines cuiuscumque conditionis existant heretice pravitatis labe respersos, prout idem inquisitor, vel predicti nuncii vobis duxerint imponendum, quos etiam sibi, vel ipsius nunciis reddatis, vel liberetis, vel ad deputatos carceres fideliter deducatis, prout eidem inquisitori, vel eius nunciis videbitur oportunum, omnes etiam quos ad inquirendum et capiendum hereticos, vel contra eos aliquid agendum idem inquisitor aliquo destinaverit, vel secum duxerit equos ducere et arma deferre libere permictatis, nullam eis propter hoc directe, vel indirecte molestiam inferentes, sed eis et inquisitori predicto auxilium, consilium et favorem efficacissime impendatis eius sententias, quas in hereticos credentes fautores et receptatores eorum apostatas a fide catholica receptatores, fautores et defensores eorum, vel eos qui predictos a fide catholica temere averterunt, vel averterint in futurum, vel bona ipsorum cuiuscumque tulerit, sine tarditate qualibet studeatis executioni, omni humano timore postposito, demandare servantes insuper et servari facientes omnia et singula que duxerit iuxta tenorem statutorum apostolice sedis sive circa christianos, sive circa iudeos in favorem fidei catholice statuenda et quia nonnulli heretica pravitate respersi de hoc publice diffamati ac per officiales nostros de ipsius inquisitoris capti mandato adeo se contumaces exhibent quod de plano nec suum volunt profiteri errorem, nec manifestare alios infirmatos huiusmodi pravitate devotioni vestre precipimus quatenus ad requisitionem dicti inquisitoris omnes tales de ipso crimine publice diffamatos quod de se vel aliis veritas eligi valeat exponi tormentis aut questionibus faciatis et impendatis dicto inquisitori circa hec omnia auxilium quod poteritis et favorem ita quod in hoc Dei negocio nihil de contingentibus omittatur et cum dictus inquisitor per partes et loca dicti regni accessurus sit ad huiusmodi sibi commissum officium exercendum quem per alias nostras licteras exigentibus virtutibus sue devotionis in cappellanum et familiarem nostrum duximus recipiendum et aliorum cappellanorum et familiarium nostrorum consortio pariter admictendum devotioni vestre precipimus ut eidem inquisitori pro se ac sociis et familiaribus suis de securo conductu cum ab eo fueritis requisiti libenter et liberaliter providere curetis, ita quod hoc Dei negotium sine impedimento aliquo exequatur, taliter igitur mandatum huiusmodi nostrum ex intimo cordis nostri affectu preocedens, exequi studeatis, quod zelum vere fidei vos habere operis effectus ostendat ac offensam Dei et indignationem nostram nullatenus incurratis et predictus inquisitor per vestram negligenciam in executione dicti officii sibi commissi non impediatur, nec etiam retardetur, pro firmo scituri quod maiestatem nostram contra se graviter provocabit quicumque quod absit in premissis negligentiam commiserit, sive moram et penam nihilominus quam idem inquisitor propter hoc vobis universaliter, vel singulariter duxerit imponendam per se, aut alios nuncios speciales a vobis de bonis vestris exigi nostra curia procul dubio demandabit. Datum Neapoli, per virum magnificum Iohannem de Ursinis comitem Manupelli, logothetam et prothonotarium regni Sicilie, collateralem consiliarium et fidelem nostrum dilectum, anno Domini MCCCLXXXII, die penultimo maii Ve indictionis regnorum nostrorum anno primo. Bibliografia Archivio di Stato di Napoli, ms. Chioccarelli, vol. VIII, De sancto inquisitoris officio, ff. 30 a t.-31 a t. (trasc.); Biblioteca nazionale di Napoli, ms. XI C 6, f. 48 a t.-50 a t. (trasc.); ivi, ms. XI C 16, f. 21 (not.); ivi, ms. XI C 27, f. 286 (not.); ivi, ms. XI C 46, f. 40 a t. (not.); ivi, ms. XI D 17, f. 78 e a t. (not.); ivi, ms. brancacciano 11 B 10, f. 84 II numerazione (not.); Società napoletana di storia patria, ms. XXIV C 11, f. 25 a t. (not.); ivi, Carte Ricciardi, b. 1, n° 5 (not.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 21 (not.). Segnatura precedente Reg. 358, f. 249