Titolo NapoliI.014Indizione V10 marzo 1382 Integrazione del titolo Indizione VData Indizione V10 marzo 1382 Indizione V Luogo NapoliPersone Carlo III d'Angiò Durazzo [re di Sicilia] Orsini, Giovanni [conte di Manoppello, logoteta e protonotaro] Merolinis (de), Gentile [nobile, dottore di leggi, luogotenente del protonotaro e logotetao] Enti SiciliaPrincipato UltraBasilicataProvenza e ForcalquierPiemonteDescrizione Karolus tertius etc. Magistro iustitiario regni nostri Sicilie et iudicibus magne nostre curie, iustitiariis provinciarum Principatus Ultra et Basilicate, nec non iustitiariis, capitanei et officialibus aliis quibuscumque ac fungentibus officio presidatus per dictum regnum nostrum Sicilie constitutis ipsorumque locatenentibus, tam presentibus, quam futuris, fidelibus nostris gratiam et bonam voluntatem. Scire vos volumus quod cupientes more benigni patris cum subditis nostris benigne agere ac etiam gratiose nuper a maiestate nostra processit et emanavit super remissione et indulgentia generali edictum per omnia tenoris et continentie subsequentis: «Karolus tertius Dei gratia rex Ierusalem et Sicilie, Provincie et Forqualquerii ac Pedimontis comes. Universis presentis edicti et generalis indulti seriem inspecturis, tam presentibus, quam futuris. Clementia nostra in parcendo dignoscitur solum nostri culminis amor et nobis credit puplici fortius validatur etc. ut in alio quaterno latius continetur per totum etc. usque datum Neapoli, per manus viri magnifici Iohannis de Ursinis comitis Manupelli, logothete, prothonotarii regni Sicilie collateralis consiliarii et fidelis nostri dilecti, anno Domini millesimo CCCLXXXIIo, die X ianuarii V indictionis, regnorum nostrorum anno primo». Ab humilis itaque et devote supplicationis instantiam universitatis et hominum infrascriptarum civitatum et castrorum fidelium nostrorum noviter culmini nostro facte, videlicet civitatis Frequenti, civitatis Avellini, castri Candide et casalium eius, castri Solofre, castri Clusani, Castri Veteris, castri Paterni et castri Sancti Magni Alti de provincia Principatus Ultra ac castri Abriole et castri Titi de provincia Basilicate, vassallorum utique nobilis viri Iacobi Filangerii dilecti fidelis nostri volumus et fidelitati vestre harum serie de certa nostra scientia mandamus expresse quatenus tenore, seu forma huiusmodi indulti et remissionis nostre per vos, seu vestrum aliquem, aut aliquos diligenter attento et in omnibus efficaciter observato predictos universitatem et homines dictarum civitatum et castrorum, vel aliquam, seu aliquem ex eisdem generaliter et specialiter in personis, vel rebus et bonis eorum predictis in indulto ipso contentis contra ipsius tenorem seriem atque mentem, tam vos presentes officiales, quam vos successive facturi nullatenus molestetis impetatis, seu quomodolibet perturbetis, nec molestari impeti, seu turbari ab aliis officiorum vestrorum temporibus aliquatenus permictatis, quinimmo indultum ipsum universitatibus hominibus ipsis et cuilibet ipsarum, vel ipsorum iuxta ipsius tenorem tenaciter observetis et servari ab aliis quantum in vobis fuerit efficaciter faciatis nichilque contra predictas universitatem et homines curandum vel ipsarum, seu ipsorum alteram, seu alterum occasione predictorum dilictorum et criminum per eas, vel eos, seu ipsarum, vel ipsorum aliam, vel alium quomodolibet commissorum aliquatenus actentetis contra predicti indulti seriem et tenorem revocantes et annullantes ac etiam irritantes ex nunc prout ex tunc totum et quicquid per vos, vel vestrum aliquem, vel aliquos contra predictos universitates et homines ipsarum, vel earum, vel eorum aliquam, vel aliquem occasione predicta fuerit forsitan actentatum aut actentari contingat in futurum nulliusque existere volumus roboris, vel momenti presentes autem litteras post oportunam inspectionem earum remanere volumus presentanti, premisso modo, pro cautela in antea efficaciter valituras. Datum Neapoli, per virum nobilem Gentilem de Merolinis de Sulmona legum doctorem, protonotarii et locotete locumtenentem regni Sicilie etc., anno Domini millesimo CCCLXXXIIo, die decimo mensis martii V indictionis, regnorum nostrorum anno primo. Bibliografia  
Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 32 a t. (not.); ivi, not. di F. Scandone da C. De Lellis, Notamenta, vol. VII, p. 8; Biblioteca angelica di Roma, ms. Prignano 276 I, f. 32 (not.); Biblioteca nazionale di Napoli, ms. brancacciano IV B 15, f. 108 (not.); ivi, ms. brancacciano 11 F 13, f. 28 II numerazione (not.); Società napoletana di storia patria, Carte Ricciardi, b. 1, n° 5 (not.); E. Ricca, La nobiltà del Regno delle Due Sicilie, vol. I/I, Napoli 1859, pp. 71, 148, 376 (not.); Idem, Discorso genealogico della famiglia Filangieri, Napoli 1863, pp. 234-236 (trasc.); F. Scandone, Storia di Avellino, vol. II/II, Napoli 1950, p. 66 e CCLVI p. 267 (not.).
  Segnatura precedente Reg. 358, f. 38 a t.