Titolo LXXI.38
Karolus secundus etc. Notum facimus universis tenorem presencium inspecturis, tam presentibus, quam futuris, quod proviso ab olim per nos magistro Guillelmo de Sancto Dompnino dilecto fisico et familiari nostro propter grata servicia, que maiestati nostre prestiterat, prestabat tunc et prestari poterat in futurum de annuis viginti libris coronatorum ad vitam ipsius concessimus tunc ei ut proventus omnes et redditus subscriptorum bonorum curie nostre, videlicet proventus bastide balneorum civitatis Digne, proventus furni civitatis eiusdem ac molendini castri nostri de Oczeda et furni eiusdem castri, quorum valor annuus dictarum viginti librarum summam attingere dicebatur cunctis vite sue temporibus ex causa dicte provisionis ad opus suum recipere et habere deberet, cui etiam commissa tunc temporis custodia nemoris balneorum predicte civitatis Digne concessimus solvere ad vitam suam iura omnia banneriorum dictorum bastide et nemoris pro oneribus dicte custodie ipsius magistri Guillelmi utilitatibus applicanda. Subsequentur vero actenta obsequiositate placida, qua idem magister Guillelmus nobis assidue serviebat, nos pretactam provisionem nostram dictarum viginti librarum et rerum sibi pro eis assignatarum olim ad vitam suam, ut preponitur, gratiosius ampliantes predictos proventus et redditus dicto magistro Guillelmo et suis heredibus utriusque sexus ex suo corpore legitime descendentibus, natis iam et in antea nascituris et in perpetuum donamus, tradidimus et ex causa donacione proprii motus instinctu concessimus de liberalitate mera et gratia speciali, nunc quoque deducto in considerationis examine quod circa obsequiosa merita nostrorum fidelium munifice prosequenda liberalitatis nostre non errat intencio, si quo eos obsequiosiores et devociores inveniat uberioris illis gratie sinus pandat quodque crescentibus aput nos meritis magistri Guillelmi predicti crescere debent erga ipsum et premia, nos agentes ad huc gratiosius cum eodem predictos proventus bastide balneorum dicte civitatis Digne cum hominibus, nemore ceterisque iuribus et pertinenciis omnibus ipsius bastide ac proventus furni eiusdem civitatis Digne et molendini dicti castri de Oczeda necnon et furni eiusdem castri dicto magistro Guillelmo et predictis suis heredibus in perpetuum damus, donamus, tradimus et ex causa donacionis proprii motus instinctu libere de novo concedimus quantumcumque proventus et redditus ipsi dictarum viginti librarum annuum redditum forte transcendant, ita pro nullo utique tempore per nos, vel heredes et successores nostros, aut officiales curie nostre, dicto magistro Guillelmo vel predictis eius heredibus aliqua proponatur obiectio, vel molestia quelibet irrogetur, si quantitas proventuum et reddituum predictorum dictas annuas viginti libras, ut prefertur, excedat, quinimmo utantur illis et gaudeant in perpetuum cuiuscumque redditus sint et inantea fuerint libere, ut predicitur, et absque irrogacione molestie cuiuscumque, cum totum id quod excedens sit, vel fuerit, ultra viginti libras in redditibus et proventibus predistinctis dederimus, donaverimus et tradiderimus dicto magistro Guillelmo et predictis eius heredibus de certa scientia et gratia speciali, cui insuper magistro Guillelmo et predictis eius heredibus de pleniori gratia et certa similiter scientia indulgemur quod liceat eis absque mandato, vel consensu dicte curie nostre bona predistincta in toto, vel in parte distrahere, vendere, dare, legare, permutare, vel alienare pro velle dummodo distracio, seu vendicio, dacio, lagatum permutacio et alienacio huiusmodi non fiat clericis, set tantummodo personis fidelibus et dominio nostro subiectis. In quorum omnium fidem perpetuamque memoriam et predicti magistri Guillelmi ac dictorum heredum eius cautelam presens privilegium fieri et pendenti maiestatis nostre sigillo iussimus communiri, alio privilegio consimili concesso sibi sub eodem sigillo exinde ad cautelam. Actum Neapoli, presentibus viro nobili Iohanne de Monteforti, Squillacii et Montiscaveosi comite, regni Sicilie camerario, et Andrea de Ysernia iuris civilis professore, magne curie nostre magistro rationali, dilectis consiliariis, familiaribus et fidelibus nostris ac pluribus aliis. Datum ibidem per manus Bartholomei de Capua militis, apostolice sedis notarius, prothonotarius regni Sicilie et magistri rationalis, anno Domini M° CC° XCIIII°, die XVI° decembris VIIIe indictionis. Segnatura precedente Reg. 183, ff. 20, 26 e 31Altre copie Microfilm Perrat dal registro originale, trasc. di Alfredo Franco.
Contesto gerarchico
Ricostruzione dell'archivio della Cancelleria angioinaRegistri ricostruitiCancelleria di Carlo IIRegistrum privilegiorum.
Integrazione del titolo Indizione VIIIData 1294 dic. 16 Indizione VIII Luogo NapoliPersone Carlo II d'Angiò [re] San Donnino (de), Guglielmo [medico e familiare regio] Montfort (de), Giovanni [conte di Squillace e Montescaglioso, gran camerario del Regno, consigliere e familiare regio] Isernia (d'), Andrea [professore di diritto civile, maestro razionale della regia curia, consigliere e familiare regio] Capua (di), Bartolomeo [milite, notaio apostolico, protonotaro del Regno, maestro razionale] Enti SiciliaSquillace e MontescagliosoDescrizione [Pro magistro] Guillelmo [de Sancto Dompnino] fisico.Karolus secundus etc. Notum facimus universis tenorem presencium inspecturis, tam presentibus, quam futuris, quod proviso ab olim per nos magistro Guillelmo de Sancto Dompnino dilecto fisico et familiari nostro propter grata servicia, que maiestati nostre prestiterat, prestabat tunc et prestari poterat in futurum de annuis viginti libris coronatorum ad vitam ipsius concessimus tunc ei ut proventus omnes et redditus subscriptorum bonorum curie nostre, videlicet proventus bastide balneorum civitatis Digne, proventus furni civitatis eiusdem ac molendini castri nostri de Oczeda et furni eiusdem castri, quorum valor annuus dictarum viginti librarum summam attingere dicebatur cunctis vite sue temporibus ex causa dicte provisionis ad opus suum recipere et habere deberet, cui etiam commissa tunc temporis custodia nemoris balneorum predicte civitatis Digne concessimus solvere ad vitam suam iura omnia banneriorum dictorum bastide et nemoris pro oneribus dicte custodie ipsius magistri Guillelmi utilitatibus applicanda. Subsequentur vero actenta obsequiositate placida, qua idem magister Guillelmus nobis assidue serviebat, nos pretactam provisionem nostram dictarum viginti librarum et rerum sibi pro eis assignatarum olim ad vitam suam, ut preponitur, gratiosius ampliantes predictos proventus et redditus dicto magistro Guillelmo et suis heredibus utriusque sexus ex suo corpore legitime descendentibus, natis iam et in antea nascituris et in perpetuum donamus, tradidimus et ex causa donacione proprii motus instinctu concessimus de liberalitate mera et gratia speciali, nunc quoque deducto in considerationis examine quod circa obsequiosa merita nostrorum fidelium munifice prosequenda liberalitatis nostre non errat intencio, si quo eos obsequiosiores et devociores inveniat uberioris illis gratie sinus pandat quodque crescentibus aput nos meritis magistri Guillelmi predicti crescere debent erga ipsum et premia, nos agentes ad huc gratiosius cum eodem predictos proventus bastide balneorum dicte civitatis Digne cum hominibus, nemore ceterisque iuribus et pertinenciis omnibus ipsius bastide ac proventus furni eiusdem civitatis Digne et molendini dicti castri de Oczeda necnon et furni eiusdem castri dicto magistro Guillelmo et predictis suis heredibus in perpetuum damus, donamus, tradimus et ex causa donacionis proprii motus instinctu libere de novo concedimus quantumcumque proventus et redditus ipsi dictarum viginti librarum annuum redditum forte transcendant, ita pro nullo utique tempore per nos, vel heredes et successores nostros, aut officiales curie nostre, dicto magistro Guillelmo vel predictis eius heredibus aliqua proponatur obiectio, vel molestia quelibet irrogetur, si quantitas proventuum et reddituum predictorum dictas annuas viginti libras, ut prefertur, excedat, quinimmo utantur illis et gaudeant in perpetuum cuiuscumque redditus sint et inantea fuerint libere, ut predicitur, et absque irrogacione molestie cuiuscumque, cum totum id quod excedens sit, vel fuerit, ultra viginti libras in redditibus et proventibus predistinctis dederimus, donaverimus et tradiderimus dicto magistro Guillelmo et predictis eius heredibus de certa scientia et gratia speciali, cui insuper magistro Guillelmo et predictis eius heredibus de pleniori gratia et certa similiter scientia indulgemur quod liceat eis absque mandato, vel consensu dicte curie nostre bona predistincta in toto, vel in parte distrahere, vendere, dare, legare, permutare, vel alienare pro velle dummodo distracio, seu vendicio, dacio, lagatum permutacio et alienacio huiusmodi non fiat clericis, set tantummodo personis fidelibus et dominio nostro subiectis. In quorum omnium fidem perpetuamque memoriam et predicti magistri Guillelmi ac dictorum heredum eius cautelam presens privilegium fieri et pendenti maiestatis nostre sigillo iussimus communiri, alio privilegio consimili concesso sibi sub eodem sigillo exinde ad cautelam. Actum Neapoli, presentibus viro nobili Iohanne de Monteforti, Squillacii et Montiscaveosi comite, regni Sicilie camerario, et Andrea de Ysernia iuris civilis professore, magne curie nostre magistro rationali, dilectis consiliariis, familiaribus et fidelibus nostris ac pluribus aliis. Datum ibidem per manus Bartholomei de Capua militis, apostolice sedis notarius, prothonotarius regni Sicilie et magistri rationalis, anno Domini M° CC° XCIIII°, die XVI° decembris VIIIe indictionis. Segnatura precedente Reg. 183, ff. 20, 26 e 31Altre copie Microfilm Perrat dal registro originale, trasc. di Alfredo Franco.
xDams O.S. - ID scheda: IT-xDams-accademiapontaniana-ST0001-000498