Titolo LXXI.09 Integrazione del titolo Indizione VIIIData 1294 set. 20 Indizione VIII Luogo L'AquilaPersone Celestino V [papa] Capua (di), Bartolomeo [milite, notaio apostilico, protonotaro e maestro razionale del Regno] Ponciac (de), Guglielmo [milite, consigliere e familiare regio] Atri (d'), Matteo [maestro razionale della regia curia, milite, consigliere e familiare regio] Avellis (de), Rinaldo [grande ammiraglio del Regno, milite, consigliere e familiare regio] Carlo II d'Angiò [re] Enti SiciliaDescrizione Pro domino papa et monasteriis suis.
Karolus secundus etc. Universis presens privilegium inspecturis, tam presentibus, quam futuris. Si benemeritis singulis providere principem obsequiorum quodammodo gratitudo compellit potius tamen circa Ecclesias illius munificentia largitatis exhuberet ubi laudanda contemplacio divine pietatis occurrit. Actendentes igitur sacre religionis observantiam, qua virtutum Domino famulantur fratres monasteriorum Sancti Benedicti sub institutis sanctissimi patris et domini nostri domini Celestini sacrosancte Romane Ecclesie summi pontificis, dudum fratris Petri de Murrone vocati, ac volentes ipsius divine pietatis intuitu ac consideratione prefati domini summi pontificis, cuius institutione et intitulatione relucent gratiam facere specialem omnibus et singulis monasteriis ipsis et grangiis ac locis aliis eorumdem, que nunc sunt in regno nostro Sicilie et in futurum quocumque tempore erunt, presencium tenore concedimus de liberalitate mera et ex certa nostra scientia et instinctu proprio gratiosius indulgemus quod eorum animalia in locis, territoriis et tenimentis nostri demanii, ubique per regnum nostrum Sicilie pascua aquam libere sumere valeant, nullo ab eis herbatico, acquatico, carnagio, affidatura, seu quocumque alio dirictu proinde curie nostre debita aliquatenus exigendo, concedimus insuper gratiose ... abbatibus et conventibus aliisque personis monasteriorum ipsorum et grangiarum ipsarum et aliorum locorum eorumdem monasteriorum presentibus et futuris licentiam et plenariam potestatem incidi et incidi faciendi in forestis nostris sitis ubicumque per regnum predictum et abinde asportandi, absque iure forestagii, vel alio proinde eidem nostre curie debito, ligna sicca et mortua pro usu aliisque necessitatibus eorumdem. In cuius rei testimonium perpetuamque memoriam et monasteriorum, grangiarum et aliorum locorum ipsorum cautelam presens privilegium exinde fieri et pendenti sigillo maiestatis nostre iussimus communiri, alio privilegio consimili sub aurea bulla maiestatis nostre impressa tipario concesso exinde ad cautelam. Actum Aquile, presentibus Raynaldo de Avellis regni nostre Sicilie amirato, Matheo de Adria magne nostre curie magistro rationali et Guillelmo de Ponciaco militibus, dilectis consiliariis, familiaribus et fidelibus nostris et pluribus aliis. Datum ibidem per manus Bartholomei de Capua militis, domini pape notarii, prothonotarii ac magistri rationalis regni Sicilie, anno Domini millesimo ducentesimo nonagesimo quarto, die vicesimo septembris octave indictionis, regnorum nostrorum anno decimo. Segnatura precedente Reg. 67, f. 2 a t.; reg. 77, ff. 4, 6 a t., 58, 64Altre copie B. Cantèra, "Cenni storico-biografici risguardanti S. Pier Celestino", Napoli 1892, pp. 57-58.