Titolo Add. 8 Integrazione del titolo III indizioneData 1290 apr. 28 III indizione Luogo MontpellierPersone Alfonso III [re d'Aragona] Rasinis de, GiovanniRibaldo, GiacomoGesta, GiovanniDalmeo, PietroFontanella, PonzioDescrizione Scriptum est domino Alfonso de Aragona etc. Constitutus in presentia nostra Iohannes de Rasinis de Gaieta fidelis noster lacrimosis exposuit coram nobis et universitas civitatis Gaiete celsitudini nostre per suas supplices litteras nuntiavit quod dum Iohannes ipse olim infra tempus treuguarum inter nos et vos initarum de mense septembris proximo nunc transacto in quodam ligno cum suis mercibus per mare prope Sardiniam navigaret Iacobus Ribaldus, Iohannes Gesta, Petrus Dalmeus et Pontius Fontanella habitatores insule Maioricarum stipati aliorum plurimum comitiva cum quodam galeone armato insilientes in Iohannem eundem et lignum in quo ipse sicut predicitur navigabat illud impar viribus violenter ceperunt et captum bonis omnibus spoliarunt, disrobantes Iohannem eundem pecunia, robba, armis, mercibus et rebus aliis valentibus usque ad summam quatringentorum florenorum auri et ultra, quapropter amicitiam et consanguinitatem vestram carissimam requirimus et rogamus quatenus disrobatores et dampna prefata sic faciatis eisdem Iohanni dampna passo portitori presentium integraliter emendari quod bona fides quam inter nos in treugis eisdem sacramentum et verbo promisimus vero ledatur et quod nitentibus quibuslibet in contrarium refrenatis cesset omnis turbationis materia et occasio scandali refrenatur cum nos in similibus ad requisitionem vestram pro vobis facere intendamus. Quicquid autem super hiis magnitudo vestra duxerit faciendum, vestra vobis quesumus significet littera responsalis. Datum aput Montem Pensulani, die XXVIII° aprilis IIIe indictionis. Bibliografia R.C.A. vol. XXXV, reg. 281 p. 113 (trasc. parziale) Segnatura precedente R.A. 52, f. 141Localizzazione Monaco di Baviera, Monumenta Germaniae Historica, Archiv, K 123 IX 4, f. 141 [posizione fisica]