Titolo Add. 5 Integrazione del titolo III indizioneData 1290 apr. III indizione Descrizione Nos eorundem tractatuum et negociorum pacis consumationem felicem et celerem votis cum eodem domino Alfonso paribus cupientes ac de iustis et collocutionibus voluntate huiusmodi cum eo concurrentes eadem bona fide pro nobis ac magnifico principe domino Iacobo rege Maioricarum illustri consanguineo nostro ac omnibus et singulis amicis, devotis, fidelibus, adiutoribus, valitoribus et gente nostris et ipsius domini Iacobi regis Maioricarum guidamus et assecuramus ac conducimus illustrem dominum Alfonsum predictum ac omnes et singulas personas ecclesiasticas et seculares cuiuscumque ordinis dignitatis, conditionis et status existant venientes cum eodem illustri domino Alfonso, cum omnibus et singulis, familia, animalibus, rebus et bonis predicti illustris domini Alfonsi et predictarum personarum ac cuiuslibet eorundem per totam terram posse et districtum nostram et eiusdem domini Iacobi regis Maioricarum in veniendo, stando, morando et redeundo de Figeria usque ad nostram presentiam et in nostri presentia ac a nostra presentia usque ad Figeriam prout melius et rectius intelligi potest ad bonum et sanum intellectum predictorum illustris domini Alfonsi et nunciorum suorum et cuiuslibet eorundem et huiusmodi guidaticum, assecuramentum et conductum eisdem illustri dompno Alfonso et omnibus ac singulis personis venientibus cum eodem et ipsius illustris domini Alfonsi personis, familiis, animalibus, rebus ac bonis omnibus et singulis facere adimplere et servare promittimus bona fide tam per nos quam per eundem dominum Iacobum regem Maioricarum illustrem, forma vero predictarum vistarum talis est videlicet quod incipiantur dicte viste die veneris proximo ventura que erit XI° kalendas madii hoc modo quod idem dominus Alfonsus sit ibidem dicta die veneris hora tercie, vel circa cum duodecim hominibus militibus, vel aliis in equis sine armis cum ensibus tamen et cultellis et decem inter prelatos, religiosos et clericos seculares sine armis cum ensibus et cultellis si portare voluerint et nos simus similiter ibidem dicta die et hora predicta, vel circa cum XIIcim hominibus, militibus, vel aliis in equis, sine armis cum ensibus tamen et cultellis et decem sint prelatos, religiosos et clericos seculares sine armis cum ensibus tamen et cultellis si portare voluerint et nulla alia persona sequatur et ipsum dominum Alfonsum, vel suos, aut nos et nostros volumus eciam et concedimus quod preter predictos duodecim milites, seu equites et decem inter prelatos, religiosos et clericos cuiuslibet partis decem homines, milites, vel in equis, sine armis, exceptis ensibus et cultellis ex parte predicti illustris domini Alfonsi et alii decem ex parte nostra in equis et sine armis, exceptis ensibus et cultellis, sint ad discoperiendum et perquirendum loca, que sunt circumcirca locum predictum in quo viste predicte debent haberi, ita quod illi decem, qui ex parte dicti domini Alfonsi fuerint assignati, inquirant et videant loca que sunt versus fortitudinem que dicitur Bellagarda utrum ibi fuerint aliqui in incidiis positi et illi decem qui eligent et assignabuntur per nos inquirant et videant loca que sunt versus castrum de Montroit utrum fuerint ibi aliqui in insidiis positis, volumus eciam et concedimus quod nulle alie persone, equites, vel pedites, armate, vel inermes ex parte nostra et dicti domini Icobi regis Maioricarum transeant ultra locum de Bellagarda prescriptum versus Iunkeriam et quod nulle persone equites, vel pedites armati, vel inermes ex parte domini Alfonsi predicti terras eant ultra castrum de Montroit supradictum versus Iunkeriam liceat tamen dicto domino Alfonso et vobis postquam fuerimus in podio supradicto ubi viste debent haberi discurrere per locum predictum et circa ipsum prout ei et vobis videbitur expedire vero tamen cum maiori, vel alia comitiva quam cum ea que superius continetur, concedentes eciam ac volentes quod si forte contingeret quod de voluntate dicti domini Alfonsi et nostra locus assignatus superius pro vistis habendis ratione tractatus pacis predicti mutaretur quod eodem guidaticum, securitas et contractus ac omnia et singula suprascripta durent et sint in suo robore ubique usque ad terminum supradictum et si post dictas vistas infra tempus predictum nuncii hinc inde mitterentur quod vadant sint et redeant salvi et securi cum omnibus equitaturis, familiis et aliis eorum rebus sub guidatico, ducatu et assecuramento predictis et tactis corporaliter Dei Evangeliis sacrosanctis iuramus in manibus predictorum nunciorum illustris domini Alfonsi pro hiis et aliis ad nos per ipsum dominum Alfonsum specialiter transmissorum et notam infrascripti recipientium nomine et loco predicti domini Alfonsi et aliorum omnium quorum interest et intererit et poterit interesse et specialiter omnium venientium cum eodem domino Alfonso et quolibet eorundem ad maiorem quoque securitatem et robur predictorum guidatici securitatis et conductus ac omnium aliorum predictorum pro nobis et dicto domino Iacobo regi Maioricarum ac nostris et ipsius regis Maioricarum amicis, devotis, fidelibus, sequacibus, adiutoribus, valitoribus et gente sub sacramento prefato damus et concedimus ac facimus bonam, puram ac firmam treuguarum illustri domino Alfonso prescripto pro se ac omnibus et singulis amicis, devotis, fidelibus, sequacibus, adiutoribus, valitoribus et gente suis et cuilibet eorundem et nichilominus ad maiorem firmitatem et securitatem omnium predictorum volumus et mandamus infrascriptis baronibus, militibus et subditis nostris quod faciant predicto nobili Berengario de Podio Viridi militi ad hoc per predictum dominum Alfonsum specialiter destinato recipiente, vice et nomine illustris domini Alfonsi prescripti pro predictis omnibus et singulis a nobis et dicto domino Iacobo rege Maioricarum fideliter adinplendis ac inviolabiliter observandis homagium et eciam sacramentum. Requirentes nichilominus et rogantes expresse predictum dominum Iacobum regem Maioricarum illustrem quod ipse de dictis guidatico assecuratione, conductu et treugua ac amicos et subditos, seguaces, valitores et gentem suos faciendis et servandis eisdem domino Alfonso ac omnibus et singulis amicis, sequacibus, adiutoribus, valitoribus et gente suis ac aliis venientibus cum eodem prefato Berengario de Podio Viridi recipienti pro eodem domino Alfonso et suis site sicut nos fecimus faciant iuramentum mandetque suis subditis inferius annotatis quod simile prefatis baronibus, militibus et subditis nostris eidem Berengario de Podio Viridi recipienti ut supra homagium faciant et prestent etiam iuramentum unde vos Iacobus Dei gratia rex Maioricarum, comes Russilioni et Cerratanie ac dominus Montispensulani ad preces et requisitionem eiusdem domini regis Karoli carissimi consanguinei nostri de predictis guidatico, assecuratione, conductu et treuga per nos subditos, sequaces, amicos, valitores et gentes nostros faciendis et servandis domino Alfonso prefato illustri nepoti nostro suisque sequacibus, amicis et valitoribus in locis et temporibus supradictis tam supra quam infra simile sacramentum prout prestitit idem dominus rex Karolus, tactis corporaliter Dei Evangeliis sacrosanctis facimus et prestamus et mandamus infrascriptis baronibus, militibus et subditis nostris quod eidem Berengario de Podio Viridi recipienti nomine domini Alfonsi prefati simile homagium ac iuramentum prestent et facient prout prestiterunt, prestant et prestabunt, fecerunt, faciunt et facient barones, milites et subditi domini regis Karoli supradicti nos autem Iohannes de Bullasio Senior, Oddo Pollicenus, Iohannes Scoctus, Hugo de Visinis, Riccardo de Nobrans, Berardus de Sancto Georgio, Iohannes de Franco, Riccavus de Alamannono, Raymundus de Agoto, Matheus de Adria, Gerardus de Genefra, Erneus de Caprosia, Iohannes de Rivello, Isnardus de Pontenet, Oddo de Tussiaco, Iohannes Mallardus, Petrus Sactayo, Iohannes de Belloloco, Iohannes de Moliens, Petrus Limonnono, Guilellmus Bosco et Guillelmus de Almel milites, familiares, subditi et fideles predicti domini nostri regis Karoli de voluntate et expresso mandato ipsius. Nos vero Raymundus de Ergis, Petrus de Gardia, Petrus Fenulleto, Guillelmus de Sono Emular, Iacobus de Moredine, Aymericus de Pultro Vicino, Berengarius de Ulmis, Guillelmus de Podio Ufila, Petrus de Calidis, Arnaldus Baiuli, Pontius de Alamanone, Petrus Retunde, Thorrius Bonihominus, Guillelmus Homo Dei, Petrinianus Rome, Guillelmus Saliecti, Guillelmus de Codeloto, Vitalis Grimaldi, Guillelmus de Castilione, Bernardus de Aldiarde et Arnaldus Burgeti de Perpiniano subditi et fideles ipsius domini Iacobi regis Maioricarum de voluntate et expresso mandato ipsius facimus dicto nobili Berengario de Podio Viridi recipienti vice et loco ac nomine dicti domini Alfonsi illustris homagium ore et manibus comendatum et tactis corporaliter sacrosanctis quatuor Dei Evangeliis in manibus nobilis Berengarii et notarii infrascripti recipientium nomine et vice quibus supra iuramus et per dictum sacramentum et sub homagio predicto et sub obligatione bonorum nostrorum presentium et futurorum promittimus nos facturos et cupituros bona fide et legalitate quod iidem domini Ierusalem et Sicilie ac Maioricarum reges et gentes eorum ac nos cum eis et eciam sine eis servabimus et faciemus inviolabiliter conservari prefatam treugam noviter nunc concessam et guidaticum ac conductum et omnia et singula supradicta sine fraude et macchinatione aliqua et calliditate prout superius sunt expressa et si forte quod Deus avertat aliqua vel aliqui nostrum aut alique alie persone ut superius declaratur contra predicta facerent vel predictum dominum Alfonsum illustrem aut aliquem, seu aliquos de suis, vel res eorum, aut alicuius ipsorum offenderent vel gravarent contra ea que superius continentur, nos in continenti ponemus nos defensioni eorum et defendemus ipsos et eorum res pro posse nostro et, si contra prescripta fecerimus, simus proditores, bansatores et periuri probati, sola ostentione presentis publici instrumenti, nec possimus nos defendere per parim vel similem aliquo a[..]norum genere nec aliqua alia probatione, item ad maiorem cautelam omnium predictorum nos Raymundus abbas monasterii Sancti Victoris Massiliensis, Berengarius abbas monasterii Sancti Michaelis, Bernardus abbas monasterii de Sinaqua, Raymundus de Pollano, Ardridus fenulleti in Ecclesia Narbonensi, Adam de Tussiaco canonicus Carnotensis, Stephano de Sancto Georgio canonicus Soranus, Girardus de Prea clericus et Martinus de Ernencuria Sicca canonicus Andegavensi, ad requisitionem prefati domini Karoli Ierusalem et Sicilie regis illustris, tactis sacrosanctis quatuor Dei Evangeliis, iuramus nos nescire aliquam fraudem, machinationem seu calliditatem in predictis et si sciverimus in futurum durantibus treuga et securitate predictis proposse impediremus eandem et parti contra quem fieret intimabimus statim et nos prefati Ierusalem et Sicilie ac Maioricarum reges, si contra prescripta, vel aliquod predictorum faceremus aut fieri faceremus, seu permittemus, volumus eadem pena teneri qua se obligarunt barones et milites supradicti, item volumus et concedimus quod presens nostrum guidaticum assecuratis et conductus et treuga durent ab hac die usque ad diem dominicam proximam et eb eadem die dominica usque ad quindecim dies inclusive ex tunc proxime et continue subsequentes et vero ultra nisi forte dictus dominus Alfonsus illustris et nos de communi voluntate ea in totum, vel in parte voluerimus renovare, in dicta autem treuga, securitate et conductu per vos nobis datis intelligimus illustrem dominum regem Francie et totam eciam gentem suam a ripa maris usque ad collem de Ares quod per dictum dominum regem Francie vel suos, aut valitores eiusdem infra predictum terminum contra predicta vel aliquo predictorum vero inferet nobis aut nostri, vel valitoribus nostris dampnum aliquod, seu gravamen. In quorum omnium testimonium presens publicum instrumentum sigillis nostrorum predictorum regum, necnon sigillis infrascriptorum dominorum Iohannis de Bullasio Senioris, Oddonis Polliceni, Iohannis Scocti, Hugonis de Vicinis, Riccardi de Niblans, Riccardus de Sancto Georgio, Riccavum de Alamannono, Raymundi de Agoto, Mathei de Adria, Girardi de Genefra, Ernei de Caprosia, Iohannes de Rivello, Isnardus de Ponteites, Ottonis de Plesiaco, Iohannis Maliardi, Petri de Saltayo, Iohannis de Belloioco, Iohannis de Moliens, Petri Somamiensis, Iohannis de Franco, Guillelmi de Bosco et Guillelmi de Anel militum et magistri Stephani de Sancto Georgio clerici iussimus fecimus communiri. Segnatura precedente R.A. 52, ff. 163 a t.-165Localizzazione Monaco di Baviera, Monumenta Germaniae Historica, Archiv, K 123 IX 4, ff. 115, 119-129 [posizione fisica]