Titolo Add. 4 Integrazione del titolo III indizioneData 1290 apr. 03 III indizione Luogo NarbonaPersone Carlo II d'Angiò [re di Sicilia] Puyvert de, BerengarioRipellia de, Raaimondo [frate ospitaliere] Alfonso [re d'Aragona] Filippo [re di Francia] Giacomo [re di Maiorca] Descrizione Karolus secundus Dei gratia etc. Tenore presentium notum facimus universis quod nos nobiles viros Berengarium de Podio Viridi ac fratrem Raymundum de Ripellia Ordinis Hospitalis Sancti Iohannis Ierosolimitani nuncios serenissimi principis domini Alfonsi regis Aragonum illustris, carissimi consangunei nostri, qui ad nostram presentiam iam venerunt et tam ipsos quam quoslibet alios eiusdem regis nuncios, qui pro eius parte ad nos quamdiu in Perpinianum, vel quibuscumque partibus comunitatus Russilionis manserimus venerint cuiuscumque religionis ordinis dignitatis conditionis et status fuerint cum familiis, animalibus, rebus et bonis quas et que secum duxerint et portaverint, assecuramus, guidamus et conducimus pro parte Ecclesie Romane ac serenissimorum dominorum Philippi Francorum domini et Iacobi Maioricarum regum illustrium, carissimorum consaguineorum nostrorum, et nostra tam pro ipsis gente valitoribus et sequacibus eorum et cuiuslibet eorundem, quam pro nobis gente, valitoribus, sequacibus nostris in veniendo, morando, proponendo, allegando, redeundo semel et pluries generaliter et singulariter insimul et divisim, prout melius potest intelligi ad ipsorum nunciorum bonum et sanum intellectum, requirentes comites, vicecomites, barones, milites, officiales ac universos et singulos amicos et devotos et subditos nostros ipsisque districtius iniungentes quatinus prefatis nunciis omnibus et singulis eorumque familiis, animalibus, rebus et bonis nullum prorsus impedimentum, vel contrarium puplicum, vel occultum in veniendo, morando, redeundo prestent aut inferant ut prestari aut inferri permittant ymo ipsis nunciis familiis, rebus, eorum omnibus de securo guidatico provideant et conductu. Presentibus autem post dies viginti minime valituris. Datum Narbone, die III° aprilis IIIe indictionis. Segnatura precedente R.A. 52, f. 160 a t.Localizzazione Monaco di Baviera, Monumenta Germaniae Historica, Archiv, K 123 IX 4, f. 105 [posizione fisica]