Titolo Add. 2 Integrazione del titolo III indizioneData 1290 mag. 16 III indizione Persone Carlo II d'Angiò [re di Sicilia] Carlo I d'Angiò [re di Sicilia] Niccolò IV [papa] Enti RomaDescrizione Scriptum est domino pape etc. Nuper a sanctitate vestra obtinui litteras tenoris et continencie subsequentis: «N(icolaus) episcopus etc. Carissimo in Christo filio Carolo regi Sicilie illustri etc. Per nuncios tuos nobis devocios supplicasti ut cum XXIIII milia unciarum ad generale pondus regni Sicilie pro tribus annis preteritis per te nobis et Ecclesie Romane debita pro censu regni prefati nec non et alia octo milia unciarum ad idem pondus que pro eodem censu racione anni presentis in festo Beati Petri futuri proximo per te debebuntur eidem Ecclesie debito tempore solvere se posse diffidas variis negociis et expensarum oneribus in peditus prorogare terminum solucionis dictarum triginta duorum milium unciarum tibi usque ad certi temporis spacium de speciali gratia curaremus, nos itaque impedimentorum tuorum conscii et onerum vero ignari super illis paterno tibi compacientes affectu, terminum solucionis prefatarum XXXIII unciarum census eiusdem in predicto festo futuro proximo nobis et eidem Ecclesie solvendarum usque ad aliud festum Beati Petri secundo venturum quod erit anno Domini millesimo ducentesimo nonagesimo primo ad tue petitoris instanciam prorogamus de fratrum nostrorum consilio et assensu, ita tamen quod per petitionem et concessionem prorogationis huismodi, conditiones et conventiones habite inter Romanam Ecclesiam clare memorie Carolum regem Sicilie patrem tuum et te nullam prorsus innovationis variationem sentiant nec immutationis dispendium paciant set in sua semper permaneant firmitate, ceterum volumus quod si huiusmodi supplicationem tuam et prorogationem nostram ratas huius super hoc patentes litteras tuas harum seriem continentes aurea tua bulla munitas nobis ad Ecclesie Romane cautelam dilatione cessante debeas exhibere alioquin prorogatio huiusmodi nullius penitus sit roboris vel momenti. Datum Rome, apud Sanctam Mariam Maiorem, III° kalendas maii, pontificatus nostri anno III°». Ego igitur pie paterne et domine pro tanta ratia beatitudini nostre ad gratiarum me actiones inclinans ac omnibus et singulis in suprascriptis litteris vestris contentis assenciens sic ad vos et sanctissimam matrem meam in hiis et aliis Dei fultus auxilio me habebo Ecclesiam quod devotioni mee patentibus incrementis in conspectu Dei et hominum reddar ipsius munere gratiosus in predictorum autem testimonium et cautelam presens scriptum exinde confici feci et aurea bulla regie maiestatis impressa typario communiri. Actum et datum anno Domini M°CC°LXXXX°, die XVI° maii IIIe indictionis. Segnatura precedente R.A. 52, f. 131 a t.Localizzazione Monaco di Baviera, Monumenta Germaniae Historica, Archiv, K 123 IX 4, ff. 145-47 [posizione fisica]