Titolo Add. 1 Integrazione del titolo III indizioneData 1290 mar. 03 III indizione Luogo NarbonaPersone Carlo II d'Angiò [re di Sicilia] Sury de, Pietro [milite] Giacomo figlio del re di AragonaSpinola, Porchetto [frate minore] Oria d', Vincenzo [frate minore] Descrizione Karolus secundus etc. Nobili viro Petro de Suria militi etc. Cum sit nostra totalis intentio procurare sic omnibus modis et facere quod civitatem Ianue per commune in toto quod habet et habere potest navali subsidio habeamus in nostrum publicum auxilium et iuvamen contra dompnum Iacobum natum quondam patri olim regis Aragonum et alios sequaces ipsius qui insulam nostram Sicilie et alias certas terras citra farum in Calabria et aliis partibus regni nostri Sicilie detinent occupatas eo quod nullam aliam paratiorem viam ad recuperandas predictam insulam et terras nobis esse cognoscimus quam si potentiam civitatis Ianue in nostrum perfecte subsidium habeamus, de fide, industria et sapientia tua gerentes fiduciam pleniorem te procuratorem nostrum et nuncium statuimus specialem ad eundum personaliter Ianuam et tractandum, procurandum et ordinandum ibidem nomine et pro parte nostra quomodo certos homines de civitate predicta possis ad partem et voluntatem nostram aducere ut ipsis facientibus eandem civitatem Ianue per commune habere possimus contra prefatum dompnum Iacobum et eius sequaces in nostrum subsidium et iuvamen et quod pro recuperacione ipsius insule ac aliarum terrarum nostrarum dicti certi homines tam per se ipsos amicos et consanguineos eorum, quam per commune civitati predicte, ad habendum navale subsidium dabunt nobis iuvamen et auxilium supradicta tempore suo a nobis fuerint requisiti, volumus eciam et presencium tibi tenore committimus quod eis quos ad predicta facienda aducere poteris nomine ac pro parte nostra possis annuos redditus promittere, concedere ac donare usque ad summam unciarum auri quingentarum per annum in pecuniam et exitura quorumcumque victualium, seu rerum de quocumque portu tocius insule nostre Sicilie ac concessione aliarum libertatum quarumcumque, seu franchisiarum in tota dicta insula, vel in terra aliqua insule memorate, vel certam quantitatem pecunie manualiter exolvendam et quod donationem, seu concessionem, vel promissionem predictas usque ad dictam summam turonensium quingentarum unciarum auri possis facere predictis certis hominibus cuilibet per se de certa quantitate redditus in pecuniam, vel de certa exitura victualium, seu rerum in locis predictis ac certis aliis libertatibus quibuscumque ita quod simul omnibus computatis dicta quantitas reddituum facienda in pecunia exitura et libertatibus aliis, ut est dictum, predictam summam .Vc. unciarum aliquatenus non excedat et post hoc tibi concedimus de certa quantitate pecunie manualiter exolvenda prout ad honorem et exaltationem nostram tibi melius videbitur expedire, ita tamen quod illi, seu ille cui, vel quibus unum quodcumque ex predictis duxeris concedendum eisdem, vel eidem in nullo reliquorum aliquatenus providebis, nec alicui, vel aliquibus, cui, vel quibus esset per nos, vel de mandato nostro alias iam provisum concedimus eciam et tibi tradimus plenariam potestatem ut concessiones et donationes predictas in perpetuum facies prout tibi videbitur melius faciendum et quia de fratre Porchecto Spinula et fratre Vincencio de Auria de Ianua Ordinis Minorum consiliariis et cappellanis nostris dilectis in precunctis ab experto gerimus fiduciam specialem volumus et mandamus quod ad omnia et singula tractanda et procuranda et ordinanda per te in civitate prefata modo superius declarato tractes, procures et ordines, promittas, concedas et dones de ipsorum consilio, ita quod vos omnes tres simul ad ipsa omnia sitis unanimes et concordes, nec unus sine duobus, vel duo sine tercio, de predictis aliquid finaliter terminetis insuper quia hominum ipsius terre personas cum quibus predicta habes, tractare, procurare et ordinare ac quibus concedere, donare et promittere debeas in civitate prefata penitus ignoramus, discrettioni tue predicta committimus ut una cum predictorum fratrum consilio personas ipsas eligas et procures, faces sua nobis sint utiles et ad predictam concurrant tibi et dictis fratribus prout promiserint votis nostris, nos enim tenore presencium promittimus bona fide omnibus et singulis illis quibus modo prefato pro parte nostra per te aliquid promissum concessum fuerit sine [...] gratum habere totaliter et acceptum ac eis et eorum cuilibet cum ab eis requisiti fuerimus, vel pro parte ipsorum patentes nostras facere litteras speciales et illis quibus certam pecuniam manualiter exolvendum promissis, sine contradictione qualibet exolvemus in loco, termino per te ac predictos fratres Porchectum et Vincencium ordinato. In cuius rei testimonium presentes patentes litteras nostras exinde fieri et pendenti sigillo maiestatis nostre iussimus communiri. Datum Narbone, anno Domini MoCCoLXXXXo, die IIIo mensis marcii IIIe indictionis, regnorum nostrorum anno sexto. Bibliografia R.C.A. vol. XXXIII, reg. XVIII, 16 p. 44 (regesto) Segnatura precedente R.A. 52, f. 130 a t.Localizzazione Monaco di Baviera, Monumenta Germaniae Historica, Archiv, K 123 IX 4, ff. 83-87 [posizione fisica]