Titolo Add. 1 Integrazione del titolo IV indizioneData 1276 gen. 27 IV indizione Luogo CapuaPersone Carlo I d'Angiò [re di Sicilia] Artois de, Roberto [conte] Enti giustizierato di Abruzzogiustizierato di Terra di Lavoro e Contado di Molisegiustizierato di Principato e Terra Beneventanagiustizierato di CapitanataDescrizione Scriptum est statutis in Sancto Germano super recipienda monstra baronum et pheudotariorum regis etc. A domino rege recepimus litteras continentie talis: «Karolus Dei gratia rex Sicilie etc. Magnifico viro R(oberto) comiti Atrebatensi. [Cum] nos diligenti meditatione prehabita omnes barones et pheudatarios tam Ultramontanos, quam Citramontanos, quibus [terram in] regno nostro concessimus, et regnicolas etiam dudum per iusticiariatus regionum citra farum de culminis nostri mandato summoni[itos et quartodecimo] die presentis mensis ianuarii apud Sanctum Germanum vel Aquinum, et illos de Aprucio, apud Sulmonam vel Aquilam muni[tos armis et] equis ad arma et aliis, que ad militarem pertinent apparatum, personaliter se conferrent, processuri abinde et facturi totaliter iussa nostra, [pro]viderimus cum armis et equis ipsorum ac toto ipsorum apparatu in presenti ad propria redituros, ita tamen quod ad aliud mandatum nostrum, [cum de nostra] voluntate processerit, sive ad nos, sive ad partes alias, statim de sero ad crastinum possint accedere, quo fuerit illis ex [parte] nostre celsitudinis demandatum, volumus et excellencia nostra placet quatinus baronibus supradictis ad partes iam venientibus supradictas, per litteras vestras sub sigillo capitanie inserta forma presentis mandati nostri statim mandetis expresse quod cum equis, armis et toto apparatu ipsorum ad propria redeant festinanter ibique sic equis et armis et aliis oportunis parati consistant, [ut] ad aliud mandatum nostrum possint absque intermissione aliqua ire, vel venire et totaliter facere iussa nostra, iniungentes [nichilominus] sub certa forma modo et conditione predictis singulis iusticiariis regni citra farum pro baronibus memoratis, qui forte in eo[dem] termino non venerunt, ut illud idem precipiant ac per omnia presens mandatum nostrum diligenter et sine dilatione aliqua [exe]quantur, preterea volumus et mandamus ut videatis diligenter omnes barones et pheudotarios, qui iam ad partes ipsa [ve]nerunt, qualiter equis et armis parati venerunt, de quorum presentatione ac die et apparatu fieri faciatis d[uos] quaternos consimiles, quorum uno penes vos retento alium vobis destinari curetis, ut de hiis habere possimus notitiam pleniorem, quibus visis ipsos statim, ut dictum est, ad propria remittatis, ut ipsorum mora aliis nostris serv[iciis], cum fuerit expediens, preiudicium nequeat aliquod generare, prefigentes illis terminum iuxta locorum ipsorum [di]stantiam, quo, ut dictum est, possint redire, ita quod de numero dierum, quo se de ipsorum moverunt domibus [quo in eisdem terris steterunt et quo erunt in domibus] ad nostram [et ipsorum cautelam] pro futuro servicio possimus habere notitiam pleniorem illi autem, qui in prefato termino non venerunt, de ip[sorum con]tumacia nostre maiestatis arbitrio subiacerunt. Datum Rome, [X ianuarii III indictionis]». Cumque prefatum mandatum regium debitum [velimus] executionem sortiri et singulis baronibus et pheudotariis tam Ultramontanis quam Citramontanis, quibus terram in regno dominus [rex con]cessit et regnicolis eciam singularum provinciarum regni citra farum, qui se coram nobis Capue presentarunt, quorum e[quos], arma et alia, que ad militarem pertinent apparatum vidimus et de ipsorum representatione die et apparatu duos q[uaternos] consimiles fieri fecimus, ex parte regia mandaverimus iuxta formam mandati regii subscripti firmiter et expresse, quod cum e[quis], armis et toto apparatu ipsorum ad propria redeant festinantur ibique sic equis, armis et aliis oportunis parati cons[istant] ut ad aliud mandatum domini regis vel nostrum, cum de regia voluntate processerit, de sero in crastinum absque intermiss[ione] qualibet redire possint et facere totaliter iussa domini nostri regis, ita quod in certo termino, que[m] eis secundum locorum dista[ntiam] precipimus, apud Sanctum Germanum infallibiliter se presentent, devotioni vestre ex regia parte commissa vobis auctoritate precipiendo mandamus quatinus [forma] ipsius prescripti mandati regii diligentes attenta et in omnibus observata singulis baronibus et pheudotariis mer[...] Sanctum Germanum venerunt, quorum representationem equos, arma et alium apparatum eorum vobis videre commisimus, quos [...] qualiter equis, armis et aliis oportunis parati venerunt, expresse mandetis ex parte domini regis, [...] equis, armis et toto apparatu ipsorum ad propria redeant festinanter ibique, sic equis, armis et aliis oportunis [consi]stant, ut ad aliud mandatum regium vel nostrum, cum de regia voluntate processerit, de sero ad crastinum absque inter[missione] et defectu quolibet redire possint, ita quod illi de Terra Laboris et Comitatu Molisii infra quartum diem et illi de [Principatu et] Terra Beneventana, si aliqui ibi venerunt, infra sextum diem et illi de Capitanata infra octavum diem apud [Sanctum Germanum, vel Aquinum] infallibiliter sint presentes, sicut considerata locorum distantia vidimus expedire ut deinde possint totaliter [...] domini nostri regis et de representatione, die et apparatu ipsorum nominibus et congnominibus eorundem, terris et pheudis [...] mandatum huiusmodi quod de eis feceritis, fieri faciatis tres quaternos consimiles , in quibus forma presentium sit transcripta, [quorum unum] vobis retineatis et reliquos duos sub sigillis vestris incontinenti personaliter deferatis, ut uno ipsorum vobis retento, [alium domino] regi iuxta eius beneplacitum transmittamus, illi autem, qui in predicto termino non venerunt, de ipsorum contumacia [regie maies]tatis arbitrio subiacebunt et illi etiam, qui venerunt et secundum monstram per eos factam non representaverunt se cum toto [...] pro singulis terris et pheudis, que tenent, facere tenentur et debent ad emendum exinde alte et basse, iuxta regium [...]tum tenebuntur. Datum Capue per m(agistrum) N(icolaum), XXVII ianuarii IIII indictionis. Bibliografia R.C.A. vol. XIV, reg. LXXIII, 89 p. 15 (regesto). Segnatura precedente R.A. 9, f. 55 e a t.Localizzazione Monaco di Baviera, Monumenta Germaniae Historica, Archiv, K 123 IX 1, ff. 400-06. [posizione fisica]