Titolo Add. 12 Integrazione del titolo I indizioneData 1272 dic. 24 I indizione Luogo NapoliPersone Marco, Rainieri [giudice] Burgundo, RainieriBenedetto, PietroRusticacio de, Stefano [rettore] Enti PisaDescrizione Scriptum est potestati, capitaneo et ancianis communis Pisani. Intellectis litteris vestris et hiis, que ambassatores vestri silicet Raynerius Marcus iudex et Raynerius Burgundus in nostra presentia vestro nomine proponere voluerunt, vobis presentibus respondemus quod multum placet nobis observare vobis obventiones factas per nobilem virum Petrum de Bellomonte etc. et omnes alias conventiones factas vobiscum, vel cum vestris syndicis per nostros procuratores et eas per nostras patentes litteras ante Natalem Domini confirmavimus, quas litteras confirmationis misimus Labro et sociis, et ipsi solvant pecuniam conventam nunciis nostris, si potestas non venit sigillatas sigillo nostro pendenti credimus vobis fore presentatas, dummodo vos feceritis et faciatis quod in ipsis conventionibus continetur et iterato alias litteras confirmationis misimus Labro et sociis ut ipsi solvant pecuniam conventam nunciis nostris, si potestas non venit, ad kalendas ianuarii sicut debet, placet nobis quod ille, qui modo regit, regat usque ad medietatem ianuarii tamen, si ante venerit Stephanus de Rusticacio novus rector, volumus quod ille, qui modo est post adventum suum de officio se nullatenus intromittat et quia multum placeret nobis ad honorem Dei et summi pontificis et sancte Romane Ecclesie et bonum statum et honorem vestrum, quod essetis cum domino papa et cardinalibus in una concordia et amore, libenter rogabimus dominum papam et dominos cardinalis per nostras litteras speciales, ut ipsi cum honore suo et obtentu nunc recipiant vos ad gratiam suam et ad sua beneplacita et mandata et faciant talem concordiam quod possitis, bono modo, descendere ad faciendum honorem et voluntatem sancte Romane Ecclesie, vobis nichilominus bone fide firmiter consulentes, quod ultra illud, quod vobis videbitur, taliter faciatis, quod possitis habere gratiam et amorem Domini pape et sancte Romane Ecclesie et exire de excommunicationibus et aliis sententiis, in quibus possetis pati magnam verecundiam atque dampnum. Datum Neapoli in vigila Natalis Domini etc. ut supra. Bibliografia R.C.A. vol. IX, reg. XLV, 59 p. 120 (regesto) Segnatura precedente R.A. 15, f. 63Localizzazione Monaco di Baviera, Monumenta Germaniae Historica, Archiv, K 123 IX 1, ff. 228-30 [posizione fisica]