Titolo NapoliVII.173Indizione VI01 marzo 1383 Integrazione del titolo Indizione VIData Indizione VI01 marzo 1383 Indizione VI Luogo NapoliPersone Carlo III d'Angiò Durazzo [re di Sicilia] Caracciolo, Giacomo [milite] Caracciolo, Nicola [milite, familiare del re] Scaramellis (de), Andriana [ribelle] Palo (de), Perrello [ribelle] Luigi I d'Angiò [duca] Carlo I d'Angiò [re di Sicilia] Carlo II d'Angiò [re di Sicilia] Merolinis (de), GentileOrsini, Nicola [conte di Nola] Sanseverino, Enrico [milite, conte di Belcastro] Thiene (de), Giovanni [dottore di leggi] Guidazzo, Francesco [milite, siniscalco del regio ospizio] Tomacelli, Bartolomeo [milite, siniscalco del regio ospizio] Enti CalabriaSiciliaDescrizione Pro Iacobo Caraczulo dicto Viola de Neapoli.
Karolus tercius Dei gracia rex etc. Universis presens privilegium inspecturis, tam presentibus, quam futuris. Consuevit interdum regie liberalitatis officium de infedelium spoliis fideles induere ut illi de commissis in Dominum meritum penam supportasse senciant et isti de virtutis constancia consecutos premium se fuisse letentur. Considerantes igitur ac eciam cognoscentes grata et placida servicia prestita culmini nostro fideliter per puerum militem Iacobum Caraczolum dictum Violam de Neapoli filium et heredem legitimum viri nobilis Nicolai Caraczuli dicti Viole de Neapoli militis, familiarem et fidelem nostrum dilectum et que crescentibus annis prout in ipsa eius puericia sique probitatis iudicant speramus eum de bono semper in melius confirmacione laudabili prestiturum quem zelatorem cognoscimus ferendum nostri nominis et honoris ut proinde prosequamur cum aliquali rependio premiorum et demum suis virtutibus stimulos atque calcar, eidem Iacobo et suis utriusque sexus heredibus ex suo corpore legitime descendentibus ex nunc inantea nascituris in perpetuum feudum unum quod dicitur de Palena situm in terra Seminarie de provincia Calabra, quod fuit Andriane de Scaramellis uxoris Perrelli de Palo rebellium maiestatis nostre, que Andriana adheret Ludovico de Francia, olim duce Andegavie, hosti nostro notorio et sequacibus suis in detrimentum nostre maiestatis regni nostri et fidelium dicti regni devolutum quidem racionabiliter ad curie nostre manus per notoriam rebellionem ipsius Andriane prout per processum inde factum in curia magistro iusticiario regni iam dicti dignoscitur apparere cum hominibus, vassallis vassallorumque redditibus, terris cultis et incultis, planis, montibus, silvis, nemoribus, pascuis, molendinis, vineis, olivetis, aquis aquarumque decursibus, tenimentis, territoriis, iuribus, racionibus et pertinenciis eius omnibus, que videlicet de demanio in demanium et que de servicio in servicium sunt, damus, donamus, tradimus atque concedimus in feudum novum pro valore annuo unciarum viginti et sub servicio unius militis harum serie proprii motus instinctu de certa nostra scientia, liberalitate mera et gracia speciali iuxta usum et consuetidinem dicti regni Sicilie ac generali et humane pro avite regie sancionis edictum de feudorum successionibus in favorem comitum et baronum omnium dicti regni a tempore scilicet felicis adventus in ipsum clare memorie domini regis Karoli primi comitatus, baronias et feuda inibi ex perpetua collacione tenencium factum per dominum regem Karolum secundum et in parlamento celebrato Neapoli publice divulgatum; ita tamen quod tam predictus Iacobus, quam dicti sui heredes predicto feudo, iuribus et pertinenciis super dictis nobis et nostris in dicto regno heredibus et successoribus servire teneantur et debeant de feudali servicio supradicto, quod servicium dictus Iacobus in nostri presencia constitutus sua bona et gratuita voluntate pro se et dictis suis heredibus nobis nostrisque in dicto regno heredibus et successoribus facere obtulit et promisit investientes dictum Iacobum pro se et dictis suis heredibus de presenti nostra gracia per anulum nostrum presencialiter, ut est moris, quam investituram vim et efficaciam, sive et realis concessionis et donacionis dicti feudi modo predicto volumus et decernimus obtinere, ita eciam quod tam ipse Iacobus, quam predicti sui heredes predictum feudum ad manus dicte nostre curie, ut predicitur, devolutum cum hominibus, vassallis, iuribus et pertinenciis supradictis a nobis et nostris in dicto regno heredibus et successoribus in perpetuum in mediate et in capite teneant et possideant nullumque alium preter nos ac heredes et successores nostros in dicto regno in superiorem dominum exinde recognoscant, pro quo quidem feudo ab eodem Iacobo ligium in manibus nostris homagium et fidelitatis debite recepimus iuramentum, clausulis, condicionibus, retencionibus, reservacionibis ac modo et forma, qui et que in privilegiis dominorum progenitorum nostrorum regum Sicilie et nostris super huiusmodi donacionibus et concessionibus causaverint exprimi et apponi sub quibus idem Iacobus et dicti eius heredes et successores in mediate et in capite teneant et tenere debeant dictum feudum cum hominibus, vassallis, iuribus et pertinenciis eius in presenti privilegio nostro intellectis et habilis pro expressis ac si in eo essent distincti et particulariter annotati salvis nichilominus serviciis nobis exinde debitis secundum usum et consuetudinem dicti regni ac omnibus quibuslibet aliis que curie nostre racione maioris dominii pro dicto feudo debentur prout habuimus ea et habere debemus in terris et locis aliis dicti regni ac iuribus nostre curie et alterius cuiuscumque, beneficiis eciam cappellaniarum et iuribus patronatus, si qua sunt in dicto feudo iuribus et pertinenciis supradictis ac collacionibus et prescutacionibus nobis ac predictis nostris heredibus et successoribus reservatis volumus autem quod predictus Iacobus, seu dicti sui heredes procurerent cum solercia debita et instante infra menses tres a die adempcionis possessionis corporalis dicti feudi inantea numerandos presens privilegium nostrum in quaternionibus nostre camere penes thesaurarios nostros transcribi facere ac eciam annotari ut tempore quo in regno precipitur per nostram curiam militare servicium comitibus et baronibus et aliis feudotariis dicti regni eumdem Iacobum dictosque heredes eius tamquam novos possessores et dominos dicti feudi et predicti feudalis servicii proinde debitores in quaternionibus ipsis manualiter et habiliter reperiri contingat alioquin presens nostra dacio, donacio et concessio nullius momenti vel roboris censeatur. In cuius rei fidem perpetuamque memoriam dictique Iacobi et ipsorum heredum suorum cautelam presens privilegium exinde fieri et pendenti maiestatis nostre sigillo iussimus communiri. Datum Neapoli, presentibus magnificis et nobilibus viris Nicolao de Ursinis Nolano, palatino et Soleti comite, Henrico de Sancto Severino militi et Bellicastri comiti, Iohanne de Thienis legum doctore, Francisco de Guindacio et Bartholomeo Tomacelllo dicto Cincuno de Neapoli militibus nostri hospitii, senescallis et quampluribus aliis consiliariis et fidelibus nostris dilectis. Datum vero ibidem per manus viri nobilis Gentilis de Merolinis de Sulmona, legum doctoris, locumtenentis prothonotarii regni Sicilie, consiliarii et fidelis nostri dilecti, anno Domini millesimo CCCLXXXIII, die primo mensis marci sexte indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 72 a t. (not.); ivi, M. Chiarito, Repertorium et index regesti Caroli III signati 1382 et 1383, f. 26 a t. (not.); ivi, trasc. trasmessa dall'Archivio di Stato di Reggio di Calabria; Società napoletana di storia patria, Carte Ricciardi, b. 1, n° 5 (not.). Segnatura precedente Reg. 359, f. 103 a t.