Titolo NapoliVII.077Indizione VI18 novembre 1382 Integrazione del titolo Indizione VIData Indizione VI18 novembre 1382 Indizione VI Luogo NapoliPersone Carlo III d'Angiò Durazzo [re di Sicilia] Filangieri, Giacomo [milite, signore di Candida e Frigento, ciambellano e fedele del re] Grappino, Antonio [ribelle] Luigi I d'Angiò [duca] Carlo I d'Angiò [re di Sicilia] Carlo II d'Angiò [re di Sicilia] Orsini, Nicola [conte di Nola] Crispano, Matteo [milite, dottore di leggi, maestro razionale, luogotenente del gran camerario del Regno] Thiene (de), Giovanni [dottore di leggi] Tomacelli, Bartolomeo [milite, siniscalco del regio ospizio] Guindazzo, Francesco [milite, siniscalco del regio ospizio] Merolinis (de), Gentile [dottore di leggi, luogotenente del protonotaro del Regno] Enti BasilicataDescrizione Karolus tertius etc. Universis presens privilegium inspecturis, tam presentibus, quam futuris. Consuevit interdum regie liberalitatis officium de infidelium spoliis fideles induere, ut illi de commissis in dominum meritam penam supportasse sentiant et isti de virtutis constantia consecutos premium se fuisse letentur. Actentis igitur meritis sincere devotionis et fidei viri nobilis Iacobi Filangerii domini de Candida, militis, baroniarum Frequenti et Candide militis domini, cambellani et fidelis nostri dilecti gratisque grandibus, utilibus et acceptis servitiis per eum maiestati nostre fideliter prestitis et presertim acceptabili tempore cum evidentibus persone sue periculis et oneribus expensarum queve prestat ad presens et speramus eum de bono semper in melius continuatione laudabili prestiturum ut proinde ipsum prosequamur aliquali compendio premiorum qui a suis virtutibus promptitudine animi et exhibitione operum se ab illa suscipienda efficit benemeritum atque dignum, eidem Iacobo et suis utriusque sexus heredibus ex suo corpore legitime descendentibus natis iam et in antea nascituris in perpetuum castrum et terram Petre Perciate de provincia Basilicate, que quidem terra fuit Antonii Crappini per ipsius Antonii rebellionem notoriam et adhesionem per eum factam duci Andegavie publico hosti nostro ad manus nostre curie devolutam, confiscatam, publicatam et ipsius nostre curie comodis applicatam, cum hominibus, vassallis vassallorumque redditibus, terris cultis et incultis, planis, montibus, pratis, nemoribus, pascuis, molendinis, aquis, aquarum decursibus, tenimentis, territoriis, iuribus, rationibus et pertinentiis suis omnibusque, videlicet, de demanio in demanium et que de servitio in servitium sunt, damus, donamus, tradimus atque concedimus in feudum nobile harum serie proprii motus instinctu certa nostra scientia liberalitate mera et gratia speciali sub consueto et prestari solito servitio pro castro predicto feudi natura in aliquo non mutata iuxta usum et consuetudinem dicti regni nostri Sicilie ac generalis et humane regie sanctionis edictum de feudorum successionibus in favorem comitum et baronum omnium dicti regni a tempore scilicet felicis adventus clare memorie domini regis Karoli primi in ipsum comitatum, baronias et feuda inibi ex perpetua collatione tenentium factum per dictum regem Karolum secundum et in parlamento celebrato Neapoli publice divulgatum, ita tamen quod tam predictus Iacobus, quam dicti sui heredes, pro dicta terra Petre Perciate iuribus et pertinentiis supradictis nobis et nostris in dicto regno heredibus et successoribus servire teneantur et debeant immediate et in capite de feudali servitio supradicto, quod servitium dictus Iacobus in nostra presentia constitutus sua bona et gratuyta voluntate pro se et dictis suis heredibus nobis nostrisque in dicto regno heredibus et successoribus facere obtulit et promisit investientes predictum Iacobum pro se et dictis suis heredibus de presenti nostra gratia per anulum nostrum presentialiter, ut est moris, quam investituram vim et efficaciam vere et realis concessionis et donationis dicte terre modo predicto volumus et determinamus obtinere, ita etiam quod tam ipse Iacobus quam dicti sui heredes predictam terram Petre Perciate ad manus nostre curie, sicut predicitur, devolutam cum hominibus, vassallis, iuribus et pertinentiis supradictis a nobis et nostris in dicto regno heredibus et successoribus in perpetuum immediate et in capite teneant et possideant nullumque alium preter nos et heredes et successores nostros in superiorem et dominum exinde recognoscant, pro qua quidem terra ab eodem Iacobo ligium in manibus nostris homagium et fidelitatis debite recepimus iuramentum, ita etiam quod modus et forma, conditiones, reservationes et clausule qui et que in privilegiis divorum progenitorum nostrorum regum Sicilie et nostris super huiusmodi donationibus et concessionibus consueverunt exprimi et apponi sub quibus idem Iacobus et dicti eius heredes a nostris et dictis nostris heredibus et successoribus in mediate et in capite teneant et tenere debeant dictam terram cum hominibus, vassallis, iuribus et pertinentiis eius in presenti privilegio nostro intelligantur expressi ac si in eo essent distincti et particulariter annotati, salvis nihilominus servitiis nobis exinde debitis secundum usum et consuetudinem dicti regni ac omnibus quibuslibet aliis, que curie nostre ratione maioris dominii pro dicta terra debentur prout habemus ea et habere debemus in terris et locis aliis dicti regni ac iuribus nostre curie et alterius cuiuscumque beneficiis, etiam capellaniarum et iuris patronatus, si qua sunt in dicta terra Petre Perciate, iuribus et pertinentiis supradictis ac nostris collationibus et presentationibus nobis ac predictis nostris heredibus et successoribus reservatis, volumus autem quod dictus Iacobus procuret cum solertia debita et instanti infra menses quatuor a die adeptionis corporalis possessionis dicti castri, seu terre Petre Perciate iurium et pertinentiarum eius in antea numerandos presens privilegium nostrum in quaternionibus nostre camere penes thesaurarios nostros transcribi faciat ac etiam annotari ut tempore quo in regno precipitur militare servitium comitibus et baronibus eundem Iacobum dictosque suos heredes, tamquam novos possessores et dominos dicti castri, seu terre Petre Perciate, consuetique et prestari soliti proinde servitii debitores in quaternionibus ipsis manualiter et habiliter reperiri contingat, alioquin presens nostrum privilegium nullius roboris vel efficacie censeatur. In cuius rei fidem perpetuamque memoriam ipsiusque Iacobi et dictorum heredum suorum cautelam presens privilegium exinde fieri et pendenti maiestatis nostre sigillo iussimus communiri. Actum Neapoli, presentibus magnificus et nobilibus viris Nicolao de Ursinis Nolano, palatino et Soleti comite, Matheo Crispano de Neapoli milite legum doctore, magne nostre curie, magistro rationali, locumtenente magni camerarii regni Sicilie, Iohanne de Thienis legum doctore, Bartholomeo Tomacello et Francisco Guindatio de Neapoli militibus nostri hospitii senescallis et quampluribus aliis consiliaribus et fidelibus nostris dilectis. Datum vero ibidem per manus viri nobilis Gentilis de Merolinis de Sulmona legum doctoris, locumtenentis prothonotarii regni Sicilie, consiliarii et fidelis nostri dilecti, anno Domini millesimo CCCLXXXII, die octavo decimo novembris sexte indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 61 a t. (not.); ivi, C. Borrelli, Repertorium universale etc., vol. I, f. 200 (not.); ivi, M. Chiarito, Repertorium et index regesti Caroli III signati 1382 et 1383, f. 16 a t. (not.); ivi, not. di F. Scandone da C. De Lellis, Notamenta, vol. VII, p. 69 (not.); Biblioteca angelica di Roma, ms. Prignano 276 I, f. 32 (not.); Biblioteca nazionale di Napoli, ms. brancacciano 11 F 13, ff. 26 e 30 II numerazione (not.); Società napoletana di storia patria, ms. XXV A 15, f. 198 (not.); ivi, Carte Ricciardi, b. 1, n° 5 (not.); E. Ricca, Discorso genealogico della famiglia Filangieri, Napoli 1863, p. 242 (trasc.); G. Romano, Niccolò Spinelli da Giovinazzo diplomatico del secolo XIV, in «Archivio storico per le province napoletane», XXVI (1901), p. 277 (not.); F. Scandone, Storia di Avellino, vol. II/II, Napoli 1950, p. 65 e CCLV p. 267 (not.). Segnatura precedente Reg. 359, f. 23