Titolo NapoliVII.062Indizione VI09 dicembre 1382 Integrazione del titolo Indizione VIData Indizione VI09 dicembre 1382 Indizione VI Luogo NapoliPersone Carlo III d'Angiò Durazzo [re di Sicilia] Tomacelli, Bartolomeo [milite, siniscalco del regio ospizio, regio consigliere] Cantelmo, Rostagno [ribelle] Luigi I d'Angiò [duca] Capano, FrancischelloStendardo, CovelloGatta (della), RostagnoPietro [marmoraro] Iamvilla, BartolomeoCantelmo, RostagnuccioBrancaccio, Tuccillo [milite] Carlo I d'Angiò [re di Sicilia] Carlo II d'Angiò [re di Sicilia] Orsini, Nicola [conte di Nola] Crispano, Matteo [milite, dottore di leggi, maestro razionale, luogotenente del gran camerario] Thiene (de), Giovanni [dottore di leggi] Guindazzo, Francesco [siniscalco del regio ospizio] Merolinis (de), GentileEnti S. Chiara di NapoliDescrizione Karolus tertius etc. Universis presens privilegium inspecturis, tam presentibus, quam futuris. Consuevit interdum regie liberalitatis officium de infidelium spoliis fideles induere ut illi de commissis meritam penam supportasse sentiant et isti de virtutis constantia consecutos premium fuisse letenter. Actentis igitur meritis sincere devotionis et fidei viri nobilis Bartholomei Thomacelli, dicti Cincuni, de Neapoli, militi, nostri hospicii senescalli, consiliarii et fidelis nostri dilecti gratisque grandibus et acceptis serviciis per eum maiestati nostre fideliter et presertim acceptabili tempore prestatis cum evidentibus persone sue periculis, laboribus et oneribus expensarum queve prestat ad presens et speramus ipsum de bono semper in melius continuatione laudabili prestiturum, ut proinde eum prosequamur aliquali rependio premiorum, qui a suis virtutibus promptitudine animi et exhibitione operum se ad illa suscipienda effecit benemeritum atque dignum, eidem Bartholomeo et suis utriusque sexus heredibus ex suo corpore legitime descendentibus, natis iam et in antea nascituris, imperpetuum subscripta bona sita et posita in civitate Neapolis, subscriptis locis et finibus designata, que fuerunt Rostayni de Cantelmis, per ipsius rebellionem notoriam et lese maiestatis crimen, adherendo Ludovico olim duci Andegavie, hosti nostro ac sequacibus et adherentibus suis, ad manus nostre rationabiliter devoluta, videlicet: hospitium et domos sitas in Pendino Castri Novi iuxta domos Sancte Clare, iuxta domos Francischelli Capani, viam puplicam et alios confines; item cortilium unum cum diversis domibus, situm in platea Arcus, ubi dicitur Caput de Trio, iuxta domus et ortum Cobelli Extandardi, iuxta domum magisti Petri marmorarii, iuxta ortum Rostayni de Gatta, iuxta domum quondam magistri Bartholomei Iamville, viam publicam a duabus partibus et alios confines, cuius cortilii medietas fuit Rostaynucii de Cantelmis, per ipsius Rostaynucii rebellionem notoriam modo simili ad manus nostre curie rationabiliter devoluta et reliqua medietas dicti Rostayni de Cantelmis; item casalenum unum cum uno orticello situm in platea Sancti Anelli, iuxta domos et ortum Tuccilli Branchacii de Neapoli, militis, iuxta viam publicam a duabus partibus et alios confines nec non et dictam medietatem dicti cortili, que fuit dicti Rostaynucii de Cantelmis rebellis, ut prefertur, quam in concursu includi volumus in presenti donatione et concessione nostra, harum serie, proprio motus instinctu, cum iuribus et pertinentiis illorum omnibus damus, donamus, tradimus atque concedimus in feudum, reducendo natura burgensatici ad feudalem, de certa nostra scientia liberalitate mera et gratia speciali sub feudali servicio unius spreverii, annis singulis, in festo Sancte Marie de mense septembris per eos curie nostre prestando, iuxta usum et consuetudnem dicti regni Sicilie ac generalis et humane sanctionis edictum de feudorum successionibus in favorem comitum et baronum omnium dicti regni, a tempore scilicet felicis adventus clare memorie domini regis Karoli primi, in ipsa comitatus, baronias et feuda ex perpetua collatione tenentium factum per dominum regem Karolum secundum et in parlamento celebrato Neapoli publice divulgatum, ita tamen quod tam predictus Bartholomeus, quam dicti sui heredes, pro dictis bonis, iuribus et pertinentiis suis nobis et nostris in dicto regno heredibus et successoribus servire teneantur et debeant de feudali servitio supradicto, quod servitium unius spreverii dictus Bartholomeus, in nostri presentia constitutus, sua bona et gratuita voluntate pro se et dictis suis heredibus nobis nostrisque in dicto regno heredibus et successoribus facere obtulit et promisit, investientes predictum Bartholomeus pro se et dictis suis heredibus de presenti nostra gratia per anulum nostrum presentialiter, ut est moris, quam investituram vim et efficaciam vere ac realis concessionis et donationis dictorum bonorum modo predicto volumus et decernimus obtinere, ita etiam quod tam Bartholomeus, quam dicti sui heredes predicta bona, ad manus nostre curie, sicut predicitur, devoluta, cum iuribus et pertinentiis eorum a nobis nostrisque in dicto regno heredibus et successoribus in perpetuum immediate et in capite teneant et possideant nullumque alium preter nos ac heredes et successores nostros in dicto regno in superiorem et dominum exinde recognoscant, pro quibus quidem bonis ab eodem Bartholomeo ligium in manibus nostris homagium et fidelitatis debite recepimus iuramentum, ita etiam quod modus, forma, conditiones, reservationes et clausule, qui et que in privilegiis diversorum progenitorum nostrorum, Sicilie regum, et nostris super huiusmodi donationibus et concessionibus consueverunt exprimi et apponi, sub quibus idem Bartholomeus et dicti eius heredes a nobis et dictis nostris heredibus et successoribus immediate et in capite teneant et tenere debeant dicta bona cum iuribus et pertinentiis eorumdem, in presenti privilegio nostro intelligantur expressi ac si in eo essent distincti et particulariter annotati, salvis nichilominus serviciis nobis exinde debitis, secundum usum et consuetudinem dicti regni ac omnibus quibuslibet aliis, que curie nostre ratione maioris dominii pro dictis bonis debentur, prout habemus ea et habere debemus in terris et locis aliis dicti regni ac iuribus nostre curie et alterius cuiuscumque, beneficiis etiam capellaniorum et iuribus patronatus, si qua sunt in dictis bonis, iuribus et pertinentiis eorumdem ac illorum collationibus et presentationibus nobis ac predictis nostris heredibus et successoribus reservatis, volumus autem quod dictus Bartholomeus procuret cum solertia debita et instanti infra menses tres, a die ademptionis corporalis possessionis dictorum bonorum in antea numerandos, presens privilegium nostrum in quaternionibus nostre camere penes thesaurarios nostros transcribi facere ac etiam annotari, ut, tempore quo in regno precipitur militare servitium comitibus et baronibus, eumdem Bartholomeum dictosque heredes eius, tamquam novos possessores et dominos dictorum bonorum dictique feudalis servitii debitorum, in quaternionibus ipsis manualiter et habiliter reperiri contingat, alioquin presens nostra concessio et gratia nullius sit roboris et vigoris. In cuius rei fidem perpetuamque memoriam ipsiusque Bartholomei et dictorum heredum suorum cautelam presens privilegium exinde fieri et pendenti maiestatis nostre sigillo communiri. Actum Neapoli, presentibus magnificis et nobilibus viris Nicolao de Ursinis Nolano, palatino et Soleti comite, Matteo Crispano de Neapoli, milite, legum doctore, magne nostre curie magistro rationali, locumtenente magni camerarii regni Sicilie, Iohanne de Thienis legum doctore, Francisco Guindatio de Neapoli magni nostri hospitii senescallo et quam pluribus aliis consiliariis et fidelibus nostris dilectis. Datum vero ibidem per manus viri nobilis Gentilis de Merolinis de Sulmona, anno Domini MCCCLXXXII, die nono decembris VI indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 60 a t. (not.); ivi, C. Borrelli, Repertorium universale etc., vol. II, f. 319 (not.); ivi, M. Chiarito, Repertorium et index regesti Caroli III signati 1382 et 1383, ff. 15-16 (trasc.); ivi, not. di R. Filangieri; Società napoletana di storia patria, ms. XX D 40, ff. 47 e 67 a t. (not.); ivi, Carte Ricciardi, b. 1, n° 5 (not.); C. Minieri Riccio, Notizie storiche tratte da 62 registri angioini etc., Napoli 1877, p. 102 (not.); G. De Blasiis, Le case dei principi angioini etc., in «Archivio storico per le province napoletane», XII (1887), p. 405 (not.); F. Colonna di Stigliano, Notizie storiche di Castelnuovo etc., Napoli 1892, p. 61 (not.); G. Romano, Niccolò Spinelli da Giovinazzo diplomatico del secolo XIV, in «Archivio storico per le province napoletane», XXVI (1901), p. 277 (not.); D. Santoro, Pagine sparse di storia alvitana, vol. II, Documenti, Chieti 1908, XXI p. 53 (trasc.). Segnatura precedente Reg. 359, f. 14 a t.