Titolo NapoliV.001Indizione VI01 settembre 1382 Integrazione del titolo Indizione VIData Indizione VI01 settembre 1382 Indizione VI Luogo NapoliPersone Carlo III d'Angiò Durazzo [re di Sicilia] Filangieri, Giacomo [milite e barone di Candida e Frigento] Merolinis (de), GentileEnti SiciliaGerusalemmeDescrizione Karolus tertius etc. Capitaneis terre nostre Baroli suique districtus presentibus et futuris, fidelibus nostris, gratiam etc. Elusorium foret presidentis edictum si quod prudenter statuitur per repentine novitatis dispendium non servatur, sane inter capitula pridem condita per clare memorie serenissimos progenitores nostros Ierusalem et Sicilie reges ad removenda onera subiectorum et ipsorum statum pacificum salubriter conservandum continetur capitulum infrascriptum, videlicet: «Item quod stipendiarii cum iustitiariis, seu capitaneis commorantes, vel alii familiares eorum, sine speciali mandato iustitiarii, seu capitanei nullos capiant de personis, nec alicui aliquem iniuriam inferant, nec res ullas ab eis auferant, nec etiam paleam, fenum, vel lignamina, nec animalia, vel lectos accipiant, nec domos singularium personarum eis invitis ad aliquid ibi inferendum ingrediantur, set contenti hospitis sibi per locorum baiulos, seu magistros iuratos assignandis lectos per eorum manus recipiant cum salario competenti»; porro sicut habuit pro parte viri nobilis Iacobi Filangerii militi, baroniarum Candide et Frequenti domini, dilecti fidelis nostri expositio querula noviter culmini nostro facta precessores vestri qui fuerint pro tempore dictum capitulum temere non servantes tuque etiam eorundem predecessorum tuorum reproba sequendo vestigia quoddam hospitium, seu domos quod seu quas dictus exponens in dicta terra Baroli habet, tenet et possidet sibique conservavit et conservat pro sua eiusque familia habitatione quando ad terram ipsam vellet accedere et morari pro ipsorum tueque inordinate voluntatis arbitrio acceperant et accepisti nullo exponente iamdicto salario persoluto dictum capitulum temere propterea infligendo, super quo nostra humiliter provisione petita. Nos considerantes quod parum prodesset capitula et statuta condere nisi ipsorum exequtio debita sequeretur, fidelitati vestre harum serie sub pena in eisdem capitulis comprehensa mandamus expresse quatenus iamdictum regium capitulum servantes tenaciter in omni eius substantia et effectu et facientes ab aliis quantum in vobis fuerit efficaciter observari prefatum hospitium, seu domos prefati supplicantis accipere seu paleam, fenum, ligna et lectos auferre nullatenus presumatis eo invito contra prefati capituli tenorem seriem atque mentem in quantum dictam penam incurrere formidatis. Presentibus post oportunam inspectionem earum pro cautela remanentibus presentanti efficaciter inantea valituris. Datum Neapoli per virum nobilem Gentilem de Merolinis de Sulmona etc., anno Domini MCCCLXXXII, die primo septembris VI indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 83 (not.); ivi, not. di F. Scandone da C. De Lellis, Notamenta, vol. VII, p. 93 (not.); Società napoletana di storia patria, Carte Ricciardi, b. 1, n° 5 (not.); E. Ricca, Discorso genealogico della famiglia Filangieri, Napoli 1863, p. 238 (trasc.); F. Scandone, Storia di Avellino, vol. II/II, Napoli 1950, p. 66 (not.). Segnatura precedente Reg- 359, f. 183