Titolo NapoliIV.01Indizione V18 gennaio 1382 Integrazione del titolo Indizione VData Indizione V18 gennaio 1382 Indizione V Luogo NapoliPersone Carlo III d'Angiò Durazzo [re di Sicilia] Montpellier (de), Giovanni [chirurgo] Gordiano Sitro (de), Agapito [chirurgo] Merolinis (de), GentileEnti Abruzzo CitraAbruzzo UltraDescrizione Pro magistro Iohanne de Montepesulano.
Karolus etc. Universis per provincias Aprutii citra et ultra flumen Piscarie constitutis, presentes licteras inspecturis, fidelibus nostris, gratiam etc. Ad egra curanda corpora divina sunt medici ordinatione provisi, qui ut effective proficiant in praticalis operacionis officio ad hoc eliguntur proinde et medicinali scientie predicta et per assistentes nobis et alioquin per alios peritos et instrunctos in talibus medicos approbati supplicationibus igitur pro parte magistri Iohannis de Montepesulano habitatoris terre Aczani cirurgici, fidelis nostri, benigne condiscendentes affectu de cuius fide et legalitate et quod est de genere fidelium ortus et cum nostris fidelibus longo tempore fideliter conversatus per fidedignum testimonium curie nostre perhabitum, ipsi curie pleni liquet examinacionem eius in dicta arte cirurgie eo quod propter viarum discrimina et locorum distanciam, impediente etiam tempore hyemale, se prout est fieri in talibus consuetum personaliter conferre nequit ad presenciam maiestatis nostre et ad nostram curiam ut se subiceret examini assistentium nobis medicorum et per approbationem illorum ei daretur licentia in dicta arte cirurgie pratticandi, commissimus per presentes magistro Accapito de Gordiano Sitro cirurgico, fideli nostro, a quo ubi dicto magistro Iohanni sufficiens receptus fuerit in dicta arte cirurgie et etiam approbatus de qua examinatione et approbatione volumus ipsum magistrum Iohannem habere dicti magistri Accapiti sub eius sigillo et subscriptione proprie manus testimoniales licteras ad cautelam et deinde prestito per ipsum magistrum Iohannem in manibus capitanei civitatis Sulmone, quod iuxta tradiciones ipsius artis curabi et fideliter et fidelitatis ad sancta Dei Evangelia corporali et debito iuramento et habitis litteris per ipsum magistrum Iohannem ab ipso capitaneo de prestatione iuramenti predicti in eo casu, ex nunc, prout extunc dicto magistro Iohanni licentiam curandi et pratticandi in dicta arte cirurgie per supradictas provincias tenore presencium de certa nostra scientia et speciali gratia duximus concedendam fidelitati vestre mandantes quatenus ubi dictus magister Iohannes approbatus fuit et sacramentum prestiterit, ut prefertur, ipsum magistrum Iohannem curare et praticare in predicta arte cirurgie, seu in hiis in quibus per predictum magistrum Accapitum fuit approbatus per dictas provincias et quamlibet terrarum et locorum provinciarum ipsarum ad honorem et fidelitatem nostram heredumque nostrorum ac utilitate fidelium partium earumdem libere permittatis, nullum sibi circa hoc impedimentum, vel obstaculum inferentes. Datum Neapoli per virum nobilem Gentilem de Merolinis de Sulmona etc., anno Domini MCCCLXXXII, die XVIII ianuarii V indictionis, regnorum nostrorum anno primo. Bibliografia B. Roncali, Il cancro nella patologia moderna, Napoli 1930, pp. 145-148 (trasc.); Fonti per la storia della medicina e della chirurgia per il regno di Napoli nel periodo angioino (1273-1410), ed. a cura di R. Calvanico, Napoli 1962, 3649 p. 279 (trasc.). Segnatura precedente Reg. 16, f. 126