Titolo NapoliIII.180Indizione V04 maggio 1382 Integrazione del titolo Indizione VData Indizione V04 maggio 1382 Indizione V Luogo NapoliPersone Arcuccia, AgostinoAcquaviva (d'), MarucciaCarlo III d'Angiò Durazzo [re di Sicilia] Giovanna I d'Angiò [regina di Sicilia] Urbano VI [papa] Clemente VII [antipapa] Merolinis (de), Gentile [dottore di leggi, luogotenente del protonotaro del regno, regio consigliere] Enti SiciliaTerra di Lavoro e Contado di MolisePrincipato CitraDescrizione Pro Augustino de Capro. Uncie quatuor. Habetur cedula regia.
Karolus tercius etc. Universis presentis indulti seriem inspecturis, tam presentibus, quam futuris. Optima gratiarum in principe benigna clemencia tronum regis irradiat et mansueta benignitas solium maiestatis illustrat, hanc sane plenius amantes affectibus eam, cum expedit temporibus consideratis et causis libenter exquirimur et more misericordiarum patris in nostrorum transgressione fidelium propicius intuemur per quod illam in oportunis casibus nostros exercemus in subditos et illorum excessus, culpas et crimina quantum bono modo possumus ex divini imitacione vestigii benigni paciencia toleramus. Sane noviter condescendentes benigne supplicacionibus viri nobilis Augustini Arcucie de Capro, fidelis nostri, qui post sui fugam a Castro nostro Novo de Neapoli, in quo de nostro mandato tenebatur captivus, fidelitatem nostram sequens hobedienter et humiliter, nostram gratiam postulavit, consideracione maxime quod ipse Augustinus fideliter, humiliter atque pie ad maiestatem nostram recurrit, viam fugiens indirectam ac eciam actendentes quod nil gloriosius est in principe quam humanitatem sequi et misericordiam amplexari, eidem Augustino omnem culpam et penam realem et personalem. quam pretextu quorumcumque delictorum et criminum per eum pro preterito tempore commissorum ac lese maiestatis criminis et rebellionis adherendo antipape, seu illustri olim regine post privacionem eius et sequacibus eorundem ac fractionis dicti carceris et fuge predicte, seu quocumque alio pretextu, occasione, vel causa, qua, vel quibus Augustinus ipse notatus esset et impeditus, tam ante, quam post fugam, huiusmodi, seu quomodolibet incurrisset usque scilicet ad diem date presencium, nec non banna, bannorum iura, terciarias et condempnationes quaslibet inde secutas ac omnibus et singulis consociis, fautoribus et patratoribus eiusdem fuge, ductoribus, auxiliatoribus et receptatoribus ipsius Augustini de tota insula Capri dumtaxat similiter omnem culpam et offensam quam quomodolibet incurrisse noscantur, tam pro receptatione ipsa, quam alia quavis causa commissa et patrata per eos usque ad dictum diem date presencium harum serie de certa nostra scientia et speciali gratia benigne remictimus et misericorditer relaxamus eundem Augustinum reducentes ad gratie nostre sinum ac per beneficium restitucionis in integrum restituentes eum ad honores et famam ac omnem infamie maculam eis propterea irrogatam abolentes ac eciam abstergentes et volentes nichilominus et decernentes expresse de ipsa scientia certa nostra, quod ipse Augustinus possit et valeat cum nobili muliere Marucia de Aquaviva, consorte sua, filia et bonis ipsorum in quacumque terrarum regni nostri voluerit fideliter, libere et absque impedimento aliquo sibi et bonis suis per nos officiales nostros et personas alias forsitan inferendo stare et morari pro suo arbitrio voluntatis, non obstante quacumque obligacione et fide prestita per Maruciam supradictam, quas ex nunc irritamus et annullamus, promictentes ipsi Augustino sub verbo nostro regali, de ipsa scientia certa nostra et gratia speciali consideracione sincere fidelitatis eiusdem votiva intercessione supplicare sanctissimo in Christo patri et domino, domino Urbano papa sexto, quod ipsum Augustinum reducat ad gratie et misericordie sinum et in casu contrario non pati eumdem Augustinum et bona sua in quacumque terrarum regni nostri mandata quecumque apostolica, seu alterius cuiuscumque molestari, inquietari, vel eciam impeti insuper eciam ad gratie pocioris augmentum ipsi Augustino et suis heredibus omne, totum et quicquid ex administracione et gestione quorumcumque officiorum, que exercuit ipse Augustinus, illustris olim regine nostre curie quomodocumque et qualitercumque teneretur et per administracionem iusticie merique imperii posset quavis modo argui, vel notari, de ipsa scientia certa nostra presentium tenore remictimus et perpetuo relaxamus eum ab officiis ipsis et administracione ipsorum liberantes finaliter, quietantes et pariter absolventes, quo circa damus ipsarum vigore presencium de ipsa certa nostra scientia expressius in mandatis magistro iusticiario regni nostri Sicilie ac iudicibus eiusdem curie, .. capitaneis civitatum Neapolis et Surrenti, .. iusticiario Terre Laboris et Comitatus Molisii ac .. iusticiario Principatus Citra, .. iusticiariis provinciarum, capitaneis terrarum ac universis et singulis officialibus aliis per regnum nostrum Sicilie constitutis, quocumque titulo et denominacione notentur ipsorumque locatenentibus presentibus et futuris, quatenus forma presencium, per eos et eorum quemlibet diligenter, actenta et in omnibus efficaciter observata, nichil in contrarium facere quomodolibet presumant, quantum habent gratiam nostram, nec ipsum Augustinum, conscios fautores et patratores fuge, ipsius ductores, auxiliatores et receptatores eiusdem de tota insula Capri dumtaxat ex officio curie, vel aliter quovismodo nullo unquam tempore vexent, turbent, trahant, impetant, vel quomodolibet molestent, quin ymmo revocent et revocari mandent et faciant in irritum quolibet casu, vel eventu quicquid actentatum est aut actentari contigerit in futurum contra presencium seriem aut mentem. In cuius rei testimonium presens indultum scriptum exinde fieri et pendenti maiestatis nostre sigillo iussimus communiri. Datum Neapoli, per manus viri nobilis Gentilis de Merolinis de Sulmona legum doctoris, locumtenentis prothonotarii regni Sicilie, consiliarii et fidelis nostri, anno Domini MCCCLXXXII, die IIII maii V indictionis, regnorum nostrosrum anno primo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 55 a t.; ivi, trasc. di I. Donsì Gentile; Biblioteca nazionale di Napoli, ms. X B 2, f. 131 (not.); Società napoletana di storia patria, ms. XX A 16, f. 226 (not.); ivi, Carte Ricciardi, b. 1, n° 5 (not.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 16 (not.). Segnatura precedente Reg. 358, ff. 331 a t.-332