Titolo NapoliIII.073Indizione V05 febbraio 1382 Integrazione del titolo Indizione VData Indizione V05 febbraio 1382 Indizione V Luogo NapoliPersone Carlo III d'Angiò Durazzo [re di Sicilia] Ludovico di Taranto [re di Sicilia] Giovanna I d'Angiò [regina di Sicilia] Gilio (de), GiovanniOrsini, Giovanni [conte di Manoppello] Descrizione Karolus tertius etc. Universis presentes licteras inspecturis, tam presentibus, quam futuris. Dum fidelium nostrorum servitia in memoria nostra revolvimus et super ipsorum remuneratione, prout tenemur, ex debito cogitamus, augit nos consideratio provida, ut eis respondeamus pro meritis et premium servitii compensemus, unde si per nos servienti muneris exhibitio reditur laudis non solum titulus conferenti tribuitur. Verum honoris et fame gloria nostri fastigio culminis gratius adaugetur, hac igitur consideratione suasi, nichilominus, actentis meritis sincere devotionis et fidei Iohannis de Gilio dicti Surice de Neapoli, fidelis nostri, gratisque utilibus et acceptis servitiis per eum maiestati nostre fideliter prestitis, quibus ipsum dignum speciali nostra prosecutione censemus, monemur sibi gratitudinem nostram estendere et condigni muneris talentum prestantius exhibere, ut perinde sibi merces grata proveniat et beneficium nostre liberalitatis impedium grata comoditate concrescat et propterea ut idem Iohannes se consecutum prospiciat a nostra serenitate impendium et pariter procul dubio emolumentum eidem Iohanni annuas uncias auri sex ponderis generalis, quas erat ipse Iohannes percepturus super cabella tintorie civitatis nostre Neapolis, titulo videlicet emptionis facte per eum de illa pro pretio unciarum duodecim, cum assensu clare memorie domini regis Ludovici et illustris olim regine Iohanne, a Dyonisio de Burbone habente illas certo modo percipere super tintoria predicta, prout in licteris dominorum ipsorum sibi concessis, hec et alia latius continentur, de novo de certa nostra scientia sub feudali servitio exinde contingenti damus, donamus et concedimus instinctu motus proprii gratiose percipiendas et habendas per eundem Iohannem a principio presentis anni quinte indictionis inantea, sic equidem quod quandocumque eidem Iohanni voluerimus restituere et restituerimus pretium emptionis provisionis eiusdem non liceat et ultra dictam provisionem percipere, sed illius perceptio sit sibi penitus interdicta; ita quidem quod interim dictus Iohannes dictas annuas uncias auri sex immediate et in capite a nostra curia teneat et possideat nullumque alium preter vos ac heredes et successores nostros in superiorem dominum exinde recognoscat servireque teneatur nobis et predictis nostris heredibus et successoribus de predicto servicio ad rationem videlicet de unciis quinque et quarta pro singulis viginti unciis annui redditus in pecunia stabilita iuxta modum et formam ipsius nostre curie in talibus habitos et servatos; quod servitium memoratus Iohannes in nostri presentia constitutus prestare et facere nobis ac dictis heredibus et successoribus nostris voluntarie obtulit et promisit, investientes eundem Iohannem de presenti nostra gratia, modo premisso, per nostrum anulum presentialiter, ut est moris, quam investituram vim et efficaciam sue tradictionis et realis perceptionis volumus obtinere. In cuius rei testimonium presentes lictera exinde fieri et pendenti nostre sigillo iussimus communiri. Datum Neapoli per virum magnificum Iohannem de Ursinis comitem Manupelli etc., anno Domini MCCCLXXXIIo, die Vo februarii Ve indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, ff. 30 a t.-31 (not.); ivi, «Squarcio di repertorio del registro angioino 358 "Karolus III - 1381"», f. [14] (not.); Società napoletana di storia patria, ms. XXI D 5, p. 345 (not.); ivi, Carte Ricciardi, b. 1, n° 5 (not.); N. Barone, Giovanni de Gilio architetto ed ingegnere napolitano, in «Archivio storico per le province napoletane», XII (1887), I p. 782 (trasc.). Segnatura precedente Reg. 358, f. 21