Titolo NapoliII.113Indizione V23 aprile 1382 Integrazione del titolo Indizione VData Indizione V23 aprile 1382 Indizione V Luogo NapoliPersone Carlo III d'Angiò Durazzo [re di Sicilia] Roncella, Guglielmo [ribelle] Giovanna I d'Angiò [regina di Sicilia] Urbano VI [papa] Pál [mastro, cuoco del re e familiare] Roncella, NicolaViola, CiccoPannizata, GisoldoMerolinis (de), GentileEnti SiciliaDescrizione Karolus tertius etc. Universis presentes licteras inspecturis, tam presentibus, quam futuris. Sicut potentiam principis exaltat remuneratio subiectorum, sic consuevit interdum de infidelium spoliis suis fidelibus providere, ut illi de commissis improbe meritam penam sentiant et isti virtutis decore et fidelitate conspicui pro impensis laudabiliter servitiis letentur premia suscepisse. Sane dato nobis intelligi quod Gulielmus Roncella cum filiis de Neapoli sue salutis immemor, nec divine, nec humane metuens ultionis flagellum, scienter penam et notorie in anime sue perniciem adhesit antipape et illustri olim regine Iohanne post privationem eiusdem regno Sicilie factam per sanctissimum patrem et dominum nostrum dominum Urbanum sextum sacrosancte Romane ac universalis Ecclesie dominum summum pontificem ac multa nequiter commisit verbis et opere contra nostre maiestatis honorem, propter que rebellionis culpam et lese nostre maiestatis crimen noscitur rationabiliter incurrisse, cuius rei causa ipsius Gulielmi domus site in platea Sancte Barbare de platea civitatis Neapolis, iuxta domos Nicolai Roncelle, iuxta domos Cicci Viole, iuxta domos Gisoldi Pannizate, iuxta vias publicas a duabus partibus et alios confines que domus ascendunt, seu ascendere possunt ad summam, seu valorem unciarum auri triginta, vel circa, et ipsius Gulielmi notorie rebellionis culpa esse dicuntur, ad manus nostre curie delate et aquisite fuisse ponuntur ac iuste et rationabilier devolute et in ipsius nostre curie manibus existere dinoscuntur ad presens, nos considerantes grata, utilia et accepta servitia, merita quoque sincere devotionis et fidei nostre maiestati a iamdiu fideliter et utiliter prestita per Paulum magistrum, cocum, familiarem dilectum et devotum nostrum Ungarum, quibus ipsum dignum nostra gratuita prosecutione censemus, eidem Paulo ac suis heredibus utriusque sexus ex suo corpore legitime descendentibus, natis iam et inantea nascituris, predictas domos cum iuribus et pertinentiis earum omnibus, que fuisse ponuntur dicti Gulielmi, siquidem ex premissa notorie rebellionis culpa et lese maiestatis crimine sint ad manus eiusdem nostre curie iuste et rationabiliter devolute, damus, donamus et de novo concedimus in perpetuum de certa nostra scientia instinctu motus proprii harum serie gratiose, ita quidem quod idem Paulus magister, cocus noster, ac dicti sui heredes predictas domos a nobis et nostra curia in mediate et in capite teneant atque possideant nullumque alium preter nos ac ipsos heredes et successores nostros superiorem et dominum exinde recognoscant, investientes proinde dictum Paulum pro se et dictis suis heredibus ex nunc prout ex tunc de huiusmodi nostra gratia per anulum nostrum presentialiter, ut est moris, quam investituram vim, et vigorem vere traditionis et realis assecurationis dictarum domorum in casu et modo predictis volumus et decernimus obtinere, fidelitate nostra, nostris aliis et cuiuslibet alterius iuribus semper salvis. In cuius rei testimonium presentes licteras exinde fieri et pendenti maiestatis nostre sigillo iussimus communiri. Data Neapoli per virum nobilem Gentilem de Merolinis de Sulmona etc., anno Domini MCCCLXXXII, die XXIII aprilis V indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 35 a t. (not.); ivi, C. Borrelli, Supplementum ad repertorium, vol. II, f. 189 (not.); ivi, «Squarcio di repertorio del registro angioino 358 "Karolus III - 1381"», f. [14] (not.); ivi, L. Ovary, Ricerche, n° 376 (not.); Biblioteca nazionale di Napoli, ms. X B 2, f. 126 a t. (not.); Società napoletana di storia patria, ms. XX A 16, f. 203 (not.); ivi, ms. XXI D 5, f. 346 (not.); ivi, ms. XXV A 15, f. 499 a t. (not.); ivi, ms. XXVII B 7, f. 340 (not.); ivi, Carte Ricciardi, b. 1, n° 5 (not.); Monumenta Hungariae historica, Acta extera, ed. G. Wenzel, vol. III, Budapestini 1876, 240 p. 476 (trasc.); C. Minieri Riccio, Notizie storiche tratte da 62 registri angioini etc. Napoli 1877, p. 88 (not.); M. Camera, Elucubrazioni storico-diplomatiche su Giovanna I etc., Salerno 1889, p. 309 (not.). Segnatura precedente Reg. 358, f. 75