Titolo I.228Indizione V[1381-1382] Integrazione del titolo Indizione VData Indizione V[1381-1382] Indizione V Persone Carlo III d'Angiò Durazzo [re di Sicilia] Mastrandrea (di), Pietro [notaio, sindaco dell'università di Altamura] Enghien (d'), Ludovico [conte di Conversano] Capri (de), Giacomo [gran camerario del regno] Merolinis (de), GentileEnti Terra di BariDescrizione Karolus tercius etc. Iustitiario provincie Terre Bari presenti et futuris eorumque locatenentibus, fidelibus nostris, gratiam etc. Ad presidentis spectat officium iurgia tollere, dissidia supputare sicque prudenter agere sue iurisdictionis opportuno presidio ut dum facultas contendendi de facto tollitur, noxia concertandi materia sopiatur. Sane pro parte univerisitatis hominum terre Altamure de ipsa tibi decreta provincia fidelium nostrorum per notarium Petrum Magistri Andree sindicum sindicario nomine et pro parte universitatis eiusdem ad curiam nostram missum fuit maiestati nostre querelanter expositum quod olim, iam sunt anni elapsi septem et citra circa, in testimonio puplico constitutis magnifico viro Ludovico de Enguineo Cupersani comite, utiliter domino castri et terre Aquevive, ex una parte, et Iacobo de Capro olim magno regni Sicilie camerario, tunc utiliter domino dicte terre Altemure, pro se ac heredibus suis et successoribus quibuscumque, nec non pro omnibus et singulis hominibus dicte terre Altemure, ex parte altera, prefatus comes Cupersani cunctis considerationibus atque causis inductus concessit plenam et liberam potestatem, dedit et tribuit eidem tunc ibidem presenti et stipulanti pro se et dictis suis heredibus et successoribus quibuscumque ac pro omnibus et singulis hominibus et vassallis dicte terre Altamure imperpetuum quod ex tunc in antea libere liceret et licitum esset eidem Iacobo heredibus et successoribus suis quibuscumque ac omnibus et singulis eiusdem terre Alltemure, qui tunc essent et pro tempore erunt, possint absque alicuius contradictionis obstaculo ad territorium et herbagium ac nemus eiusdem terre et castri Aquevive ipsius comitis accedere quotiescumque et quandocumque eis placuerit et prout eis necesse fuerit cum eorum animalibus et bestis cuiuscumque generis et speciei essent et ibidem cum dictis animalibus pro eorum usu herbagia ac pascua et aqua sumere, nec minime in dicto nemore et territorio ligna mortua, seu sicca et viridia incidere et incidi facere et incisa deferre et portare quo voluerint pro usu eorum nocte dieque iuxta eorum arbitrium voluntatis absque affida, seu solutione pecunie et prestatione servitii cuiuscumque per eundem Iacobum, vel dictos suos heredes et successores ac dictos homines eiusdem terre Altemure dicto comiti, vel dictis suis heredibus et successoribus facienda et prestanda et proinde dictus comes Cupersani obligavit se suosque herdes, successores et bona omnia ad penam et sub pena unciarum auri duarum milium interveniente ad id tunc reginali beneplacito et assensu, prout hec et alia in quodam instrumento puplico inde facto pena et sacramento ac omni qua convenit solemnitate vallato ponuntur plenius et seriorius contineri, cuius quidem concessionis auctoritate et instrumenti vigore predicti exponentes a dicto tempore citra fuerunt et sunt in possessionem sumendi pascua, aquas et incidendi ligna in dicto territorio castri et terre Aquevive, prout superius est expressum, conqueritur tamen universitas ipsa et homines universitatis ipsius quod predictus comes Cupersani, seu baiuli et officiales ipsius in dicta terra Aquevive eorum iuribus non contenti, contra predictam concessionem et predicti instrumenti tenorem temere venientes, universitatem et homines dicte terre Altemure tam in genere, quam in specie super possessione pacifica predictorum tam in sumendis herbagiis et aquis, quam incidendis lignis in territoriis et nemore dicte terre Aquevive sine aliqua affida pro eorum libito voluntatis molestant indebite ac multipliciter inquietant, non permictentes ipsam universitatem et homines terre Altemure percipere herbagia cum eorum animalibus lignaque in nemore dicte terre Aquevive incidere pacifice et quiete dictaque eorum libertate concessa uti frui in iuris iniuriam et ipsorum exponentium grave preiudicium et iacturam super quibus nostra humiliter provisione petita. Nos, nolentes quempiam in suis iuribus iniuste opprimi, vel gravari, fidelitati vestre harum serie districte precipiendo mandamus quatenus, si premissis veritas suffragatur, in presens prefatam universitatem et homines dicte terre Altemure ac alium vel alios eorum nomine super pacifica possessione et perceptione libera sumendi pascua eorum animalibus sine affida et incidendi ligna aquasque sumendi in territoriis, in nemore dicte terre Aquevive vigore concessionis et contractus predicti iusta favoris presidio conserves, manuteneas et defendas non permictendo exponentes eosdem super pacifica possessione predicta, in qua fuerunt et sunt quamdiu iusta eius causa duraverit per eundem comitem, seu baiulos et officiales eius dicte terre Aquevive et quosvis alios illicitos torbatores molestari contra iustitiam, seu aliquatenus decetero indebite perturbari, molestatores eosdem quod a quibuslibet indebitis super his inferendis molestiis et inquietudinibus omnino desistant dictamque universitatem et homines predictorum pacifica possessione gaudere permictant per penarum impositiones et exactiones earum pro nostra curia, si in illas inciderint aliaque debita et opportuna iuris remedia districtius coibendo vosque alii successive futuri quamdiu possessionis eiusdem iusta causa duraverit modo simili manuteneatis, protegatis, conservetis exponentes eosdem ac etiam defendatis in illa. Ita quod ad aures nostras querimonia exinde iterata non veniat et vobis denuo scribere non sit opus, pecuniam vero totam quam ex dictarum commissione penarum exigere forsitan vos contingat ad nostram cameram destinetis, significaturi nobis totum processum quem habendum duxeritis in premissis, presentibus post oportunam inspectionem earum remanentibus presentanti efficaciter in antea valituris. Datum Neapoli, per virum nobilem Gentilem de Merolinis de Sulmona etc., anno Domini MCCCLXXXII, die X iunii V indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 51 (not.); ivi, M. Chiarito, Diplomata et nonnullae scripturae recollectae et partim exemplatae, rep. 45, ff. 50-53 a t. (trasc.); Biblioteca nazionale di Napoli, ms. X B 2, f. 130 (not.); Società napoletana di storia patria, ms. XX A 16, f. 220 (not.); ivi, ms. XXV A 15, ff. 149 a t. e 178 a t. (not.); ivi, Carte Ricciardi, b. 1, n° 5 (not.); P. Vincenti, Teatro de gli huomini illustri protonotari del regno di Napoli, Napoli 1607, p. 97 (not.); Codice diplomatico barese, vol. XII, Le carte di Altamura, ed. A. Giannuzzi, Bari 1935, 224 p. 344 (trasc.). Segnatura precedente Reg. 358, f. 251