Titolo NapoliI.227Indizione V11 giugno 1382 Integrazione del titolo Indizione VData Indizione V11 giugno 1382 Indizione V Luogo NapoliPersone Carlo III d'Angiò Durazzo [re di Sicilia] Mastrandrea (di), Pietro [notaio e sindaco dell'università di Altamura] Filippo II d'Angiò [imperatore di Costantinopoli] Giovanna I d'Angiò [regina di Sicilia] Merolinis (de), Gentile [dottore di leggi, luogotenente del protonotaro del regno e consigliere] Enti GerusalemmeSiciliaProvenza e ForcalquierPiemonteTerra di BariDescrizione Karolus tercius Dei gracia rex Ierusalem et Sicilie, Provincie et Forcalquerii ac Pedimontis comes. Iusticiario provincie Terre Bari, presenti et futuris ipsorumque locatenentibus fidelibus suis, gratiam et bonam voluntatem. Ad presidentis spectat officium iurgia tollere, dissidia supputare sicque prudenter agere, seu iurisdictionis oportuno presidio, ut dum facultas contendendi de facto tollitur concertandi noxia materia sopiatur. Sane pro parte universitatis et hominum terre Altamure de decreta tibi provincia fuit nobis noviter per notarium Petrum Magistri Andree eorum sindicum ad curiam nostram missum querula expositione monstratum quod olim, iam sunt anni elapsi duodecim et plus, clare memorie dominus Philippus imperator Constantinopolitanus, certis consideracionibus et motivis ductus habensque ad homines dicte terre Altamure sincere dilectionis affectum, eisdem hominibus et universitati dicte terre ad suum beneplacitum concessit immunitates et franchisias quod homines universitatis ipsius terre Altamure possint et valeant sumere pascua, aquam et ligna incidere in territorio terre Matere et quod possint, si voluerint in dicto territorio seminare, quam quidem graciam, mortuo dicto domino imperatore, ad supplicacionem instanciam hominum dicte terre Altamure illustris Iohanna olim Ierusalem et Sicilie regina tempore quo poterat dictam gratiam predicte universitati et hominibus universitatis ipsius imperpetuum confirmavit ac etiam de novo concessit per suas licteras modo et forma predictis, quorum quidem privilegiorum auctoritate universitas eiusdem terre Altamure et homines universitatis ipsius fuerunt et sunt in possessione, seu quasi franchitie et inmunitatis predicte, verum homines dicte terre Matere noviter universitatem et homines predicte terre Altamure in possessione immunitatis et franchicie predictarum multipliciter perturbant, molestant et inquietant, in ipsorum exponencium preiudicium et gravamen, super quo provisionis nostre remedio suppliciter implorato. Nos, volentes quempiam in suis iuribus opprimi, vel agravari, fidelitati vestre precipiendo mandamus quatenus, si premissis veritas suffragatur, tu presens iusticiarie prefatos universitatem et homines dicte terre Altamure exponentes super possexionem, vel quasi immunitatis et franchicie predictarum in qua sunt, ut petunt, iusti favoris presidio conserves, manuteneas, protegas et defendas, molestatores eosdem a quibuslibet indebitis, super his molestiis et turbacionibus quod omnino desistant dictosque exponentes et quemlibet eorum huiusmodi immunitatis et franchicie quietam possessionem gaudere permictant per impositiones penarum et exactiones earum si in illas inciderint, vel per alia iuris oportuna remedia compulsurus vosque alii successive futuri quamdiu possessionis eiusdem inmunitatis et franchicie iusta causa duraverit, modo simili manuteneatis, protegatis et defendatis in illa, ita quod dicti exponentes de iterato ad nos recursu propterea non graventur et ulterius exinde exibere non cogamur, pecuniam autem totam quam ex dictarum commissione penarum exigere forsitan vos contingerit, ad nostram cameram destinetis, significaturi nobis processum, quemadmodum duxeritis in premissis. Presentibus post oportunam inspectionem earum remanentibus presentanti, ei premisso modo efficaciter in antea valituris. Datum Neapoli, per virum nobilem Gentilem de Merolinis de Sulmona legum doctorem, locumtenenti prothonotarii regni Sicilie, consiliarium et fidelem nostrum dilectum, anno Domini millesimo CCCLXXXII, die XI iunii V indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 51 (not.); Società napoletana di storia patria, Carte Ricciardi, b. 1, n° 5 (not.); Codice diplomatico barese, vol. XII, Le carte di Altamura, ed. A. Giannuzzi, Bari 1935, 225 p. 346 (trasc.). Segnatura precedente Reg. 358, f. 250 a t.