Titolo NapoliI.217Indizione V04 giugno 1382 Integrazione del titolo Indizione VData Indizione V04 giugno 1382 Indizione V Luogo NapoliPersone Carlo III d'Angiò Durazzo [re di Sicilia] Ceccano (de), Margherita [contessa di Vico] Merolinis (de), GentileEnti SiciliaDescrizione Karolus tercius etc. Magistro iusticiario regni nostri Sicilie et iudicibus magne curie, vel eius locumtenenti collaterali, consiliariis et fidelibus nostris dilectis, gratiam etc. Deducto nuper ad nostram noticiam ex fide digna informacione culmini nostro inde facta quod magnifica mulier Margarita de Ceccano comitissa Vici adhesit dampnabiliter antipape et scienter et notorie illustris Iohanne olim regine post privacionem eius in rebellionis culpam et lese maiestatis crimen scienter et tenere, ut ponitur, incidendo, quodque prefata comitissa post ingressum nostrum in regnum ad hobedienciam nostram minime reducere se curavit, immo requisita per dictum una cum aliis baronibus et feudatariis dicti regni ut in certo termino compareret in maiestatis nostre presencia ad faciendum homagium et prestandum fidelitatis debite sacramentum pro bonis, que a curia nostra tenet, etiam comparere contepsit dictumque non fecit homagium, nec fidelitatis debite sacramentum in sua pertinacia persistendo, cuius rei causa bona sua omnia feudalia et burgensatica veniunt iuste et racionabiliter nostre curie applicanda. Nos volentes in premissis servari exinde formam iuris ac huiusmodi trasgressionis excessum nullatenus sub dissimulatione transire, volumus et fidelitati vestre presencium tenore mandamus expresse quatenus ex officio curie procedatis contra comitissam prefatam super dicto rebellionis, seu lese maiestatis crimine secundum formam in similibus habitam et servatam et si eam in premissis reperietis culpabilem, seu nocentem ipsam pro suis demeritis mediante iusticia puniatis et castigatis ac procedatis ad confiscationem et publicationem omnium bonorum suorum feudalium et burgensaticorum pro curie nostre parte et quia, ut ponitur, haberi non posset liber aditus ad comitissam predictam, volumus quod ipsam citare valeatis et possitis per edictum ad penam et sub pena omnium bonorum eiusdem comitisse burgensaticorum et feudalium nostre camere in contumacia ipsius irremissibiliter applicandarum in aliquo loco unde ad eius valeat dicta citatio pervenire noticiam affigendum lege, iure, seu costitucione quacumque contraria non obstante. Datum Neapoli, per virum nobilem Gentilem de Merolinis de Sulmona etc., anno Domini MCCCLXXXII, die quarto mensis iunii quinte indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 50 a t. (not.); Notizie di Vico Equense, II, ms. canonico Parascandolo presso F. Cannavale in Massaquano, f. 99 (trasc.); Biblioteca nazionale di Napoli, ms. X B 2, f. 130 (not.); Società napoletana di storia patria, ms. XX A 16, f. 219 (not.); ivi, ms. XXV A 15, f. 148 a t. (not.); ivi, Carte Ricciardi, b. 1, n° 5 (not.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 22 (not.). Segnatura precedente Reg. 358, f. 249 a t.