Titolo NapoliI.193Indizione V22 maggio 1382 Integrazione del titolo Indizione VData Indizione V22 maggio 1382 Indizione V Luogo NapoliPersone Carlo III d'Angiò Durazzo [re di Sicilia] Stephano (de), Fabiano [familiare] Teotonico, Pietro [milite] Bunswick (di), Ottone [duca] Merolinis (de), GentileEnti Terra di BariDescrizione Karolus tertius etc. Iustitiario provincie Terre Bari, cambellano et fideli nostro, gratiam et bonam voluntatem. Significamus tibi quod noviter Fabiano de Stephano Ungaro, familiari et fideli nostro privilegium nostrum concessimus in hec verba: «Karolus tertius etc. Universis presentes licteras inspecturis, tam presentibus, quam futuris etc. Delectat nos benemeritorum votis beneficiis respondere condignis, ut devotiori mente possit obsequi, qui sua cognoscit servitia votivis premiis compensari. Sane actendentes sincere devotionis et fidei merita Fabiani de Stephano familiaris et fidelis nostri dilecti, ac grata, utilia et accepta servitia per eum maiestati nostre fideliter prestita queve prestat ad presens et speramus eum inatea prestiturum, ex quibus gratus nobis redditur et acceptus eidem Fabiano ac suis utriusque sexus heredibus ex suo corpore legitime descendentibus natis iam et inantea nascituris, subscripta bona feudalia, que fuerunt Petri Theotonici militis domini Ottonis ducis Brunsvicensis, sita in territorio Trani et Vigiliarum etc., prout tota forma scripta est in uno alio quaterno privilegiorum presentis anni quinte indictionis sub data Neapoli, per nobilem virum Gentilem de Merolinis de Sulmona etc., anno Domini MCCCLXXXII, die XV mensis aprelis V indictionis, regnorum nostrorum anno primo». Ut itaque memoratus Fabianus dictique sui heredes assequantur predicte concessionis et gratie nostre fructum, volumus et fidelitati tue presentium tenore mandamus expresse quatenus eundem Fabianum, vel suum pro eo procuratorem, aut uncium, in possessionem predictorum bonorum feudalium et feudi superius particulariter annotatorum cum rationibus et iuribus ad bona ipsa feudalia et dictum feudum pertinentibus et spectantibus quoquomodo, siquidem ex premissa rebellionis causa et lese maiestatis crimine bona ipsa feudalia iuste et rationabiliter sint ad manus ipsius curie nostre devoluta, iuxta predicti privilegii nostri continentiam et tenorem inducas ac induci mandes et facias auctoritate presentium corporalem, tenenda et possidenda deinceps per eundem Fabianum et dictos eius heredes iuxta predicti nostri privilegii seriem atque formam sibique intendi et responderi de iuribus, redditibus et proventibus bonorum predictorum feudalium et feudi predicti, fidelitate nostra, nostris aliis et cuiuslibet alterius iuribus sempers salvis. De executione vero presentium cum forma earum fieri facias tria puplica consimilia instrumenta quorum uno tibi retento, alio prefato Fabiano, vel suo pro eo procuratori, vel nuncio tradito, tertium magistris rationalibus magne nostre curie mictas in archivio pro cautela ipsius curie conservandum. Data Neapoli per eundem nobilem virum Gentilem de Merolinis etc., anno Domini MCCCLXXXII, die XXII mensis maii V indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, ms. L. Ovary, Ricerche. No 375 (not.); Monumenta Hungariae historica, Acta extera, ed. G. Wenzel, vol. III, Budapestini 1876, 239 p. 475 e 241 p. 478 (trasc.). Segnatura precedente Reg. 358, f. 355