Titolo NapoliI.030Indizione V06 febbraio 1382 Integrazione del titolo Indizione VData Indizione V06 febbraio 1382 Indizione V Luogo NapoliPersone Baliardo (de), Nicola [signore di Moscufo] Carlo III d'Angiò Durazzo [re di Sicilia] Orsini, GiovanniCicco (de), CiccoAntonioCola di Nicola di PeceDelillo, MatteoMerolinis (de), GentileEnti Abruzzo CitraAbruzzo UltraSiciliaDescrizione Pro Nicolao de Baliardo et universitate castri Muscufi et certis aliis hominibus.
Karolus etc. Magistro iusticiario regni nostri Sicilie, iusticiariis utriusque provincie Aprutine, iusticiariis, capitaneis et officialibus aliis per dictum regnum nostrum Sicilie constitutis quocumque titulo et denominatione notentur ac fungentibus officiis presidatus et aliis officialibus ad quos spectat et spectare poterit ipsorumque locatenentibus, vel ipsorum aliis, seu alii presentibus et futuris, fidelibus suis gratiam etc. Scire vos volumus quod noviter pro bono statu fidelium nostrorum regni nostri Sicilie quoddam indulti edictum edidimus subscripte per omnia seriei: «Karolus etc. Universis presentis edicti ac generalis indulti seriem inspecturis, tam presentibus, quam futuris. Clemencia nostra in parcendo dignoscitur etc. prout tota forma scripta est in alio quaterno, sub data Neapoli per manus Iohannis de Ursinis etc., anno Domini MoCCCLXXXIIo, die Xo ianuarii quinte indictionis, regnorum nostrorum anno primo». Noviter autem pro parte Nicolai Baliardi domini castri Muscufi de dicta provincia Aprutii Ultra nec non universitatis hominum dicti castri ac hominum universitatis ipsius vassallorum predicti Nicolai ac Cicci de Cicco de Villa, Antonii dicti Mantinelli, Cole Nicolai Pece et Mathei Delillo de predicto castro Muscufi nostrorum fidelium fuit maiestati nostre actentius supplicatum ut cum eorum intersit predicti indulti nostri licteras habere pro eorum cautela securitate et comodo pro futuro tempore penes se ut in casibus in aminiculum defensionis eorum possint de predictis licteris facere plenam fidem iubere ipsis et cuilibet ipsorum premissi nostri indulti licteras observari eosque non molestari contra ipsius indulti seriem caritate dominica dignaremur. Nos autem premissum indultum nostrum taliter cum natura de mandato nostro et plena deliberacione procedens volentes inconcusse sicuti ad id procul dubio tendimus observari, volumus vestreque fidelitati presencium tenore de dicta certa nostra scientia mandamus expresse quatenus forma predicti nostri indulti per vos et singulos vestrorum officiorum temporibus diligenter actenta predictum indultum eisdem supplicantibus et cuilibet ipsorum observetis tenaciter et faciatis ab aliis quantum in vobis fuerit observari; nullam adversus supplicantes eosdem, seu alium eorundem, aut bona eorum contra formam predicti edicti facientes noxiam novitatem; revocantes ex nunc prorsus in irritum quicquid per vos in futurum actentari contigerit contra presentis indulti seriem atque mentem. Presentibus post oportunam inspectionem earum remanentibus presentanti premisso modo efficaciter inantea valituris. Datum Neapoli per nobilem virum Gentilem de Merolinis de Sulmona etc., anno Domini MoCCCLXXXIIo, die VIo februarii quinte indictionis, regnorum nostrorum anno primo. Bibliografia N. Barone, Paleografia latina. Diplomatica e nozioni di scienze ausiliarie, Napoli 1923, pp. 329-331. Segnatura precedente Reg. 358, f. 123