Archivio Storico, persone

Titolo NapoliVII.091Indizione VI26 gennaio 1383 Integrazione del titolo Indizione VIData Indizione VI26 gennaio 1383 Indizione VI Luogo NapoliPersone Carlo III d'Angiò Durazzo [re di Sicilia] Ricca, Angelo [notaio ed erario] Isclano, Napoleone [razionale della sommaria] Enti SiciliaDescrizione Karolus tertius etc. Notario Angelo Riche de Agerulo dilecto fideli nostro, gratiam et bonam voluntatem. Scire te volumus quod pridem pro manutentione fidelium nostrorum regni nostri Sicilie ab insultibus piratarum et aliorum nostrorum hostium per mare discurrentium, nec non et custodia ceterorum fortelliciorum decrevimus quod ab universitatibus et hominibus terrarum et locorum ducatus nostri Amalphie ac civitatum Surrenti et Vici et terre Masse recolligi et inigi deberent, mense quolibet, tanta pecunie quantitas que sufficeret pro armatione, munitionibus dictarum galearum recentium propterea provisarum ac custodia ceterorum fortelliciorum prout ordinatum existit et provisum, cuius pecunie recollectionem capitaneo dictarum civitatum Surrenti, Vici et Terre Masse et magistro Napoleoni Isclano de Neapoli rationali camere nostre summarie commissimus per alias nostras licteras certo modo sicque de tua fide, prudencia, sufficientia et legalitate plenarie confidentia te erarium ad recolligendum et percipiendum tam a dictis capitaneis et magistro Napoleoni pecuniam antedictam per eos recolligendam, dicto mense quolibet, in prefatis civitatibus et terris pro causis premissis, quam ab universitatibus et hominibus civitatum Iscle et Putheoli ac terre insule Procide pecuniam nove taxe ab eis exigi provisi pro trimestri tempore ad rationem de granis decem pro quolibet foculari per mensem, nec non ad convertendum et expendendum pecuniam ipsam ad mandata, seu significatorias, vel testimoniales licteras locumtenentis viri magnifici admirati regni nostri Sicilie in armatione et munitionibus, aliis operibus galearum ipsarum ac custodia dictorum fortelliciorum et non in causis aliis quibuscumque duximus de certa nostra scientia usque ad nostrum beneplacitum, vigore presentium specialiter ordinandum, recepto prius a te solito fidelitatis de officio exercendo fideliter corporali ad sancta Dei Evangelia iuramento. Quare volumus et fidelitati tue harum serie mandamus expresse quatenus statim, receptis presentibus, ad civitates et terras predictas te personaliter conferens instanter cum inibi servis duce Deo tam a dictis capitulis prefatarum terrarum et locorum ipsius ducatus nostri Amalfie ac civitatum Surrenti, Vici et terre Masse et magistro Napoleone, vel aliis eorum iamdictam pecuniam recollectam et recolligendam per eos, mense quolibet, in dictis civitatibus et terris pro armatione et munitionibus dictarum galearum ac custodia fortelliciorum ipsorum quam a dictis universitatibus et hominibus prefatarum civitatum Iscle et Putheoli ac terre et insule Procide pecunie et nove taxe ab eis exigi proviso predicto trimestri tempore ad prefatam rationem de granis decem pro quolibet foculari per mensem requiras, recolligas, exigas et percipias donec circa illius recollectionem et habitionem celerem intendas et vaces ac intendi et vacari facias cum omne sollicitudine et diligentia que fieri poterit die noctuque compulsurus cum assistentia et favore officialium nostrorum civitatis et terrarum ipsarum renotentes quoslibet solucione dicte pecunie tam per impositiones penarum et exactiones illarum, quam per captiones personarum, arrestationes et distrationes bonorum ipsorum, quam etiam pro qualibet oportuna et debita favorabilique iuris remedia, que ad id videris expedire nullum hac parte quolibet deferendo presertim cum habitis dicte pecunie pro causis premissis nullam augeat et tarditatem aliquam non requirat pecuniam vero istam recolligendam et percipiendam per te modo premisso fideliter custodias et conserves in aliquo loco tuto pariter et securo, itaque nullum inde dampnum possit contingere, vel sinistrum ipsamque totam sicut ad manus tuas pervenerit successive convertas, solvas et expendas ad mandata, seu significatorias, vel testimoniales licteras prefati locumtenentis admirati iamdicti in armatione, munitionibus et operibus dictarum galearum ac custodia prefatorum fortelliciorum forsan exsolveris illud sibi ex nunc mandamus aliquatenus non admissi acceptari quemlibet, vel audiri, sed te ad solvendum illud nostre curie de tuo proprio sine intermissione compelli de qua quidem pecunia tenearis in camera nostra summarie, nec non alibi computare et inibi finaliter quietare facturus solutionibus singulis de quantitatibus pecunie per eos sibi solvendis sub sigillo et subscriptione tuis ac accepturus de his que ad mandata, seu significatorias licteras locumtenentis predicti solveris, vel assignaveris singulis vicibus apodixas, vel ipsius locumtenentis testimoniales licteras oportunas eius sigillo munitas, que sibi sufficiant ad cautelam facturum nichilominus quaternum unum contenturum nomina et cognomina uniuscuiusque solventis sibi pecuniam antedictam et quantitatem insuper pecunie quam ad mandata, seu significatorias, vel testimoniales licteras locumtenentis predicti solveris et assignaveris, ut prefertur, cum distinctionibus locorum, temporum ac dierum aliisque circumstanciis oportunis particulariter et distincte sigillandum sigillo tuo, quo quidem quaternum taliter sigillatum in dicta nostri camera summarie tempore tui computi studeas assignare, nos enim iamdictis capitaneis et magistro Napoleoni damus per alias nostras licteras in mandatis quod sibi iamdictam pecuniam debeant integraliter assignare et ne in dicto erariatus officio cogaris propriis sumptibus laborare gagia sibi tibi donec pro executione premissorum extra civitatem nostram Neapolis vacaveris ad rationem de unciis duabus et donec in dicta civitate Neapolis illorum executioni intenderis ad rationem de uncia una et tarenis quindecim ponderis generalis per mensem, tenore presencium stabilimus quod sibi quolibet scilicet mense a die recessus tui de dicta civitate nostra Neapolis in antea numerando quamdiu de dicto nostro beneplacito prefatum officium exercebis possis et debeas de prefata pecunia ad manus tuas sicut predicitur perventura de mense in mensem vigore presentium libere retinere quorum retentionem tibi ex nunc pro tunc earumdem vigore presentium acceptamus ac acceptari volumus ei admitti absque cautelis aliis quam presentibus a te similiter requirendis. Datum Neapoli in camera nostra anno Domini MCCCLXXXIII, die XXVI ianuarii VI indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 62 (not.); ivi, C. Borrelli, Repertorium universale etc., vol. II, f. 186 a t. (not.); ivi, M. Chiarito, Repertorium et index regesti Caroli III signati 1382 et 1383, f. 18 a t. (not.); ivi, not. di R. Filangieri; ms. canonico Parascandolo presso F. Cannavale in Massaquano, Notizie di Vico Equense, II, f. 102 (trasc.); ivi, III, n° 382, f. 90 (not.); Società napoletana di storia patria, ms. XXV A 15, f. 499 (not.); ivi, Carte Ricciardi, b. 1, n° 5 (not.); Vico Equense, ms. Ferraro, n° 13, f. 43 e n° 37, f. 55 (not.); M. Camera, Memorie storico-diplomatiche dell'antica città e ducato di Amalfi, vol. II, Salerno 1881, p. 489 (not.). Segnatura precedente Reg. 359, f. 32