Archivio Storico, persone

Titolo NapoliVII.078Indizione VI06 dicembre 1382 Integrazione del titolo Indizione VIData Indizione VI06 dicembre 1382 Indizione VI Luogo NapoliPersone Carlo III d'Angiò Durazzo [re di Sicilia] Carlo I d'Angiò [re di Sicilia] Carlo II d'Angiò [re di Sicilia] Rapicano, Antonio [ribelle] Primicerio, Gennaro [preposto della regia cucina e familiare del re] Orsini, Nicola [conte di Nola, milite, regio consigliere] Crispano, Matteo [dottore di leggi, maestro razionale, luogotenente del gran camerario del Regno, milite e regio consigliere] Gesualdo, Loise [siniscalco del regio ospizio, milite e regio consigliere] Merolinis (de), GentileEnti SiciliaDescrizione Karolus tertius etc. Universis presens privilegium inspecturis, tam presentibus, quam futuris. Consuevit interdum regie liberalitatis officium de infidelium spoliis fideles induere ut illi de commissis in dominum meritam penam supportasse sentiant et isti de virtutis constantia consecutis premium se fuisse letentur. Sane, dato pridem maiestati nostre intelligi quod Antonius Rapicanus de Neapoli in reprobum sensum datus, factus erat rebellis maiestatis nostre et commiserat crimen lese maiestatis nostre, per cuius rebellionem, seu lese nostre maiestatis crimen bona ipsius Antonii, ubicumque sita et posita in regno nostro Sicilie, mobilia et stabilia erant ad manus nostre curie rationabiliter devoluta, confiscata, publicata et fisci nostri comodis applicata, nos volentes de premissis certius informari ut tale delictum non transiret quolibet impunitum, commisimus et mandavimus magistro iusticiarii regni Sicilie, vel eius locumtenenti et iudicibus eius de curia, pro ipsa curia procederet contra ipsum Antonium et inquireret de predictis, que quidem curia attento tenore dictarum litterarum nostrarum citavit, seu citari mandavit et fecit ipsum Antonium ad penam publicacionis omnium bonorum suorum mobilium et stabilium burgensaticorum et feudalium, ut in certo et perentorio termino sibi dato in dicta curia personaliter comparare deberet, recepturus copiam capitulorum specialis inquisicionis faciende propterea contra eum et alia faceret que dicta citatio plenius continebat et quia dictus Antonius non comparuit in termino supradicto, nec aliquis comparuit pro eodem, qui ipsius absentie causam proponeret, vel ipsum legitimis excusationibus excusaret, accusata prius legitime contumacia ipsius Antonii per procuratores et advocatos dicte magne curie, seu fisci et habita per ipsam curiam pro accusata declaravit dicta curia et decrevit contumaciam per ipsum Antonium fore contractam ac fuisse et esse contumacem et dicta contumacia exigente ipsum Antonium in crimen lese maiestatis nostre rationabiliter incidere ac fuisse et esse reum criminis lese maiestatis predicte et dictam penam publicacionis et confiscacionis dictorum bonorum suorum omnium mobilium et stabilium, burgensaticorum et feudalium ipsum Antonium incurrisse ipsamque penam commissam fuisse et esse in fiscum nostre curie et bona predicta decrevit fuisse et esse publicata et nostri fisci compendiis applicata sicut scriptum decreti, seu summe dicte curie in nostra curia presentatum latius declarat, nos igitur actentis sincere devotionis et fidei meritis Ianuarii Primicerii de Neapoli, coquine nostre prepositi, familiaris et fidelis nostri dilecti gratisque servitiis, utilibus et acceptis per eum maiestati nostre fideliter prestitis, queque prestat ad presens et speramus eum in antea de bono in melius prestiturum ut proinde ipsum prosequamur aliquali rependio premiorum eidem Ianuario et suis utriusque sexus heredibus ex suo corpore legitime descendentibus natis iam et in antea nascituris in perpetuum bona omnia et singula que fuerunt dicti Antonii ubicumque sita et posita in dicto regno Sicilie, que prout apparet per scriptum dicti decreti fuerint et sint ad manus dicte nostre curie rationabiliter devoluta, publicata, confiscata et fisci nostri comodis applicata usque scilicet ad valorem annuum, sive redditum unciarum auri duodecim, de quibus inquiri volumus diligenter, reliquo pluri quod forsitan deductis dictis annuis unius duodecim bona ipsa valerent ad opus nomine et pro parte dicte nostre curie rimanente harum serie proprii motus instincta de certa nostra scientia, liberalitate mera et gratia speciali damus, donamus, tradimus ac concedimus in feudum sub servicio exinde contingenti iuxta usum et consuetudinem dicti regni nostri Sicilie ac generalis et humane regie sanctionis edictum de feudorum successionibus in favorem comitum et baronum omnium dicti regni a tempore felicis adventus clare memorie domini regis Karoli primi in ipsum comitatum, baronias et feuda inibi ex perpetua collacione tenentium factam dudum per inclite memorie dominum regem Karolum secundum et in parlamento celebrato Napoli divulgatum, ita quidem quod prefatus Ianuarius ipsique sui heredes bona ipsa in quibuscumque consistant cum iuribus et pertinentiis eorum omnibus immediate et in capite a nostra curia prefata teneant et possideant nullumque alium preter nos ac nostros in eodem regno heredes et successores superiorem et dominum exinde recognoscant servireque teneantur proinde nobis ac heredibus et successoribus ipsis nostris de directo feudali servicio exinde contingenti ad rationem, videlicet, de annuis unciis viginti pro quolibet integro servicio militari, secundum quod est de usu et consuetudine dicti regni quotiens servicium regni baronibus et feudatariis per ipsam nostram curiam generaliter iudicetur, quod servicium prefatus Ianuarius in nostra presentia constitutus sua mera, bona et gratuita voluntate pro se ac heredibus ipsis suis nobis nostrisque in dicto regno heredibus et successoribus facere obtulit et promisit, investientes eundem Ianuarium pro se dictisque suis heredibus per nostrum anulum de presenti nostra gratia premisso modo presentialiter, ut est moris, quam investituram vim et efficaciam vere et realis concessionis et inrevocabilis tradicionis decrevimus et volumus obtinere pro quibus quidem bonis ab eodem Ianuario ligium proinde in manibus nostris homagium et fidelitatis debite recepimus iuramentum, clausulis, condicionibus, retentionibus et reservationibus omnibus et singulis qui et que in privilegiis donationum clare memorie progenitorum nostrorum et nostri consueverunt exprimi et apponi in presenti privilegio nostro intellectis et habitis pro expressis ac si forent in distincti et particulariter annotati, salvis autem hominum serviciis nobis exinde debitis, secundum usum et consuetudinem dicti regni ac omnibus quibuslibet aliis que ipsi nostre curie, ratione maioris dominii, pro bonis ipsis debentur, prout habemus ea et habere debemus in terris et locis aliis dicti regni eiusdem maioris dominii ratione, salvis etiam usibus et consuetudinibus aliis dicti regni ac iuribus nostre curie et alterius cuiuscumque volumus autem et declaramus expresse quod predictus Ianuarius, seu ipsius heredes sui procurent cum solertia debita et instanti infra menses tres postquam de mandato nostro ad alias nostras litteras in corporalem possessionem dictorum bonorum usque scilicet ad valorem annuum unciarum duodecim inductus fuerit in antea computandos presentes litteras in quaternionibus nostre camere penes thesaurarios nostros conscribi et annotari facere ut tempore quo in regno nostro precipitur feudale servicium baronibus et feudatariis aliis dicti regni memoratum Ianuarium ipsosque heredes eius tamquam novos prefatorum bonorum possessiones et dominos prescriptique feudalis servicii debitores contingat in illis manualiter et habiliter reperiri alias, autem presens nostra gratia nullius sit roboris vel momenti. In cuius rei fidem perpetuamque memoriam ac prefati Ianuarii dictorumque heredum eius cautelam presens privilegium exinde fieri et pendenti maiestatis nostre sigillo iussimus communiri. Datum Neapoli, presentibus magnificis et nobilibus viris Nicolao de Ursinis, Nolano, palatino et Soleti comite, collaterali, Mattheo Crispano de Neapoli legum doctore, magne nostre curie magistro rationali ac locumtenente magni camerarii regni Sicilie, Loysio de Gisualdo nostri hospitii senescallo, militibus, dilectis consiliariis et fidelibus nostris et quampluribus aliis. Datum Neapoli per manus viri nobilis Gentilis de Merolinis de Sulmone etc., anno Domini MCCCLXXXII, die primo decembris VI indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 61 a t. (not.); ivi, C. Borrelli, Repertorium universale etc., vol. II, f. 186 a t. (not.); ivi, trasc. di C. Minieri Riccio; Società napoletana di storia patria, ms. XXV A 15, f. 499 (not.); ivi, ms. XXV C 2, ff. 187 a t. e 415 a t. (not.); ivi, Carte Ricciardi, b. 1, n° 5 (not.). Segnatura precedente Reg. 359, f. 24