Archivio Storico, persone

Titolo NapoliVI.279Indizione VI27 gennaio 1383 Integrazione del titolo Indizione VIData Indizione VI27 gennaio 1383 Indizione VI Luogo NapoliPersone Carlo III d'Angiò Durazzo [re di Sicilia] Brancaccio, Nicola [milite, ciambellano e familiare] Serino (di), Matteo [milite] Filangieri, Giacomo [milite, signore di Candida] Descrizione Karolus tertius etc. Nicolao Brancatio de Neapoli militi, cambellano, familiari et fideli nostro dilecto, gratiam etc. Ut in satisfactione gagiorum debitorum genti armigere ad nostra servitia militanti defectus, vel dilatio non intersit, decernimus quod ab universitatibus et hominibus terrarum Sancti Severini et Sancti Georgii et pertinentiarum earumdem ac Montorii, Serini et aliarum terrarum virorum nobilium Mathei de Serino et Iacobi de Candida militum, dilectorum fidelium nostrorum, pecuniam nove taxe ab eis exigi provise ad rationem de granis decem pro quolibet focolari per mensem debita ac ad solvendum restans per eos nostre curie a die scilicet primo proximo preteriti mensis augusti anni quinte indictionis nuper elapse quo die imposita fuit, seu recolligi provisa pecunia taxe predicte et usque per totum presentem mensem ianuarii huius anni sexte indictionis instanter recolligi debeat et habere et propterea de fidei sufficientie et legalitatis tue meritis aliisque virtutum donis quibus multipliciter insigniris plenarie confidentes, tibi recollectionem et perceptionem dicte pecunie duximus in terris predictis de certa nostra scientia tenore presentium fiducialiter committendam, volentes et fidelitati tue harum serie mandantes expresse quatenus statim, receptis presentibus, ad dictas terras Sancti Severini, Sancti Georgii earumque pertinentias ac Montorii, Serini aliasque terras dictorum Mathei et Iacobi te personaliter conferens instanter, cum inibi fueris, duce Deo, de quantitate pecunie ipsius nove taxe debita ac ad solvendum restante per iam dictas universitates et homines prefatarum terrarum pro tempore supradicto te diligenter informes et deinde huiusmodi informatione habita statim et indilate ab universitatibus et hominibus terrarum ipsarum pecuniam dicte nove taxe debitam per eos ac ad solvendum restantem a dicto die primo ipsius mensis augusti et usque per totum prefatum presentem mensem ianuarii, velut superius est expressum, ad prefatam rationem de granis decem pro quolibet foculari per mensem recolligas, exigas et percipias ac recolligi, exigi et percipi facias, nec non circa illius recollectionem et habitionem indilatam et celerem intendas et vaces ac intendi et vacari facias cum omni solicitudine et diligentia qua fieri poterit, die noctuque, itaque dicta pecunia pro satisfactione gagiorum dicte gentis armigere habeatur, sine intermissione quacumque compulsurus cum assistentia et favore officialium nostrorum partium earumdem, si expediens fuerit remictentes quoslibet ad solutionem dicte pecunie, tam per impositiones penarum et exactiones illarum, quam per captiones personarum, arrestationes et distractiones bonorum ipsorum, quam etiam per quelibet alia oportuna et debita favorabiliaque iuris remedia que ad id videris expedire nulli mihi in hac parte quomodolibet deferendo, presertim cum habitio dicte pecunie pro satisfacione gagiorum dicte gentis armigere multum urgeat et tarditatem aliquam non requirat, pecuniam vero totam dicte nove taxe recolligendam et percipiendam per te, modo premisso, fideliter custodias et conserves in aliquo loco tuto pariter et securo, ita quod nullum inde dampnum possit contingere, vel sinistrum ipsamque totam sicut ad manus tuas pervenerit, successive ad cameram nostram mittas nostris inibi thesaurariis assignandam, vel de illa facies prout habes, vel habebis per alias nostras litteras in mandatis. De qua quidem pecunia tenearis in camera nostra summarie et non alibi computare ac inibi finaliter quietare facturus solventibus singulis de quantitatibus pecunie per eos tibi solvendis sub sigillo tuo ac recepturus a dictis thesaurariis, vel personis aliis de hiis, que ipsis assignaveris, exinde sub ipsorum sigillis et subscriptionibus singulis vicibus apodixas, quas vobis et eis plene sufficere volumus ad cautelam ac in tuo et ipso computis acceptari pariter et admicti, nullis cautelis aliis quam presentibus cum apodixis iam dictis a te et ipsis propterea quomodolibet requirendis, facturus nihilominus fieri quaternum unum contenturum nomina et cognomina uniuscuiusque solventis tibi pecuniam antedictam ac quantitatem pecunie per eos tibi taliter persolvendam quantitatem, insuper pecunie quam dictis thesaurariis, vel personis aliis assignaveris, ut est dictum, cum distinctionibus temporum et dierum aliisque circumstantiis oportunis sigillandum sigillo tuo, quem quidem quaternum taliter sigillatum in dicta camera nostra summarie tempore tui computi studeas assignare, ut de premissis inibi plena informatio suis vicibus habeatur. Datum Neapoli in camera nostra, anno Domini MCCCLXXXIII, die XXVII ianuarii VI indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 92 e a t. (not.); ivi, M. Chiarito, Repertorium et index regesti Caroli III signati 1382 et 1383, f. 43 a t. (not.); ivi, not. di F. Scandone da C. De Lellis, Notamenta, vol. VII, p. 105; Società napoletana di storia patria, Carte Ricciardi, b. 1, n° 5 (not.); E. Ricca, La nobiltà del regno delle Due Sicilie, vol. IV, Napoli 1869, pp. 184-186 (trasc.); F. Scandone, Storia di Avellino, vol. II/II, Napoli 1950, p. 66 e CCLVII p. 268 (not.); Idem, Documenti per la storia dei comuni dell'Irpinia, vol. I, Avellino 1956, p. 13 (not.). Segnatura precedente Reg. 359, f. 260 a t.