Archivio Storico, persone

Titolo NapoliVI.269Indizione VI28 marzo 1383 Integrazione del titolo Indizione VIData Indizione VI28 marzo 1383 Indizione VI Luogo NapoliPersone Carlo III d'Angiò Durazzo [re di Sicilia] Sanseverino, Errico [conte di Mileto e Belcastro, regio consigliere] Marcicotina, Andrea [notaio, erario] Buzzuto, Palamide [milite] Hawkwood, Giovanni [milite, capitano] Enti Principato CitraBasilicataDescrizione Karolus tertius etc. Magnifico viro Herrico de Sancto Severino comiti Mileti et Bellicastri, consiliario et fideli nostro dilecto, gratiam etc. Ut circa obsidionem et captionem castri terre Padule viriliter intendatur, nec ex defectu pecunie in ipsius castri obsidione et capcione celeri possit intervenire defectus, decrevimus de scientia certa nostra quod ab universitatibus et hominibus civitatum, terrarum et locorum provinciarum Principatus citra serras Montorii et Basilicate exigatur, et exigi instanter debeat, tam pecunia nove taxe ab eis exigi provise ad rationem de tareno uno pro quolibet foculari per mensem, quam pecunia generalis collecte per eos nostre curie debite pro presenti anno sexte indictionis ac pecunia residuorum quorumlibet pro preteritis temporibus per ipsos nostre curie debitorum omnisque alia fiscalis pecunia quomodocumque et qualitercumque ipsi nostre curie per eos similiter debita, nec non et a comitibus, baronibus, feudotariis provinciarum ipsarum pecunia serviciorum feudalium et adohamentorum per eos ipsi nostre curie debitorum pro dicto anno presenti ac residua serviciorum ipsorum per eos dicte nostre curie pro preteritis temporibus debitorum, convertenda deinde per notarium Andream Marcicotinam de Neapoli fidelem nostrum, erarium deputatum per nos super recolleccione et perceptione pecunie supradicte ad mandata, seu significatorias, vel testimoniales licteras tuas, seu viri nobilis Palamidesii Buczuti de Neapoli militis, consiliarii et fidelis nostri in solucione gagiorum viri magnifici Iohannis Aguth militis et gentis armigere de societate sua ac in confectione trabucchorum, bastidarum et aliorum propugnaculorum fieri provisionem omniumque aliarum rerum et causarum necessariarum in obsidione et captione dicti castri Padule, prout ordinatum est, pariter et provisum; ideoque volumus et magnificentie tue de cuius strenuitate, sollicitudine, vigili morum claritudine et generositate persone ac experientia in arduis et ponderosis negotiis comprobata confidimus experto, harum serie commictimus et mandamus expresse quatenus, statim, receptis presentibus, ad dictas provincias te personaliter conferens, tam ab universitatibus et hominibus dictarum civitatum, terrarum et locorum provinciarum ipsarum pecuniam dicte nove taxe ab eis exigi, ut prefertur, provise ad racionem de tareno uno pro quolibet foculari per mensem, nec non pecuniam dicte generalis subventionis, seu collecte per eos nostre curie debite pro dicto presenti anno sexte indictionis ac pecuniam residuorum quorumlibet per eos pro dictis preteritis temporibus ipsi nostre curie similiter debitorum predictamque omnem aliam fiscalem pecuniam per eos ipsi nostre curie quomodocumque et qualitercumque, velut premictitur, debitam, quam a dictis comitibus, baronibus et feudotariis provinciarum ipsarum pecuniam dictorum serviciorum feudalium et adohamentorum per eos pro dicto presenti anno ipsi nostre curie debitorum ac residua serviciorum ipsorum debitorum per eos pro dictis preteritis temporibus eidem nostre curie, ut est dictum, recolligas, seu per dictum erarium recolligi exigi et percipi facias ac circa recollectionem et habitionem celerem dicte pecunie intendas et vaces, seu per dictum erarium intendi et vacari facias cum omni sollicitudine et diligentia qua fieri poterit, die noctuque, ita quod dicta pecunia pro causis premissis quantocius recolligi valeat et haberi; compulsururs, seu per dictum erarium compelli facturus, renitentes quoslibet ad solucionem dicte pecunie, tam per imposiciones penarum et exactiones illarum, quam per capciones personarum, arrestationes et distractiones bonorum ipsorum, quam ecciam per quelibet alia oportuna iuris remedia, que ad id videris expedire, nulli in hac parte quomodolibet deferenda presertim cum habicio dicte pecunie pro causis predictis multum urgeat et tarditatem aliquam non requirat astiturus nichilominus ac assisti facturus dicto erario circa recollecionem et habicionem celerem dicte pecunie, cum opus fuerit auxiliis, consiliis ac presidiis et favoribus oportunis, pecunia vero tota distinctarum superius specierum recolligenda ab universitatibus et hominibus ac comitibus, baronibus et feudotariis supradictis percipiatur et percipi debeat per dictum erarium custodienda per eum in camera tua, vel dicti Palamidesii, in quadam cassa habitura duas seras cum duabus clavibus diversis retinendis, una per te, seu dictum Palamidesium, et altera per dictum erarium, prout ordinatum est pariter et provisum dictaque pecunia solvatur et convertatur per dictum erarium ad mandata, seu significatorias, vel testimoniales licteras tuas, seu dicti Palamidesii in solucione gagiorum dicti Iohannis Auguth et gentis armigere de societate sua ac in confectionem dictorum trabucchorum, bastidarum et aliorum propugnaculorum fieri provisorum omniaque aliarum rerum et causarum necessariarum in obsidione et captione dicti castri Padule, prout superius est expressum, de qua quidem pecunia teneatur dictus erarius et non tu, seu dictus Palamidesius, in camera nostra summarie et non alibi computare ac inibi finaliter quietari. Facturus fieri per dictum erarium solventibus singulis de quantitatibus pecunie sibi solvendis sub sigillo tuo, vel dicti Palamidesii, ac sigillo et subscriptione dicti erarii gratis et sine solutione aliqua, nec non recipi facturus per dictum erarium de his que ad mandata, seu significatorias litteras tuas, vel dicti Palamidesii, solverit sub sigillis tantum recipiencium singulis vicibus apodixas in ipsorum computis producendas et ecciam acceptandas, absque cautelis aliis ab eis propterea quomodolibet requirendis. Data Neapoli in camera nostra, anno Domini millesimo trecentesimo octuagesimo tertio, die XXVIII marcii VI indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 85 a t. (not.); Società napoletana di storia patria, Carte Ricciardi, b. 1, n° 5 (not.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 195 (not.); A. Sacco, La certosa di Padula, vol. I, Roma 1914, XIX p. 195 (trasc.). Segnatura precedente Reg. 359, ff. 206 a t., 211, 225