Archivio Storico, persone

Titolo NapoliVI.236Indizione VI15 febbraio 1383 Integrazione del titolo Indizione VIData Indizione VI15 febbraio 1383 Indizione VI Luogo NapoliPersone Carlo III d'Angiò Durazzo [re di Sicilia] Caracciolo, Nicola [miulite, capitano generale in Abruzzo, ciambellano e familiare] Sanseverino, Bartolomeo [vicerè d'Abruzzo] Napoli (di), RaguzioMonte Santa Maria in Giorgio (de), Angelo [giudice ed erario] Enti Abruzzo CitraAbruzzo UltraDescrizione Karolus tertius. Nobili viro Nicolao Caraczulo dicto Viola de Neapoli militi, generali capitaneo lancearum centum profecturo ad partes utriusque provincie Aprutine, dilecto cambellano, familiari et fideli nostro, gratiam etc. Scire te volumus quod pridem per alias licteras nostras commisimus viro magnifico Bartholomeo de Sancto Severino militi, locumtenenti pro partibus utriusque provincie Aprutine, consiliario, fideli et devoto nostro dilecto, ut bona nostrorum quorumcumque rebellium dictarum partium, que erunt sine vaxallis, certo modo venderet cum notitia et conscientia Ragutii de Neapoli tunc existentis in dictis partibus Aprutinis idemque Ragutius deputatus esset circa receptionem monstrarum nostrarum gentium militantium penes dictum Bartholomeum ad nostra servitia in partibus Aprutinis eisdem, quia tamen idem Ragutius se a dictis partibus assentavit, nos volumus dicta negotia quomodolibet intermicti decrevimus de scientia certa nostra quod idem Bartholomeus iam dicta bona dictorum nostrorum quorumcumque rebellium partium earumdem sine vaxallis vendat et vendere debeat de vivo cum notitia et conscientia tua, sicut habebat illa quousque vendere cum ipsius Ragutii notitia et conscientia, ut feretur, et facte inde nostre lictere continent et declarent eumque recipias de monstra ab omnibus gentibus armigeris, militantibus et militare habentibus ad nostra servicia in partibus supradictis, quare volumus et fidelitati tue harum serie mandamus expresse quatenus, statim, receptis presentibus, ad partes dicte utriusque provincie Aprutine te personaliter conferens instanter cum inibi fuerit, duce Deo, habita prius per te informatione debita de numero caporalium et armigeriorum totius gentis armigere supradicte, deinde a caporalibus et armigeris antedictis singulis vicibus satisfactionis impedente dictis armigeris de gagiis eorumdem per iudicem Angelum de Monte Sancte Marie in Georgio erarium per nos in dictis partibus deputatum recipias in presentia ac eius noticia et conscientia dicti Bartrholomei, nec alterius deputandi, per eum monstram debitam et statutam de personis, armis et equis ipsorum redigendam, seu redigi faciendam per te in scriptis in quodam quaterno contento nomina et cognomina armigerorum ipsorum ac monstram recipiendam ab eis de personis, armis et equis ipsorum cum mercis et pilaturis dictorum equorum ac cum aliis opportunis circumstantiis particulariter et districte sigillando sigillis dicti Bartholomei, seu prefati deputandi per eum et tui, quod quidem quaternus realiter sigillatus in nostra camera summarie, tempore tui computi producere tenearis, in receptione vero dicte monstre videas atque procures cum notitia et conscientia dicti Bartholomei, seu prefati deputandi per eum defectus omnes si qui fuerint in receptione monstre predicte secundum copiam prime monstre per te a dictis armigeris in eiusdem partibus recipiende, necnon defectus predictos per te taliter reperiendos et notandos in dicto quaterno conscribas ipsosque distincte et particulariter significes per lictera tuas singulis vicibus receptionis dicte monstre erario supradicto deducendos et defalcandos per eum de gagiis armigerorum ipsorum eius quidem quaterni consimilem eidem erario sub sigillo dicti Bartholomei et tuo assignare procures per eum in dicta nostra camera summarie tempore sui computi similiter producendum, volumus insuper et tibi presentium auctoritate precipimus ut illos ex dictis armigeris et comestabulis, caporalium gentis armigeri supradicti subrogando forsitan per dictum Bartholomeum loco decedentium ac absentium, vel recedentium a nostris servitiis ac quos alios sufficientes et bonos recipiendos loco aliorum mortuorum, seu in defectu iam dicto in eadem monstra recipias et conscribas ac bullari facias cum notitia et conscientia dicti Bartholomei, vel alterius per eum deputandi, prout est in talibus fieri consuetum et quia in receptionibus monstrarum consueverunt diverse fraudes committi, idcirco te promisum reddimus et attentum quod singulis vicibus receptionem monstre predicte advertas attente, ne per dictos armigeros fraudes alique in damnum et preiudicium nostre curie committantur cum tibi super hoc specialiter incubamus et nichilominus de omnibus et singulis venditionibus bonorum supradictorum quorumcumque rebellium partium predictarum sine vassallis faciendis per dictum Bartholomeum, prout sibi per dictas alias nostras licteras demandamus studeas plenam et diligentem informationem habere ita quod nihil conscientiam suam latest de premissis sed cum tua notitia et conscientia sicut per dictum Bartholomeum venditiones predicte de quorum bonorum venditionibus fieri facias quaternum unum contenturum huiusmodi bona redenda cum nomiminibus et cognominibus dictorum nostrorum rebellium ac personarum, quibus huiusmodi bona rendentur et cum distinctionibus quantitatum pecuniarum exinde percipiendarum et aliis circumstantiis opportunis sigillandum similiter sigillis dicti Bartholomei et tuo ac per te in dicta camera nostra summarie tempore dicti tui computi producendum. Datum Neapoli in camera nostra, anno Domini MCCCLXXXIII, die XV februarii VI indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f, 86 (not.); Società napoletana di storia patria, Carte Ricciardi, b. 1, n° 5 (not.); F. Caracciolo, Memorie della famiglia Caracciolo, Napoli 1897, vol. II, pp. 111-114 (trasc.). Segnatura precedente Reg. 359, f. 210