Archivio Storico, persone

Titolo NapoliVI.212Indizione VI13 gennaio 1383 Integrazione del titolo Indizione VIData Indizione VI13 gennaio 1383 Indizione VI Luogo NapoliPersone Carlo III d'Angiò Durazzo [re di Sicilia] Lupino (de), NicolaMaffia (de), PietroRassica, GiacomoFondicario, SulloAlliya (de), GiannottoTrentacapelli, Tommaso [notaio] Lupino (de), PandolfoEnti Principato CitraDescrizione Karolus tercius etc. Iusticiario Principatus citra serras Montorii et straticoto civitatis nostre Salerni instantis anni septime indictionis, nec non collectoribus, taxatoribus et quibuscumque perceptoribus pecunie generalis subvencionis, seu collecte nostre curie debite pro dicto anno septime indictionis per universitatem et homines dicte civitatis nostre Salerni ceterisque commissariis et officialibus aliis statuendis per dictam nostram curiam in eadem civitate Salerni pro dicto instanti ano septime indictionis, universitati et hominibus dicte civitatis Salerni pro curie nostre parte ac cuiuscumque alterius fiscalis pecunie per dictos universitatem et homines pro dicto instanti anno eidem nostre curie debende ac syndacis, universitati et hominibus civitatis predicte, dilectis fidelibus nostris, graciam etc. Quia Nicolaus de Lupino dictus Niger, Petrus de Maffia, Iacobus Rassica, Sullus Fundicarius, Ioannoctus de Alliya, notarius Thomasius Trentacapilli et Pandulfus de Lupino de Salerno fideles nostri dilecti noviter mutuaverunt nobis ad requisicionem nostram de pecunia ipsorum propria uncias quatraginta de carolenis argenti ponderis generalis illamque in nostris propriis manibus assignarunt et intendentes ipsos de illis servare prorsus imdempnes, decrevimus noviter et volumus vestreque fidelitati de certa nostra scientia harum serie mandamus expresse quatenus eidem Nicolao de Lupino et aliis secum superius nominatis iamdictas uncias quatraginta de dictis carolenis argenti ponderis generalis per eos nobis de dicta propria ipsorum pecunia, sicut predicitur, mutuatas, quas eis per vos intendimus cum integritate persolvi instanter, alio nostro non expectato mandato de pecunia dicte generalis subventionis, seu collecte per vos predictos universitatem et homines ipsius civitatis Salerni pro dicto instanti anno septime indictionis eidem nostre curie debite ac de prefata pecunia subsidii et nove taxe imponende vobis, predicte universitati et hominibus pro anno predicto, nec non et de dicta omni alia fiscali pecunia per vos predictos universitatem et homines pro eodem instanti anno ipsi nostre curie debende ad manus vestras pro anno ipso primitus proventura integre et sine diminucione aliqua omnique contradictione et difficultate remota, prout ad vos spectaverit, vigore presencium, assignetis ipsosque in illarum assignacione omnibus aliis super dicta pecunia provisiones et stabilaciones habentibus omnino et penitus preferatis, recepturi ab eodem Nicolao et prefatis aliis cum eo superius nominatis de assignacione huiusmodi debitam apodixam, quam vobis plene sufficere volumus ad cautelam illamque una cum assignatione huiusmodi in vestro computo acceptari pariter et admicti nulla cautelis aliis, quam presentibus nostris licteris cum apodixa iamdicta a vobis propterea quomodolibet requirendis, nec non et ab eodem Nicolao et predictis aliis cum eo superius nominatis, postquam ei fuerit per vos de dicta pecunia integraliter satisfactum in testimonio puplico pro parte dicte nostre curie, tam quietacionem oportunam et debitam de ulterius non petendo a nobis et dicta nostra curia pecuniam iamdictam, quam scripturam, seu cautelam aliam, si quam haberent de mutuo supradicto, quas ad cameran nostram summarie, debito tempore, destinare curetis inibi pro cautela dicte nostre curie conservandas, super quo vobis duximus totaliter incumbendum, nos enim eidem Nicolao et aliis supradictis de dicta certa sciencia presencium tenore concedimus quod durante assignacione dictarum unciarum quatraginta ad solucionem alterius mutui, seu assignacionis extraordinarie per eos nobis, seu nostre curie faciendi per nos et dictam nostram curiam, vel alios officiales nostros quoscumque nullatenens compellantur. Datum Neapoli in camera nostra, anno Domini MCCCLXXXIII, die XIII ianuarii VI indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 84 (not.); ivi, M. Chiarito, Repertorium et index regesti Caroli III signati 1382 et 1383, f. 37 (not.); Società napoletana di storia patria, Carte Ricciardi, b. 1, n° 5 (not.); C. Carucci, Codice diplomatico salernitano del secolo XIV. Parte prima. Documenti e frammenti, Salerno 1950, LXXVII p. 225 (trasc.). Segnatura precedente Reg. 359, f. 191 a t.